San Mateo 14:3 - Táurinakene máechejiriruwa’i ema Viya tikaijare

³ Taicha ema Aluresi mave'a'i esu Herodías, esu mayena'i ema maparape Filipo, taka'e étapa temerataka'i ema Juan.

Ignaciano

^3-4 Taicha ema Herodes mavehahi esu Herodías, esu machinenahi, mayenahi ema maparape Felipe. Máimina­jicapa ema suima. Tacahe, ema Juan macaja­cha­va­caripa éna eta navira­ca­cairahi. Étapa tímica­tichahi ema Juan, sucatichapa esu Herodías. Tásiha, ema Herodes máeratacapa te cárcel ema Juan, macava­na­ripipa náitiaca te cadena.

San Mateo 14:3 ပူးပေါင်းရင်းမြစ်များ

San Mateo 11:2

Ema Juan, mávine'i te nakaeratairare, masamairikapa eta máichakeneana'i ema Cristo. Taka'e máewatakapa ena máimitureana

San Mateo 14:6

Tási'asera, títekapapa eta sache máijaremu'u ema Herodes, sutiari'i'i esu amaperu, suchicha esu Herodías. Tiúchukapa tírimaika te mamira'u ema Herodes, énapa ena machimarana'i, ema Herodes máurikaine'i ichape

San Mateo 4:12

Taka'e ema Jesús, eta masamairisiraipa eta makaerataira'i ema Juan, tiyanapa tichawa te máwasa Nazaret te Galilea.

Marcos 6:14

Ema rey Aluresi, masamairikapa ema Jesús, taicha náechejisi'a'i namutu ena achaneana. Ena apamuriana naka'e'i: “Ema Juan Tikachasirikara'i, tichawa'i téchepuka te máekari, táitusiawa máituruka'i makuchuka eta tiáramikareana.”

Marcos 6:17

Taicha ema Aluresi mave'a'i esu Herodías, esu mayena'i ema maparape Filipo, taka'e étapa temerataka'i ema Juan, makasiapapa te nakaeratairare.

Marcos 6:19

Esu Herodías, tétavikawa eta sukatichira'i ema Juan, suwara'a'i sukapaka, wá'isera suitujikawa'ini,

Marcos 6:22

Te tinikanapa téranapa, esu suchicha esu Herodías tisiapapa te návi'a'i ena achaneana, tírimaikapa te namira'u, ema Aluresi máurikaine'i ichape, énapa ena machimarana, taka'e máichapa esu amaperu: –Piyaseakanu eta piwara'akenena, nuti nijarakaviya.

Marcos 8:15

Ema Jesús, máimitumuri'apa ena, máichawakapa: –Íma'a échapawa taye'e eta lewadura naye'e ena fariséuana etapa eta lewadura maye'e ema Aluresi.

San Lucas 13:1

Étaichu te jena sache, nametakaipa ema Jesús eta máichakene'i ema Pilato, eta máimikapasirawaka'i ena Galileona, ena tiyujarakana'i te templo, tépenanapa te tachakayana'i eta sárareana nakaparuana'i námawa'uasana'i.

San Lucas 13:31

Taka'e, te jena sache, títekapanapa ena fariséuana te mávi'a'i ema Jesús. Náichapa: –Piyana, pitatajiwa piúchuka eta te juka. Taicha ema Herodes mawara'a tikapakaviyare.

San Lucas 23:11

Taka'e ema Aluresi, tási'a énapa ena suntarurana, ichapeine'i eta náepuruira'i, tási'a namuriachapa eta muriare tijanunumeka makuti'ipa'i eta mamuriachirawa'i ema rey, táikutiara'i eta nakaeka'ira'i ema. Taka'e, ema Aluresi náimichawapa te mamira'u ema Pilato.

San Lucas 23:7

Te nametakapa eta étaira'i makawasa ema Jesús, makawanairipipa nama maye'e ema Aluresi, taicha ema Aluresi matiari'i te Jerusalén

San Lucas 3:1

Taka'e, quince añuipa'i eta makatupara'aira'i. Ema Poncio Pilato, émaipa tuparairuka'i taye'e eta tinapaika te Judea. Tási'a, ema Aluresi, tuparairuka'iware taye'e eta tinapaika Galilea. Ema maparape Felipe, tuparairuka'iware ema, taye'e eta Iturea, tási'a étapa eta Traconítide. Tási'a ema Lisanias tuparairuka'iware ema taye'e eta Abilene.

San Lucas 8:3

Sutiari'ipa'i esu Susana, ésupa esu Juana, mayena ema Cuza, ema maye'e'i empleado ema Aluresi, técha'i tamutu eta máima'akeneana ema Aluresi. Maverana'iware ena apamuriana esenana titatiana'i.

Hechos 12:1

Te jena añuana'i, ema rey Aluresi, makawanairipipa nakaratakawaka ena tachutiri'anapa'i ena té'ikana'i ema Jesús.

Hechos 4:27

“Étaipa te juka viáwasa, tikutikaka'i eta napanerechira'i ema Herodes, ema Poncio Pilato, ena apawasana, énapa ena vijaneanana israelítana, nawaraira'i nakapaka ema santukene pichicha Jesús, ema pinerejirukene'i.