San Mateo 11:5 - Táurinakene máechejiriruwa’i ema Viya tikaijare

⁵ Emétakayare, eta nukaimairikawakaipa ena púchukiana, nímipaisiraipa ena masariana, nukanarakawakaipa eta najumanaini ena karachameana, énapa ena tú'ukiñana samara'ianapa, nukaechepusirawakaipawa ena náepenakeneanaini, éneichuware níchu'a'i ena páureana vimisamawaka'i eta Arairu echéjirirukawa.

San Mateo 11:5 ပူးပေါင်းရင်းမြစ်များ

San Mateo 10:8

Ekanarakawakayarepa'i ena karachameana énapa nákani tikatajiwana'i taicha eta apana jumare. Ekaechepukayarewa ena náepenakeneana. Ekuchukayarewa ena éreanana. Eti, wa'i ewachareruina'i eta juka ítupajijiasirawa'i, wá'iware ekuyaseaka eta ewachaina nákani ekanararuanayare.

San Mateo 11:4

Ema Jesús májikapawakapa: “Eyana emétaka ema Juan eta juka íma'akeneana'i étapa eta esamakeneana'i.

San Mateo 12:13

Taka'e, maichapa ema achane: –Pikánukecha eta piwa'u. Ema achane énewanepa makanukecha'i tási'a tinarakapa takutipa eta apana.

San Mateo 21:14

Eta mávi'aira'i te templo ema Jesús, napauchapa ena púchukiana énapa ena masariana tási'a, ema makanarakawakapaipa'i.

San Mateo 5:3

“Tétavikawa eta náurikakarewaya ena tijapanuwana eta náchanewa, taicha ena naye'e'i eta Mawasa Akenuka te anuma.

San Mateo 9:30

Jé'esare, enewanepa tinarakana'i, tímairirikanapa tási'a, murakapa eta matuparasira'i: –Wa'i ekumetajirika eta nukanarasira'ewaka'i.

Marcos 7:37

Tétavikawa eta náramira'i ena nametaruana'i ánipa naka'e: “Tétavikawa táurikakarewa tamutu eta máichakeneana'i ema Jesús. Ena nárami'i eta maichakeneana'i, ¡Tisamara'ianawarepa máicha ena tú'ukiñana, ena úpana techeikanawa maicha!”

Marcos 9:25

Te máima'apa ema Jesús ena achaneana tiúrujikawanaipa, makajachapa ema éreana, ánipa maicha: –Piti éreana pétu'ukiñara'i, úpa'i pícha ema amaperu, waipa pikuchawaucha maye'e ema.

San Lucas 4:18

“Tiáwa'akanu'i ema Machanewa Viya, Taicha manerejirunuichu'i, namayare eta arairu maechejiriruwa naye'e ena páureana, eta tímitekanu'i, nukaititijikayarewa ena káeratana'i nukaimairirikayarewa ena púchukiana, nukuchuku'ayarewa ena tikatajiwana'i,

San Juan 10:25

Ema Jesús majikapawakapa: –Kápachi numetaka'eipa'i, wícha'akaru esuapanu. Eta juka níchakeneana'i íma'akeneana'i tási'akeneana'i me Tata, etaipara tímereuchanu'i;

San Juan 10:38

Etasera te nitaucha'i eta mawanairipiana, tayanapane wa'i ekusuapanu nuti, étapaseraini esuapa'ini eta tiáramikareana níchakeneana'i, apaesa enewanepa echa tamutu, taicha ema Tata tiawa'akanu'i éneichuware nuti nawa'asira'i ema Tata.

San Juan 2:23

Eta manasiraicha'a'i ema Jesús te Jerusalén, te Páskuamu'u, kamuri'i eta tiáramikareana máichakeneana'i. Kamuriana'iware ena achaneana tíma'ana'i.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 5:36

Wá'isera mákarichu eta máimikaecherachiranu'i ema Juan. Jarari'i eta apana táimikaecherachiranu'i, tiápajupanawa'i eta táramikarewa. Taicha nuti nicha eta nématanerepiana máijararunu'i ema Tata.

San Juan 9:7

Tási'a, máichapa: –Piyana pikasipaukipana taye'e eta noke tikaijare Siloé (te vechejiriruwa, eta Siloé tikaijare “Wanairuka”). Taka'e ema púchuki tiyanapa tikasipaukipana'i, tási'a te tichawapa tímairikapaipa'i.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Santiago 2:5

Némunarukeneana nuparapeneveana, esamanucha'a. Ena páureana'i te juka apake'e, majakapawaka'i ema Viya, táichavene'i eta nakasiñaira'i. Ena, tiápajupanawana'i eta náuriwaya taicha ena tikaikuchiana'i eta máwasa ema Viya, taicha machanerana'i. Nakachaneyare'i ena apamuriana témunakana'i ema;