San Mateo 5:9 - Táurinakene máechejiriruwa’i ema Viya tikaijare

⁹ “Tétavikawa eta náurikakarewaya, ena tikaepa'ana eta semanereana, taicha ema Viya machichayare.

Ignaciano

⁹ Ena nani ticonse­ja­ra­hianahi nayeheana ena achaneana, nacaepa­hairahi eta semanereana, tétavicava eta náurica­ca­revaya éna; taicha máimereu­chainapa ema Viya eta machichai­ra­vacahi éma.

San Mateo 5:9 ပူးပေါင်းရင်းမြစ်များ

San Mateo 5:45

Taka'e eti tímereucha'eyare eta machicha'era'i ema Tata Vikaiyakene tiavi'a'i te anuma, taicha ema namutu máemunakawaka'i, ena achaneana wínarajiana énapa ena tiúriana, tási'a ema tíjaraka'avi'iware eta sache, étapa eta tikiwa, naye'e ena natupiruwana, énapa ena maetupikushiana.

San Mateo 5:48

Ímereka eta iúriwa naye'e namutu, ekutiyare ema Tata Vikaiyakene te anuma eta máuriwa'i.

San Lucas 20:36

taicha waipa tiápechawaima'i tépenana. Nakutinapa ena ángeleana, yátupinapa machichanaveanainapa ema Viya, taicha ema tikaechepukawaka'i.

San Lucas 6:35

Étisera émunakayare ena tikatianaka'eana'i, tási'a íchayarewa eta táurikeneana, tási'a íjarakaware eta nakamukeneana nákani tikapuka'eana. Wa'i ekukuchapa eta náitsirijirapiyare. Eta taka'e'i eta ímereuchirawa eta machicha'eira ema Tata Vikaiyakene. Taicha ema, tétavikawa'i eta máuriwa naye'e namutu, énaipa ena wínarajikeneana máechawara'ana'i.

Hechos 7:26

Te apanawarepa sache, ema Moisés máima'awarepa ena té'akakana'i, ena apinana ena israelítana. Mawara'apa makaichepaika. Máichapa: ‘Eti echamurikaka'i, ¿tája'a takayema e'akaka eti, ima'a eparapekaka'i?’

Romanos 12:18

Ámeta eta iuriwaina'i eta ítaresiraina, naye'e namutu ena achaneana.

Romanos 8:14

Taicha vimutu'i viti visuapana'i ema Machanewa Viya, machicha'avipa ema Viya.

Romanos 8:16

Émaichu ema Machanewa Viya ema tiawa'aka'avi'i eta viachanewa viti emara timireucha'aviyare'i eta machichaira'avi'i ema Viya.

Romanos 8:19

Jé'eware, tétavikawa'i eta tajamurachakarewa'i te táitekapapa eta sácheyare, eta vímairaya eta vikuchapakene'i eta takaitsiwairaya eta viáke'e vimutu viti machichanaveana ema Viya.

1 Corintios 6:6

¡Wa'i takarichu'ini e'ajirikaka'ini, eti eparapekaka, ekamesaicha'a'i emetauchakakayare'i naye'e ena tuparairukana taye'e eta awasare, maimatira'ana ema Viya!

2 Corintios 13:11

Tiuri puiti, nuparapenaveana, ítatijirikawa'i. Etánukayare eta táurikeneana eta ítaresirana. Ekurisamurechakaka. Takuija'ini eta semanerena eta eye'e. Tákutikaka eta epanereruana. Máijaraka'e'ini ema Viya eta tanarasiraina eta iáchanewana, taicha tétavikawa'i eta máemunaraiwa'i ema.

2 Corintios 5:20

Taka'e, víti mawaneru'avi'i ema Cristo víchu'awakayare'i namutu. Tímikutijirikawaipa émakenena'ini máechejikawaka'ini ema Viya. Puiti viyaseakawaka'i namutu nakasiñawa maye'e ema Jesucristo; wáipaware tipikakarakawanaima'i eta náikuñaya'ini.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Filipenses 4:2

Nuwara'aware nutuparakawaka ena vichamuriana esu Evodia ésupa esu Síntique, tachawaini eta náemunasirakaka, wa'i takunasi eta nakatichirakaka'i, taicha naparapejirikaka'i te mawa'uana ema Viákenu.

Colosenses 3:13

Te tatiari'inapuka eta náejekapirawaina ena echamuriana eta eye'e, wa'i ekukaticha, ekamicha. Ejapanuyare, ekutiyare ema Cristo eta majapanuira'e'i eti.

Hebreo 12:14

Takuijaware ekuichirawaina'i naye'e namutu ena achaneana. Yátupina eta epáchinawaina te esamureana étapa eta iúriwa eta ítaresirana. Taicha te wa'i tiúri'i eta ítaresirana, wa'i ítekapauchaima'i ema Viákenu.