San Mateo 3:7 - Táurinakene máechejiriruwa’i ema Viya tikaijare

⁷ Taka'e te maima'apa ema Juan ena fariséuana énapa ena saduceoana. Nayanaucha'i, nawaraira'i tikaikachasiana, máichawakapa: “¡Tachichanaveana eta kichare! ¿Nája'a ticha'e'i eta iúchuku'airaya taye'e eta maikuñaraki ema Viya?

Ignaciano

⁷ Énaripa ena fariséoana énapa ena saducéoana nayanau­cha­hivare ema Juan. Vahi náeneucha­vahini, navara­ha­hisera ticaica­chasiana. Tacahe, ema Juan máichavacapa: —¿Tájaha tacayema eta epauchi­ranuhi, eti tachicha­na­vea­na­tataji eta quichare? Esamai­ri­ri­ca­hipuca eta járaja­pai­ra­yarepa eta táiñehi­que­neyare ecuñaraqui. Evara­ha­hipuca iúchucu­hayare.

San Mateo 3:7 ပူးပေါင်းရင်းမြစ်များ

San Mateo 12:24

Eta nasámira'i eta juka, ena fariséuana naka'epa: “Ema Beelzebú ema nákenumuri'i ena éreanana, éma'i tijaraka'i eta máitupajijiasirawa'i ema maka achane, eta makuchusirawaka'i.”

San Mateo 12:34

¡Étisera machichanaveana ema Wínaraji! ¿Waipaine'i ítukaima'i échejisi'a eta táurinakeneana, taicha eti tamaverasiawa'i eta ewínarajiwana? Eta échejiriruwana'i tikaechera'i eta ewínarajiwa te esamureana.

San Mateo 15:12

Taka'e, ena máimitureana témeña'awanapa maye'e ema Jesús, tási'a nayaserekapa: –Ena fariséuana wa'i naurika'ini eta pikayemakene'i.

San Mateo 16:1

Ena fariséuana, tási'a énapa ena saduceoana napauchapa ema Jesús, tási'a nawara'apa naimiakipaikaya'i, nayaseakapa máimereka'ni eta tiáramikareana, te yátupi'ipuka wanairuka'i ema Viya.

San Mateo 16:6

Taka'e ema Jesús máichawakapa: –Íma'a, échapawa eta naye'e lewadura ena fariséuna, enapa ena saduceona.

San Mateo 22:15

Taka'e, eta nasamira'i ena fariséuana, tisemanaine'i. Tiyananapa tikurujikakanapa, nawara'aipa náemejekapawachayare'i apaesa étaina'ipukaini taviucha'ini ema Jesús.

San Mateo 22:23

Étaichu te jena sache, naka'epaipa'i ena saduceoana, ena, apana'iware eta náimiturapiana'i. Wa'i nasuapa eta náechepusirayare eta nachanewa ena náepenakeneana, tiyananapa náima'apana'i ema Jesús. Natanuka'i eta táetseraruwayare'i náicha. Ánipa naka'e:

San Mateo 22:34

Ena fariséuana tikurujikakanapa eta náimaira'i makamatinasirawaka'i ema Jesús ena saduceoana,

San Mateo 23:33

“¡Eti ejaneana eta kichare! Tétavikawa'i eta ewínarajiwa'i ¡Wá'ikene tikaitika'éma'i eta íkuñaya te taijurekene yuku!

San Mateo 5:20

“Táicha te wa'i ekuetumechawa eti, eta esuapajiraiwaina, ekutiyare ena escriwánuana, tási'a énapa ena fariséuana, wa'i itujikawaima'i esiapa te mawasa akenuka ema Viya te anuma.

Marcos 12:13

Nawanekapa ena témejekapawachanayare ema Jesús. Natiari'i'i ena fariséuana machamuriana'i ema Aluresi, apaesa étaina'ipukaini taviucha'ini.

Marcos 12:18

Naka'epaipaware ena apamuriana achaneana, saduceoana. Ena nani saduceoana, apana'i eta náimiturapiana'i, ena wa'i nasuapa eta náechepusirayare eta nachanewa ena náepenakeneana. Tiyananapa náima'apana'i ema Jesús. Ánipa naka'e:

Marcos 8:15

Ema Jesús, máimitumuri'apa ena, máichawakapa: –Íma'a échapawa taye'e eta lewadura naye'e ena fariséuana etapa eta lewadura maye'e ema Aluresi.

San Lucas 16:14

Ena fariséuana, nasamaraka'i eta juka máimiturapiana'i ema Jesús. Tási'a, nakaeka'ipa eta nasamira'i ema. Taicha tétavikawa'i eta tawayuasirawaka'i ena eta plata.

San Lucas 18:11

Ema fariseo, tupi'a'i eta maeñauchirawa'i, ánipa maka'e'i: Nu'asulupayachavi, Tata, eta núriwa'i te pimira'u, wa'i nákuti'ini ena apamuriana achaneana tiámera'iana'i, tisipekaturana'i, esenamareana'iware. Wá'iware nákuti'ini ema máka achane te juka nuchakaya ema tive'ara'i eta viyase'ana.

San Lucas 7:30

énasera ena fariseona énapa ena máestroana, ena máisapawara'ana'i nakaikachasi'ini maye'e ema Juan, taicha wa'i nawara'a'ini nasuapa'ini ema Viya. Temepururekawanaipa eta náuriwayare'ini.

San Juan 1:24

Ena wanairukana'i naye'e ena fariséuana. Ena techejirikawanaya'i maye'e ema Juan,

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

San Juan 9:40

Taka'e, ena fariséuana natiari'ikeneana'i te machakaya, eta nasamira'i, nayaserekapa: –¿Píti pímijacha'aviripapuka púchuki'avi'i, wá'ira púchuki'avina'ini?

Hechos 15:5

Natiari'iware ena fariseona té'ikanaipa'i ema Jesús, titupi'anapa ena, ánipa naka'e'i: –Táitaurewakene takamunuichu vimikutiaracha ena apawasana té'ikanaipa ema Viákenu Jesús. Takamunu'iware náe'ika eta juka mawanairipiana'i ema Moisés.

Hechos 20:31

Tási'a, ekaunewaicha yátupina, échawayare eta mapanakene añu eta nutiari'ira'i eye'e, tamutu'i sacheana, yátiana nechejirika'e'i, émanapachu'i numetaka, níya'asamure'i taicha eta nímaira'e'i.

Hechos 26:5

Éneichuware naecha'i ena eta né'ika'i eta viye'erepiana viti israelítana eta nítaresira'i. Nukachanewaka'i ena fariséuana ena tipíkauchakareanapana.

Hechos 5:17

Emasera nákenumuri, énapa ena machamuriana Saduceoana'i ena, nakapinaruine'i tisemanapa táichavene'i eta náe'isira'i ena kamurikeneana achaneana eta náimiturapi'i,

Romanos 1:18

Taicha vimati eta taiñe'iwa eta maikuñaraki ema Viya, tasi'akene te anuma, naye'eya nanutu ena achaneana wínarajiana eta napanereruana, taichavene eta nawinarajiwa wa'i naisapa'ini eta takaechera'ini eta yatupikene suapakare.

Romanos 5:9

Tási'a puiti, vijakapakareipa me Viya táichavene'i eta vikasiñaira'i ema Jesucristo eta máepenina'avi'i. Ichape'inéni eta véjekapirawa'i, mawara'a'isera ema makaepa'ayare'i eta víkuñayare'ini.

1 Tesalonicenses 1:10

eneichuware timetaka'aviana eta ekuchapira'i eta machaviraya ema Machicha ema Viya mási'airaya te anuma, ema maka Jesús émaichu ema makaechepukasikene'i te máekari maicha ema Maiya. Émara tikatiucha'aviyare taye'e eta ekuñaraki náikuchi'i ena masuapajiraira'ana.

Hebreo 11:7

Émaipa ema Noé, tikasiñawa'i me Viya, tási'a majakapapa. Taicha masuapa'i eta mawanekasiwa'i maepiyasirayare'i eta ichapekene pakure, eta makuchukuiyawayare'i ema, énapa ena machichanaveana taye'e eta ichapekene une. Tájinaicha'aneni ekutiararena'ini. Tasi'a ena achaneana tikaikuñanapasera, taicha eta namasuapira'i.

Hebreo 6:18

Tímatikare'i eta máuriwa'i ema Viya waipaina'i maitsiwachaima'i eta maijarasirawa'i eta maitauchirayare'i eta maechejiriruwa wa'iware tiwayuaraka'avima'i, taicha tijaraka'avi'i eta vitumewayare'i etapa eta makurisamurechira'aviyara'i viti vitanukana eta makatiuchira'aviyare'i ema Viya etapa eta vikasiñawaira vikuchapirayare eta maichakene'i.

1 Juan 3:10

Nákani wa'i tíchana'i eta táurikeneana, wá'iware náemunaka'ini ena nachamuriana, náimereka'i eta wa'i machichawakaina'ini ema Viya. Nímereka'i eta machichairawaka'i ema wínaraji. Vítisera, víchira'i eta táurikeneana, étapa eta vémunasirakaka'i, vímerekawa'i eta makachichaira'avi'i ema Viya.