San Mateo 18:3 - Táurinakene máechejiriruwa’i ema Viya tikaijare

³ tási'a máichapa: –Nutupiruwa numetaka'e, étisera te wa'ikenena ekuinajika eta tamáurikeneana wáipaine'i esiapaima'i te mawasa ema Viya akenuka te anuma, takamunu'i ákuti ena amuyana eta epanereru.

Ignaciano

³ Máichahavipa: —Nutupiruva numetacahe: Ínaji­cayare eta ecasi­ña­va­vaisira. Echávayare ecutiyare ema maca amaperu, apaesa ítujicava esiapa ecachanenu tayehe eta néjasi­hayare.

San Mateo 18:3 ပူးပေါင်းရင်းမြစ်များ

San Mateo 13:15

Taicha eta napanereruana ena achaneana, tétavikawa'i eta tamurakawa wa'i ewara'a esama, tási'a epiyakawa'iware púchuki'e, eta emawaraira'i ima'a, emawaraira'i ekaikutiara'ini, éñauchawa'ini nuye'e, apaesa wa'i ekukaikutiara, eta nuye'e, apaesa nuti waipa nukanaraka'ema'i.’

San Mateo 18:2

Ema Jesús máichu'apa ema émana amaperuchicha, makatupi'apa te namira'u

San Mateo 18:4

Nákani nawara'a'i tikapika'upananayare te mawasa ema Viya Akénuka te anuma, takamunu nákuti ema maka amaperuchicha mánsuanayare, wa'i máitukaima'i tiákapauchawa.

San Mateo 19:14

Taka'e ema Jesús maka'epa: –Ésamirikachucha ena amuyana, náitekaicha'a eta nuye'e. Taicha eta mawasa ema Viya akenuka te anuma, naye'eyare'i ena nani nakutiana'i ena.

San Mateo 19:23

Ema Jesús máichawakapa ena máimitureana: –Nutupiruwa numetaka'e, máituji'i eta masiapiraina'ini ema riku, eta te mawasa ema Viya akenuka te anuma.

San Mateo 5:18

Nutupiruwa numetaka'e, te wicha'a takuitawa eta anuma, etapa eta apake'e, wicha'a nukaichepaikaima'i eta wanairipiana, tatiwayare titauchawaya tamutu eta taechejiriruwana'i.

San Mateo 5:20

“Táicha te wa'i ekuetumechawa eti, eta esuapajiraiwaina, ekutiyare ena escriwánuana, tási'a énapa ena fariséuana, wa'i itujikawaima'i esiapa te mawasa akenuka ema Viya te anuma.

San Mateo 6:16

“Te íjima'i eti, wa'i ekajapanuramiraima'i te namira'u ena achaneana, wa'i ekukuti ena apimirana, ena tímikaecherachawana'i eta naijimaira'i. Nuti numetaka'e, tájinachucha nakunachakarewaima'i me Viya. Ema wa'i maijarakaima'i eta naikuchi'i.

San Mateo 6:2

“Eta taka'e, te íjarakayarepuka nákani tikamunuwana'i, wa'i ekumetajirika, wa'i ekukuti ena apimirana timetajirikanapa te petiana naúrujisirarewa ena juriyuana, té'epa te anekapa'iana, apaesa tauri eta naechejisira ena achaneana eta eye'e. Nútisera numetaka'e, ena nani tika'eana'i, najachapainapa eta naikuchi'i.

San Mateo 6:5

“Te eyujaraka eti, wa'i ekukuti ena apimirana, tiyujarakana te peti naúrujisirarewa ena juriyuana, té'epuka te anekapa'iana, titupi'ana'i ena eta nayujarasira, nawaraira'i náimararakayare'i ena achaneana. Nútisera numetaka'e, ena nani tika'eana'i, najachapainapa eta naikuchi'i.

Marcos 4:12

apaesa tayanapane naimararaka wa'i nakukaikutiara, tási'a tayanapane nasamararaka wá'isera nakukaikutiara.

San Lucas 13:24

–Ámeta esiapa, taye'e eta tapaja ánikuchichapana, taicha numetaka'e kamurianayare ena tiwara'anaya tisiapana, tási'a wá'isera títujikawanaima'i.

San Lucas 22:32

nútisera nuyaseuchavi'i me Tata, apaesa wa'i takuemitiaka eta pé'isiranu'i. Piákipaikawayasera, tichawayaresera eta pikasiñairanuya, tási'a pétumechawakainawarepa ena apamuriana pichamuriana.

San Juan 1:51

Tási'a, ema Jesús máichawakapa: –Eti íma'ayare eta anuma téjiakayare, énapa ena ángeleana tiúkupauchanuanayare nuti Manerejirunu'i ema Viya.

San Juan 3:3

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

San Juan 3:5

Majikapaware ema Jesús: –Puiti nutupiruwa numetakavi mákani achane wa'i tepanawa eta maitaresira, wa'iware tikaikachasi te une, maye'e emapa Machanewa Viya, wa'i títujikawama'i tisiapa te mawasa ema Viya akenuka te anuma.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Hechos 28:27

Eta napanereruana ena achaneana timapachichijikawapa, tichujichawapa eta ekiña waipa esamara'i tási'a erata'aukichawapa, apaesa wa'i ekuima, wa'iware ekusama, apaesa wa'i ekukaikutiara, apaesa wa'i ekusuapanu nuti, apaesa nuti waipasare nukanaraka'ema'i.’

Hechos 3:19

Tási'a puiti, éñauchawainapa ekáiju'enapa ema Viya, apaesa makaepa'a ema tamutu eta epekaturana

1 Corintios 14:20

Nuparapenaveana, eti waipa amaperu'éna'ini. Nuwara'a táuripaini eta epanereruana, eta íchirayare eta táurikeneana. Nuwara'asera ákuti'ini ena amaperuana eta ichiraya eta tamaurikeneana, étisera ákutipa ena achaneana chanaruanapa naitukapa tipanererekana.

1 Pedro 2:2

Ákuti ena amuyana nauchusirawana ichape eta nawaraira eta terana eta leche tipachiama tiurinama, apaesa eta tikajurukayare'i tauri eta najurusira nauchuku'a.

2 Pedro 1:11

Tási'a, tétavikawaya eta iúrikakarewaya eta machimapira'eya ema Viákenu Jesucristo te makuchuku'a'epa eta te juka apake'e, mámira'eya eta te máwakureya. Máitawakakaya eta makachanera'aviya vimutu.