San Mateo 2:6 - Táurinakene máechejiriruwa’i ema Viya tikaijare

⁶ ‘Tasi'a piti Belén, tiavi'a te jena apake'e te Judá, Wa'i ichipichuvina'ini taye'e eta apamuriana ichapepanana awasare taye'e eta juka apake'e; taicha tiuchukaya piye'e ema akenukaya ema tinapumirauchaya eta awasare Israel.’

Ignaciano

⁶ “Piti avasare Belén, tachichavihi eta Judea, picuna­cha­ca­re­pá­nayare píti. Taicha eta máuchusi­ha­yarehi piyehe ema ichape­que­ne­yarehi eta maháque­nu­cá­vayare. Éma, téchapa­ji­ri­mu­ri­hayare namutu ena vijaneanana israelítana”.

San Mateo 2:6 ပူးပေါင်းရင်းမြစ်များ

San Mateo 2:1

Eta máuchusine'i ema Jesús te tikaijare Belén, tinapaika te Judea. Te jena añu'i, ema Aluresi ema'i taye'e rey eta Judea. Títekapanapa te Jerusalén ena reyeana máguana, tiási'ana'i te tayere'ikene awasare tinapaika te táuchusine eta sache,

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Juan 21:16

Te táekenepa eta nanisira'i, mápechaware mayasereka: –Pedro, machicha ema Juan, ¿yátupi eta pémunasiranu'i? Ema Pedro majikapawarepa: –Némunakavi, Tata. Pécharichu'i píti eta némunasiravi'i. Ema Jesús máichawarepa: –Tiuri, te yátupipuka pémunakanu, pijaneasinanuwaka ena té'ikanuana'i.

San Juan 7:42

Taicha eta Ajuruka táechejisi'a'i ema Cristo émayare'i mámariekeneyare'i ema víyara'aini Rey David. Té'esera te awasare Belén eta máuchusi'ayare, étaichu'i te máwasa'i ema víyara'aini Rey David.

Efesios 1:22

Ema Viya makaejaka'i ema técha'i tamutu eta tatiari'ikeneana, émaipa Vikaiyakene'i vimutu viti machanerana.

Colosenses 1:18

Émaichuware ema Cristo Tachuti'i naye'e ena machanerana, enasera tímikutijirikawaipa énaina'ini make'ena'ini. Taicha ema tinapuisina'i te tepanawainapa, ema tinapuka'i techepuka te maekari, eta taka'e ema techa'i tamutu.

Hebreo 7:14

Taicha ema Moisés wa'i máechejisi'a'ini matiari'iyare ema tiyujarakara'iyare, mámariekene'i ema Judá. Émasera ema Jesús táechejisi'akene'i eta Takapika'ukene Ajureka eta émairayare tiyujarakara'iyare.

Apocalipsis 11:15

Taka'e, tikachujapa ema tékene'a ángele. Tási'a, tikaemapa muraka te anuma. Ánipa taka'e'i: “Ema tikawanairipiyare te juka apake'e, ema Viya, tási'a émapa ema Cristo, akanewakainapa eta émairayare techa tamutu.”

Apocalipsis 2:27

Ekutinuyare nuti eta máijarasiranu'i ema Tata Tikachichanu eta tamurakawa'i akenukairanu'i, ene eka'eyare eti, murakayare eta akenukaira'eyare, ekaratakayare eta etsukurupayare fiérroki, esuapakareyare muraka.

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”