San Mateo 6:4 - Táurinakene máechejiriruwa’i ema Viya tikaijare

⁴ Piñájichayare eta píjarasirayare. Tási'a ema Tata máimararaka'i tamutu jákani piñájiruana'i, ema tíjarakavinapa eta píkuchi'i te juka apake'e.

Ignaciano

⁴ Piñaji­chayare eta píjara­si­rayare nácani píjara­ca­si­ruyare. Tacahe, ema Tata Vicaiyaquene te anuma máimara­racahi tamutu. Jácani píchaqueneana tayumu­ru­revana, éma títsiri­jie­que­ne­hayare, tíjara­ca­viyare eta pícuchihi.

San Mateo 6:4 ပူးပေါင်းရင်းမြစ်များ

San Mateo 10:42

Tási'a énaipa ena témunara'iana'i naye'e ena nani ánichichakeneana, te naesicha eta une, táichavene eta náe'isiranu'i, éneichuware jarari'i eta náikuchikene.”

San Mateo 6:18

apaesa nakuija nakuimatiakavi ena achaneana eta pijimaira'i. Makarichu ema Tata vikaiyakene maecha eta pichira'i eta juka, ema tijarakaviya eta pikuchi'i.

San Mateo 6:3

Te píjarakayarepuka mákani tikamunuwa'i, wa'i pikumetajirika, wá'iware pikumetaka mákani pémunakasare,

San Mateo 6:6

Étisera te eyujaraka esiapayare te eye'e pusentu, ératakayare eta epajakura, eta eyujarasira maye'e ema Tata Vikaiyakene, ema tímararaka'e'i masamayare'i eta eñajichirawa'i eta eyujarasira, ema tijaraka'eyare eta ikuchi'i.

San Lucas 14:14

taicha ena nani, wa'i títsirijikawanaima'i eta piye'e. Táitsiwasera tétavikawayare eta piúrikakarewayare píti eta pijakapirayare eta píkuchi'i te jena sácheyare pikachanewakayare ena náurikeneana'i makaechepureanaya ema Viya.

San Lucas 8:17

Tayanapanepuka tikayumurukiana'i, tamutuyare'isera tikaechera jákani tayumururewana'i. Tájina tépakuchaima'i eta jakani najajairu'i, tamutuyare'i téchakareya.

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

Hebreo 4:13

Ema Viya máimararaka'i tamutu, tájina wa'i virata'aima'i viyumuruka eta víchakeneana'i. Tamutuyare'i tiúchujika te mamira'u ema te máichu'a'avipa eta vimetauresirawayare maye'e.

San Judas 1:24

Ema Viya, tétavikawa eta máitupaijiasirawa'i. Makarichu'i ema marata'a tikatiucha'avi taye'e eta víkuñayare'ini. Taicha mawara'a'i máepachinachayare eta iáchanewana, takuija'iwaréni eviurewaina eta mámira'eyare te mamira'u te jena sácheyare,

Apocalipsis 2:23

Énerichuware ena suchichanaveana níjarakayare eta najumayare, nímikapasirawakayare, tási'a, échainapa eti nuchanerana'i eta nímatira'i tamutu eta epanereruana, eta te esamureana eti, níma'ainepasera nuti eta nícharakawakayare ena téjekapawana'i, étapa tiámayare eta náichakeneana.