San Mateo 6:2 - Táurinakene máechejiriruwa’i ema Viya tikaijare

² “Eta taka'e, te íjarakayarepuka nákani tikamunuwana'i, wa'i ekumetajirika, wa'i ekukuti ena apimirana timetajirikanapa te petiana naúrujisirarewa ena juriyuana, té'epa te anekapa'iana, apaesa tauri eta naechejisira ena achaneana eta eye'e. Nútisera numetaka'e, ena nani tika'eana'i, najachapainapa eta naikuchi'i.

Ignaciano

² Eta tacahe, te ímica­ta­ca­ya­repuca nácani ticamu­nu­vanahi, vahi ecume­ta­jirica. Vahi ecucuti ena apimirana timeta­ji­ri­canapa te viúruji­si­ra­revana, téhepa te aneca­pahiana. Eta juca náichahi, navarairahi ticuna­cha­ca­rea­na­yarehi nayehe ena achaneana. Nútisera numetacahe: Ena nani ticaheanahi, tájina nacuna­cha­ca­re­vaimahi me Viya.

San Mateo 6:2 ပူးပေါင်းရင်းမြစ်များ

San Mateo 15:7

¡Apimirana! Tatupiruwa'i eta máechejiriruwa'i ema profeta Isaías te techejisia'epa eti, te maka'epa:

San Mateo 16:3

te yátikara'i eka'e'i: ‘Puiti tikiwayare, taicha eta anuma titsirime'i, tási'a timapikurumewa.’ Taicha eti imatiekene'a'i eta taichararakawa'i eta anuma. Ímijachawa'i wa'i ituka'ini ímatiekene'a'ini eta taikutiara eta jukana sacheana.

San Mateo 22:18

Ema Jesús máimatiakawakapa eta tamauriwapa'i eta napanereruana, máichawakapa: –Apimirana, ¿tája'a takayema ewara'a ímiakipaikanu?

San Mateo 23:5

Tímijachawana'i tamutu naitaucha, nawaraira'i tikunachakareana naye'e ena achaneana. Nanaka'i te nana'uana eta Ajureka navejure'i eta te Takapika'ukene Ajureka. Takutikene eta nakamuiri'aira tísapepeakawana'i pínkanillana'i.

San Mateo 23:6

Ewara'a'i ekaejakawayare'i te táurinakene téjasi'akareana, te peti naúrujisirarewana ena juriyuana. Étaipa te nanisirana, ekaejakawaware te távi'ana'i eta tiúrinisipanana tinikakareana,

San Mateo 24:51

Eta taka'e, ema mákenu makawanairipinapa náestakayare muraka nakutiyare ena apimirana eta nakatajiwaira, nájina nájapanuima'i, tayanapane máiya'ainepuka, eta maeñamirawayare.

San Mateo 5:18

Nutupiruwa numetaka'e, te wicha'a takuitawa eta anuma, etapa eta apake'e, wicha'a nukaichepaikaima'i eta wanairipiana, tatiwayare titauchawaya tamutu eta taechejiriruwana'i.

San Mateo 6:16

“Te íjima'i eti, wa'i ekajapanuramiraima'i te namira'u ena achaneana, wa'i ekukuti ena apimirana, ena tímikaecherachawana'i eta naijimaira'i. Nuti numetaka'e, tájinachucha nakunachakarewaima'i me Viya. Ema wa'i maijarakaima'i eta naikuchi'i.

San Mateo 6:3

Te píjarakayarepuka mákani tikamunuwa'i, wa'i pikumetajirika, wá'iware pikumetaka mákani pémunakasare,

San Mateo 6:5

“Te eyujaraka eti, wa'i ekukuti ena apimirana, tiyujarakana te peti naúrujisirarewa ena juriyuana, té'epuka te anekapa'iana, titupi'ana'i ena eta nayujarasira, nawaraira'i náimararakayare'i ena achaneana. Nútisera numetaka'e, ena nani tika'eana'i, najachapainapa eta naikuchi'i.

San Mateo 7:5

¡Apimira!, tatiwanuma pive'a eta pisureru te piuki'a, tási'a pimairikainapa tiuri, tási'a pive'asarenapa eta masureru te mauki'a ema pipareapiya.

Marcos 12:39

Takutikene tinerejiurukawana eta táurinakeneana téjasi'akareana, eta te peti naúrujisirarewana ena juriyuana. Étaipa te nanisirana, tikaejakawanaware te távi'ana'i eta tiúrinisipanana tinikakareana.

Marcos 7:6

Ema Jesús májikapawakapa: –Tatupiruwa'i eta máechejiriruwa'i ema profeta Isaías te techejisia'epa eti apimirana, te majuchapa: ‘Eta juka awasare, tétserajikanuana'i te najakachuchasera, wá'isera taetupikawa'ini eta nasamureana, tiyere'inuanaichucha nuye'e.

San Lucas 11:41

Tatuparaka'i eti, eta epáchi'airayare, ijarakayare eta ima'akeneana naye'e ena paureana tási'a epáchi'ainasarepa.

San Lucas 11:43

“¡Páure'esami eti, fariséuana!, etachucha ewara'a'i ekaejakawayare'i te táurinakene téjasi'akareana te peti naúrujisirarewana ena juriyuana, tási'a ewara'aware ekapika'uyare'i eta échejisiraya ena achaneana te calleana.

San Lucas 12:33

Íjararekayare eta íma'akeneana, íjarakayare nákani tikamunuwana'i. Máima'ainepa ema Viya, tíjaraka'eyare eta táitsiwayare ánaki te anuma, máitawakakainapa eta ekaima'akeneraya. Wá'iware táeñamawakare, taicha nájinapa tiámeyecha'ema'i, tajinaware kachusirina.

San Lucas 12:56

¡Apimirana! Taicha eti imatiekene'a'i eta taichararakawa'i eta anuma, ¿ímijachawa'i wa'i ituka'ini ímatiekene'a'ini eta taikutiara eta jukana sacheana?

San Lucas 13:15

Tási'a, ema Viákenu Jesús, majikapapa: –Eti apimirana, ¿tétavikawa'i eta tamurakawa eta esamureana, te tikaitiki'i eta epera te jákani sache sáwaru, evejapuakayare'i eta ésichirayare eta une, tayanapane takapika'ukene'inéni eta sache?

San Lucas 20:46

“Échapawayare naye'e ena escriwánuana, taicha tétavikawa'i náurisira'i tiúmaji'ana, nawaraira'i tikapika'uanayare'i eta náechejisiraya te plaza. Takutikene tinerejiurukawana eta táurinakeneana téjasi'akareana, eta te peti naúrujisirarewana ena juriyuana. Étaipa te nanisirana, tikaejakawanaware te távi'ana'i eta tiúrinisipanana tinikakareana,

San Lucas 6:24

“Étisera ¡paure'esami eti rikuana, taicha eti tetavikawaipa eta iúrisamurewana!

San Lucas 6:42

Tasi'a piti wa'i pipanerecha eta táichapewa eta péjekapirawana, waipaine'i taurikaima'i paka'e nuvinavi eta pisureru te piuki'a, ¿taja'a takayema pipatsikawa'i picha ema pipareipiya? ¡Apimira!, tatiwanuma pive'a eta pisureru te piuki'a, tási'a pimairikainapa tiuri, tási'a pive'asarenapa eta masureru te mauki'a ema pipareapiya.

San Juan 13:29

Taicha ema Julasi, ema techa'i eta tarera tavi'a'i eta plata, tási'a ena naímijacha'ichucha ema Jesús mawaneka'i mawacharesirayare'i eta tikutikakana'i taye'eyare'i eta piesta, mákaji'iwarepukaini ena páureana eta plata.

San Juan 5:41

“Nuti wa'i nákamesa nakunachanu'ini ena achaneana.

San Juan 5:44

Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

San Juan 7:18

Mákani achane émajirikawa'i téchejisi'awa, mawaraira'i tikunachakareyare'i. Nútisera, eta nuwaraira'i ekunachayare ema Tata tiwanekanu'i, wa'i népiya'ira'ima'i. Nutupiruwa'i néchejisi'a eta yátupikeneana tisuapakareana.

Hechos 10:2

Ema maka achane mapikaucha'i ema Viya. Máimitukawaka'i namutu ena machichanaveana. Éneichuware máimikatakawaka'i ena israelítana páurekeneana, tamutu'i sacheana tiyujaraka'i maye'e ema Viya.

Hechos 10:31

Máichanupa: ‘Cornelio, ema Viya masama'i eta piyujarasirana. Táitekapaucha'iware eta pímikatasirawaka'i ena tikamunuwana páureana.

Hechos 10:4

Ema Cornelio tipikaine'i eta máimarasira'i ema ángele. Mayaserekapa: “¿Tája'a piwara'a eta nuye'e, tata?” Ema ángele maichapa: “Ema Viya taitekapaucha'i eta piyujarauchira'i. Étapa eta pímikatasirawaka'i ena tikamunuwana páureana.

Hechos 11:29

Taka'e, ena té'ikana'i ema Jesús tikawasana'i te Antioquía, napanerechainapa náimiamareka eta nanakiruana, náimikatasiraya ena nachamuriana tikamunuwana'i, énaipa ena tikawasana'i te Judea. Tinakikawanapaipa eta narata'akeneya nanakika.

Hechos 24:17

“Tiuri, kamuripa añuana nupaisira'i, taka'e, nuchawapa te náwasa Jerusalén, náminapa'iware eta nanikawachaya ena nujaneanana páureana, éneichuware nukamawa'upa'iwa me Viya.

Hechos 9:36

Te jena sácheana'i, sutiari'i esu esena tikaijaru Tabitá, te naéchejiriruwa griego eta takayemakene'i Dorcas. Esu, tikawasa'i eta te awasare Jope. Ésuichu'iware té'ika'i ema Jesús. Eta suítaresira'i esu suka esena, sukajiwaka ena páureana eta suíma'akeneana.

Romanos 12:8

nákani náituruekene'a'i eta náetumechiraya nákani apana, wá'iware nayakujima'i, nákani tíjarakasírekana'i eta náima'akeneana, tátupiruwayare'i te nasamure eta nakajira'i ena tikamunuwana'i, nákani katupara'ana'i téchapajirikara'ianayare, tiwapinawanayare eta náitauchira'i eta natuparakasiwa'i, nákani tímikatakana'i ena tijapanukareana'i, tiúrisamureanaya eta náimikataresira'i.

1 Corintios 13:3

Tási'a, te takuija'ipukaini eta vémunaraiwaina'ini, tájina vijakapakaréima'i me Viya. Tayanapane vikajirika'ipukaini tamutu eta víma'akeneana te vipena, té'eware vísapapukaini náijuchaini eta viáke'e táichavenena'ini eta namaurisira'i.

Gálatas 2:10

Takarichu tituparaka'aviana'i eta vímikatasirayare'i ena páureana, eta taka'e'i puiti, nítaucha'i nuti eta nuwanekasiwa'i nímikatasirawakaya ena páureana.

Efesios 4:28

Mákani tiámera'ini'i, waipa makuapechawa makuamereka. Mákaematane apaesa makunachakare, apaesaware eta jákani máematanewachayare eta maviyi'ayare eta makajirayare ena tikamunuwana'i.

1 Tesalonicenses 2:6

Wa'i vipanerecha'ini náetserajika'avi'ini ena achaneana, éti'ipa, virata'a'ineni vímereka eta vitupara'akene'i maye'e ema Viákenu Jesucristo, wá'isera wáwara'a'ini vímerekawa wakuti'ini mákani achane tikamusura.

1 Timoteo 6:18

Taka'e, ena vichamuriana ríkuana'i, pímitukawakaicha'aware eta náuriwainaicha, náimikatara'i ichape taye'e eta ematanekana. Nájapanura'i nakajira'i naye'e ena tikamunuwanapa'i, tátupiruwa te nasamure eta náijarasiraina.

Filemón 1:7

Ichape eta núrisamurewa'i picha piti nuparape, tijara'ine'i picha te nusamure eta nusamairika eta pímiyanirawa'i pémunakawaka yátupi ena vichamuriana, étapa eta pikurisamurechirawaka'i ichape ena te'ikana ema Viya.

Hebreo 13:16

Éneichuware, wa'i ekuemitisika eta íchira'i eta táurikeneana. Ekajiyarewa ena echamuriana eta ekaye'ekeneana. Eta tímikutijirikawaipa eta iámawa'u'i. Ekurisamurechaipa ema Viya.

1 Pedro 4:11

Eti máimitureana ema Viya, eta échejisira, ekuneuchawa yátupi eta máechejiriruwana ema Viya. Eti ímikatara'iana ítatiwaka ena echamuriana, wa'i éñamaima'i eta etumewa máijararu'e'i ema Viya. Étavene'i eta é'isira'i ema Jesucristo, tamutu tauri eta jákani íchakeneana apaesa nakunacha ema Viákenu namutu ena tíma'a'eana. Ema, ¡tétavikawa'i eta makunachakarewa'i! ¡Máitawakaka'iware eta vé'isiraya ema! Amén.