San Mateo 3:6 - Táurinakene máechejiriruwa’i ema Viya tikaijare

⁶ Timetaurekawanaware eta napeketurana, tási'a ema Juan máikachasikawakapaipa te kajakure Jordán.

Ignaciano

⁶ Tacahe, eta nametau­re­si­ravaipa, navarai­ra­hivare náinajica eta napeca­turana, ema Juan máicacha­si­ca­va­capaipa te cajacure Jordán.

San Mateo 3:6 ပူးပေါင်းရင်းမြစ်များ

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

Marcos 1:5

Namutu ena tikawasana'i te tinapaika te Judea étapa te awasare Jerusalén. Tiuchukanapa'i eta nawaraira'i nasamararaka. Timetaurekawanaware eta napekaturana, tási'a ema Juan máikachasikawakapaipa te kajakure Jordán.

San Lucas 1:16

Ema tétupirikayare eta táuriwayare eta napanereruana ena pijaneanana israelítana, tachavirayare eta nasuapirayare ema Viya.

San Lucas 3:16

émasera ema Juan máichapa namutu: “Yátupi nuti, níkachasika'e'i te une, marajapainapasera ema tíkachasika'eyare maye'e ema Machanewa Viya. Ema tiápajupanawa'i eta máitupaijiasirawa'i nuye'e nuti. Wáipaine'i nákaemuñawaima'i nuvejuchupewacha eta maeparupewa.

Hechos 1:5

Échawaichu, ema Juan, máikachasikawaka'i te une ena achaneana. Étisera, puiti juka sacheanayare, tiúkupaikayare ema Machanewa Viya, émainapa tíkachasika'eyare.

Hechos 11:16

Taka'e, néchapa eta makayemakene'i ema Viákenu, ani maka'e'i: ‘Échawaichu, ema Juan máikachasika'i te une ena achaneana. Étisera tíkachasika'eyare ema Machanewa Viya.’

Hechos 19:18

Taka'e, ena té'ikanapaipa ema Jesús, te náurujisirawana te tiyujarakana, timetaurekawanapaipa tamutu eta náejekapirawana eta náitaresira'i,

Hechos 22:16

Puiti, enewane pikaikachasiya te máijare ema Viákenu, piyaseaka maye'e eta takasipairaya eta pipekaturana’

1 Corintios 10:2

Taka'e namutu kaikachasiana'i taye'e eta ukaji etapa eta Mar Rojo, taka'e'i eta náitauchiraya eta náe'isiraya ema Moisés.

Colosenses 2:12

Te ekaikachasipa eti maye'e ema Cristo, taka'e eti eneichuware échawapa itareka maye'e ema Cristo taichavene eta esuapira'i eta maitupajijiasirawa'i ema Viya, ema timichawa'i tikaitareka'e'i.

Hebreo 6:2

eti ímatipa eta táichararakawa'i te ekaikachasinapa, étapa eta táichararakawa'i te nanakapa eta nawa'u te echuti, ímatiwarepa tamutu eta vímiturapiana taye'e eta náechepusirayare ena náepenakeneana, étapa eta ekuñaraki máitawakakayare.

Hebreo 9:10

Wa'i étaparakaina'ini taye'e eta náchanewa, taicha eta námawa'usana ena, tinikakareanachucha térakarechucha, étapa eta nakasipawa'uira te tisiapana taye'e eta templo, eta júkana naye'erepiana'i, wa'i tímiyanawaima'i, taicha te tépenapa ema Cristo te crusu, máitsiwacha'i ema Viya eta vítekapauchirayare'i ema.

Santiago 5:16

Eta taka'e, te tatiari'ipuka eta éjekapirawana'i maye'e ema echamuri, eyaseakayare eta najapanuira'ena, tási'a, eyaseuchakakayare te eyujaraka eta enarasiraina. Taicha tétavikawa'i eta tasamakarewa'i eta nayujarakasa ena matapirawareana.

1 Pedro 3:21

Puiti, eta une, nímikuticha'e'i eta víkachasi. Eta vikaikachasira'i, wa'i étaparakaina táepachiaka'avi'ini eta viáke'e. Étasera eta vikaikachasira'i, étapa tímereucha'avi eta majapanuira'avi'ipa ema Viya, tamutu eta vipekaturana. Yátupina eta viúchukuirayare táichavene'i eta máechepusira'i te máekari ema Jesucristo.

1 Juan 1:9

Té'esera vitupiruwa'i eta vimetauresirawa'i eta vikapekaturairana maye'e ema Viya, je'ewarepa vikasiñawainapa maye'e ema Viya, ema matapijraware, japanupavinapa eta vichira eta vipekaturana, tási'a tepachinacha'avinapa eta taiñema'ikeneana vipanereruana.