San Mateo 27:2 - Táurinakene máechejiriruwa’i ema Viya tikaijare

² Námapa, naitivuchapa, námapa te mamira'u ema Pilato, tuparairuka'i ema taye'e eta roma.

Ignaciano

² Nacuchucapa ticaiti­hapaipa eta námirapahi te mamirahu ema Poncio Pilato, ema aquenucahi prefecto­hiquene.

San Mateo 27:2 ပူးပေါင်းရင်းမြစ်များ

San Mateo 20:19

tási'a naíjararekayare naye'e ena suntaruana rumanuana, nakaeka'inapa ema, ena naéstakainapa, nae'ainapa, tási'a naemetatarekainapa te crusu, tási'asera te mapanakenenapa sache, téchepukainapa te maékari.

San Mateo 28:14

Émaipa ema akenuka te máechapuka, víma'ainepa víti. Vitanukayare eta viwayuarasirayare, apaesa takuija eviurewaina eti.

San Lucas 13:1

Étaichu te jena sache, nametakaipa ema Jesús eta máichakene'i ema Pilato, eta máimikapasirawaka'i ena Galileona, ena tiyujarakana'i te templo, tépenanapa te tachakayana'i eta sárareana nakaparuana'i námawa'uasana'i.

San Lucas 20:20

Nawanekapa ena apamuriana ajairana tépiyakawanayarepa'i tiúriana'i te mamira'u ema Jesús, nawaraira'i natanukayare eta tímikaviuchayare'i. Énayarepa timetauchanayare'i maye'e ema akenuka ramano.

San Lucas 23:1

Namutupa téchepumuri'anapa, tási'a námapa ema Jesús te mamira'u ema Pilato.

San Lucas 23:12

Ema Herodes émapa ema Pilato tikatianakakanaini'i eta náitaresira'i. Étasera te jena sachekene'i tichawapa eta náemunasirakaka'i.

San Lucas 3:1

Taka'e, quince añuipa'i eta makatupara'aira'i. Ema Poncio Pilato, émaipa tuparairuka'i taye'e eta tinapaika te Judea. Tási'a, ema Aluresi, tuparairuka'iware taye'e eta tinapaika Galilea. Ema maparape Felipe, tuparairuka'iware ema, taye'e eta Iturea, tási'a étapa eta Traconítide. Tási'a ema Lisanias tuparairuka'iware ema taye'e eta Abilene.

San Juan 18:12

Ena nakenumuri ena suntaruana, tási'a émapa ena juriyuana taye'e eta templo, nakaratakapa ema Jesús, náitijiwauchapa.

San Juan 18:24

Taka'e, ema Anás máewatakapa maye'e ema Caifás, émaichu'i tuparairuka'i. Tikaiti'apaipa'i eta námirapa'i ema.

San Juan 18:28

Nakuchukapa ema Jesús te mapena ema Caifás, taye'e eta palacio mávi'a'i ema Pilato. Wáipasera nasiapa'ini ena tuparairukana. Nanasipa te aneka, namawaraira'i náechipejikawa'ini eta nanisirayare'i eta cordero pascual.

Hechos 12:6

Ema Herodes máijarechapa eta sache eta makatupi'ayarepa te namira'u ena achaneana ema Pedro. Te jena yati, ema Pedro tímaka'i te nataraku ena apinana suntaruana. Tikaitia'i te apipi cadena. Ena apinanaware suntaruana najaneaka'iware eta tapajakura eta nakaeratairare.

Hechos 21:33

Taka'e, ema nakapitara ena suntaruana mapauchapa ema Pablo, makawanairipipa, náitiaka te apipi cadena. Tási'a, mayaserekapa te nája'a'ipuka, tája'apuka maviurewa'i.

Hechos 22:25

Étasera te náitiakayarepa eta náestasirayare'i, téchejiuchawanumapa ema Pablo eta maye'e ema nakapitara ena suntaruana: –¿Tiuripuka estaca ema tikawasa te Roma, wicha'a táimatikare'ini eta matapirawapuka?

Hechos 22:29

Taka'e, térajijikawanapa ena téstakanayare'ini ema Pablo, émaipa ema nákenumuri ena kapitana, te máechapa eta mawasa'i eta Roma, tipikaine'i eta máitiasira'i.

Hechos 24:27

Apina añu eta tayerewa'i; tási'a kaitsiwapa ema Félix eta Akenukaira'i, tisiapapa ema maitsiwa'i Porcio Festo. Tasi'asera ema Félix mawaraira'i tiuriyare'e naye'e ena juriyuana maiminasichapa tikaerata ema Pablo.

Hechos 28:20

Eta taka'e, nímichu'a'e'i nuwara'a'i, numetaka'e eta juka níchawakenewa'i. Tikaviurenu'i eta né'isira'i ema Cristo, ema vikuchapakene'i viti israelítana, eta tímitiakanu'i puíticha te juka cadena.

Hechos 3:13

Taicha ema Viya tíjaraka'i eta tamutuirayare marata'a ema Machicha Jesús. Émara ema maka Jesús ema épurukene'i eti, íjarareru'i maye'e ema akenuka apawasajueku Pilato.

Hechos 4:27

“Étaipa te juka viáwasa, tikutikaka'i eta napanerechira'i ema Herodes, ema Poncio Pilato, ena apawasana, énapa ena vijaneanana israelítana, nawaraira'i nakapaka ema santukene pichicha Jesús, ema pinerejirukene'i.

Hechos 9:2

tási'a ema Saulo mayaseakapa eta ajure naye'e ena akenukara'ana: Eta makaratasirawakayare'i ena te'ikanaicha'a ema Jesús ánaki te peti naurujisirarewa ena juriyuana, te jena awasare Damasco, namutu nákani ajairana, esenanapuka. Mawara'a'i maemeratakawaka eta te juka Jerusalén.

1 Timoteo 6:13

Puiti, tímararakavi'i ema Viya eta nutuparasiraviya, ema, tikaitareka'i tamutu eta víma'akeneana'i eta te juka apake'e, tímararakavi'iware ema Viákenu Jesucristo. Pécharichu'iware eta matupiruwaira'i eta máimereuchirawa'i ema te mamira'u ema Poncio Pilato,

2 Timoteo 2:9

Eta tímikaviuchanu'i eta juka, puíticha nukatajiwa'i ichape taicha eta nukametarairuira'i, étara témeratakanu'i puiti, tikuti'ine'i nukaviurewa'ini. Etasera eta maechejiriruwa ema Viya wa'i takaerata'ini vimiyanawayare'i eta vikametarairuira.

Hebreo 13:3

Éneichuwa échayarewa naye'e ena tikaeratana, ejapanuwaka ena, táimikutijirikawa'ini étina'ini ekaerata'ini ekachanewaka'ini, éneichuware ejapanuyare nákani náemejapanuraruana taicha ena étaichu'i eta náke'eana takuti'i eta iáke'eana eti.