San Mateo 24:4 - Táurinakene máechejiriruwa’i ema Viya tikaijare

⁴ Ema Jesús majikapapa: –Ekuneuchawa, apaesa nakuija nakuwayuaka'e.

Ignaciano

⁴ Tásiha, ema Jesús máichahavipa: —Ecuneu­chavaicha yátupina, machu navayuacahe, taicha náraja­payare ena tépiya­ca­va­na­ya­repahi tímiva­si­cha­va­nayare nuyehe.

San Mateo 24:4 ပူးပေါင်းရင်းမြစ်များ

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

Colosenses 2:8

Échapawayaresera: taicha narari'i ena nawara'ayare tiyuruka'eana, nawarairaya é'ika eta napanereruana, etapa eta naimiturapiana namaurikeneana, taicha ena wa'i nakasiña'ini ema Cristo, etachucha nae'ika eta naye'erepiana ena achaneana, enapa ena machanera ema techa'i eta juka apake'e.

Efesios 5:6

Wa'i ekuisapawa nákani nawara'a nawayuaka'e te náechejiriruwa súnsurupiana, napamisira'eya ícha eta júkana tamaurikeneana, taicha eta júkana, eta tiviuchawakayare nákani masuapajiraira'ana'i me Viya, murakayare eta náikuñayare.

Marcos 13:22

Tási'asera titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

Efesios 4:14

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

San Lucas 21:8

Ema Jesús majikapapa: “Ekuneuchawa, apaesa nakuija nakuwayuaka'e, taicha nárajapayare ena tépiyakawanayarepa'i tímiwasichawana nuye'e. Naka'enapa ‘Nútipa’ ‘Puiti táitekapakenepa eta sache.’ Étisera wa'i ekue'ikawaka.

Colosenses 2:18

Eta taka'e, wa'i ekusuapa ena nákani nawara'a típikarareka'eana, te náicha'epuka, wa'i tiuri eta juka é'iru'i, wá'isera ekusuapawaka, te tikamesajirika'eana'ipuka éstakawa, étapa eta ejirauchirainaji ena ángeleana, timijachawana'i tiuriana, tímijachawanapa máechejikawaka ema Viya, naepiya'iraiwachuchasera, etachucha napanerecha eta nakasiñawawaisira, etapa eta tamaurikeneana.

Gálatas 6:3

Taicha narari'i ena tímijachawana'i wa'i tiákipaikawanaima'i taye'e eta pekatuana, wa'i ekuwayuakawa, wa'i takaemuñawakare'ini, taicha eta juka wa'i tanekapakare.