San Mateo 17:3 - Táurinakene máechejiriruwa’i ema Viya tikaijare

³ Tási'a, naima'apa ema víyara'aini Moisés émapa ema profetaini Elías, téchejirikawana'i makachane'i ema Jesús.

Ignaciano

³ Tásiha, tiárami­ca­rea­na­varepa tímere­cavana ena apinana ajairana: ema víyarahaini Moisés émapa ema víyarahaini profetaini Elías. Téchaji­ri­ca­va­na­ripahi mayehe ema Jesús.

San Mateo 17:3 ပူးပေါင်းရင်းမြစ်များ

San Mateo 17:2

Ánaki te namira'u ena, ti'apamuichawapa eta máima'i ema Jesús. Eta mamira tétavikawapa eta tajanunumesira'i takutipa eta sache, eta mamuiri'a tétavikawapa eta tajapuwa'i, takutipa eta tijara'i.

San Mateo 17:4

Ema Pedro maichapa ema Jesús: –Tata, ¡tétavikawa táurikakarewa eta viávi'aira'i eta ani! Te piwara'apuka, nepiyaka eta mapa'ina peti: étana pipenaina'ini píti, eta apana mapenaina ema Moisés, eta apana mapenaina ema Elías.

Marcos 9:4

Taka'e, naima'apa ema víyara'aini Moisés émapa ema profetaini Elías, téchejirikawana'i makachane'i ema Jesús.

San Lucas 1:17

Ema maka Juan, ema tínapumirauchayarepa'i ema Viya. Makutiyare eta máitupajijiasirawaini ema víyara'aini profeta Elías. Ichapeyare eta máitusirayare eta makajimuyasirayare eta nasamureana ena achaneana, apaesa tachawa eta nasuapiraina ema Viya, tákuti eta nasuapajiraiwaini'i ena náchukanaveanaini'i. Énaipa ena Wínarajipanereruana, tisuapajira'ianayarewa máicha. Mametakawakayare ena achaneana natsekawaipa eta najakapirayare ema Viákenu.

San Lucas 16:16

“Eta naimiturapianaini'i ena nainapureanaini'i profetanaini ticheku'apa eta maítekapira'i ema Juan tikachasirikara'i, étapa taepaninewa'i eta Arairu maechejiriruwa, eta masiapiraina ena te mawasa ema Viya akenuka te anuma, taicha nanutu nawara'a tisiapa taye'e.

San Lucas 24:27

Tási'a, mametakawakapa tamutu eta táechejiriruwana'i eta Takapika'ukene Ajureka, eta táechejisi'aira'i ema. Tépanawapa te májureana'i ema víyara'aini Moisés, étapa eta nájureana'i ena apamuriana profetanaini.

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

San Lucas 9:33

Te máima'apa ema Pedro eta tiyananayarepa ena nani apinana, témeña'awapa. Tási'a, maichapa: –Maestro, ¡tétavikawa táurikakarewa eta viávi'aira'i eta ani! Te piwara'apuka, nepiyaka eta mapa'ina peti: étana pipenaina'ini píti, eta apana mapenaina ema Moisés, eta apana mapenaina ema Elías. Étasera wa'i mapanerecha'ini ema Pedro eta makayemayare'i.

San Juan 1:17

taicha eta wanairipi émara tinaka'i ema Moisés. Yátupikenera'i maemunaraiwa'i ema Jesucristo.