San Mateo 24:9 - Táurinakene máechejiriruwa’i ema Viya tikaijare

⁹ “Taka'e, tikarataka'eanainapa eti, tipanajika'eanainapa, tási'a tikapaka'eanainapa, tási'a namutuya ena achaneana tikatianaka'eanayare táichavene'i eta é'isiranu'i.

Ignaciano

⁹ Tásiha, eti nuchane­ranahi, ticatia­na­ca­hea­nainapa ena achaneana, táichave­neyare eta éhisi­ranuhi. Tipana­ji­ri­ca­hea­nainapa te tamutu avasareana. Ticara­ta­ca­hea­na­yareva. Ticapa­ca­hea­na­yareva.

San Mateo 24:9 ပူးပေါင်းရင်းမြစ်များ

San Mateo 22:6

tási'a ena apamuriana nakaratakapa ena mawanarana ema rey tási'a, náe'awakapa, nakapakawakapa.

San Mateo 23:34

Eta taka'e nuti nuwanekayare ena profetana, titupaijiakawana, tási'a maestro-keneanaya. Énasera nakapakayarepa'i, émetatakayare te crusu. Tási'a, ena apamuriana éstakawakainapa te peti náurujisirarewa ena juriyuana. Tási'a napanajirikawakainapa te awasareana.

San Lucas 11:49

“Eta taka'e ema Viya eta maitupajijiasirawa'i, maka'e'i: ‘Nuwanekayare ena profetana, tási'a éneichuwa nuwanekayarewa ena apústuleana. Tási'a nakapakayarepa'i, napanajirikawakainapa ena apamuriana.’

San Lucas 21:12

“Tatiwanumayaresera tipanajirika'eanayare eti. Tikarataka'eanayare, tiáma'eanayare te peti náurujisirarewa ena juriyuana, taka'e temerataka'eanainapa, tási'a, tiáma'eanaya te namira'u ena reyeana, te'epa te namira'u ena akenukana, ekaviurewayare táichavene'i eta é'isiranu'i.

San Juan 15:18

“Te nakatianaka'e ena achaneana, échawayare eti, wa'i étina'ini nakatianaka, nuti'i nakatianaka'i.

San Juan 15:21

Eta é'isiranu'i, étaipa tiviucha'eyare tamutu eta juka nakatianasira'enapa, táichavene'i eta wa'i náimati'ini ema tiwanekanu'i.

San Juan 16:2

Ena tiákijika'eanayare taye'e eta peti naúrujisirarewa ena juriyuana. Éneichuware nawara'ayare tikapaka'eana, ena náimijachayare'i tiúriyare'i eta náichirayare te mamira'u ema Viya.

Hechos 28:22

Viwara'asera visamavi puiti péchejisi'a eta pipanereruana'i, taicha visamairika'i eta nakatichira'i ena vijaneanana eta juka arairu'i é'iru'i.

Hechos 7:59

Taka'e, nana'akaipa natupisika'i, ema Esteban, tiáne'iripa nakapaka, émasera tiyujarauchawaicha'a. Ánipa maka'e'i: “Tata Nákenu Jesús, pijakapinanu eta náchanewa.”

1 Pedro 4:16

Étisera, te ekatajiwapuka táichavenena'i eta é'isira'i ema Cristo, wa'i ekutsiri'a. Ewapinawachucha, e'asulupayachaware ema Viya taye'e eta ekaijarera'i eta máijare ema Cristo.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.