San Mateo 10:7 - Táurinakene máechejiriruwa’i ema Viya tikaijare

⁷ Eyana ekametarairuyare naye'e, eta mawasa ema Viya akenuka te anuma takachakayaipa.

Ignaciano

⁷ Eyana ecame­ta­rai­ruyare nayehe. Emeta­cayare eta nútija­pai­rainapa nuti Náquenuyare, nuti nucuchu­cu­ha­va­cayare éna, taicha mavane­runuhi núti ema Viya.

San Mateo 10:7 ပူးပေါင်းရင်းမြစ်များ

San Mateo 10:8

Ekanarakawakayarepa'i ena karachameana énapa nákani tikatajiwana'i taicha eta apana jumare. Ekaechepukayarewa ena náepenakeneana. Ekuchukayarewa ena éreanana. Eti, wa'i ewachareruina'i eta juka ítupajijiasirawa'i, wá'iware ekuyaseaka eta ewachaina nákani ekanararuanayare.

San Mateo 11:1

Te tamutupa eta máimitusira'i ema Jesús ena dósekeneana máimitureana, tiyanawarepa te awasareana taye'e eta Galilea, taicha mawara'a'i máimitukayare ena achaneana eta máechejiriruwa ema Viya.

San Mateo 21:31

¿Nája'a ena apinakeneana, nasuapa'i ema naiya eta mawara'akene'i? –Ema mainapure –najikapapa ena. –Ema Jesús maichawakapa: –Nutupiruwa numetaka'e puiti. Nasapi'ayare tinapuikanaya tisiapana te mawasa ema Viya akenuka te anuma, ena tú'usiana énapa ena tive'ara'iana eta viyase'ana taye'e eta Roma.

San Mateo 21:43

Táichavene'i eta emasuapajiraiwa'i, eta mawanairipi ema Viya, ena tisuapajira'iana'i, ena tikawakureanayare te jena sácheyare. Énainapa téchanayare eta wanairipiana.

San Mateo 23:13

“¡Páure'esami eti, escriwánuana, tási'a énapa ena fariséuona apimira'e'i!, eti érataka'i eta tapaja te anuma mawasa akenuka ema Viya, apaesa wa'i nakusiapa'ini ena apamuriana. Étina'ipukaini ítujikawa'ini esiapa'ini, wa'iware isapa'ini nasiapa'ini nákani tiwara'ana'i tichana.

San Mateo 3:2

Ánipa maka'e “¡Ítsiwacha eta epanereruana, éñauchawa maye'e ema Viya, taicha tiane'ipa eta mawasa ema Viya akenukaya te anuma!”

San Mateo 4:17

Taka'e ema Jesús tepanawapa kametarairu: “Eta mawasa ema Viya akenuka te anuma tiane'ipa titekapaucha'e eta eye'e.”

Marcos 6:12

Taka'e tiyananapa ena máimitureana kametarairuanapaipa naye'e ena achaneana, apaesa nainajika eta napekaturana eta naichira eta tamaurikeneana, nachawa naimati ema Viya.

San Lucas 16:16

“Eta naimiturapianaini'i ena nainapureanaini'i profetanaini ticheku'apa eta maítekapira'i ema Juan tikachasirikara'i, étapa taepaninewa'i eta Arairu maechejiriruwa, eta masiapiraina ena te mawasa ema Viya akenuka te anuma, taicha nanutu nawara'a tisiapa taye'e.

San Lucas 9:2

Tási'a, mawanekawakapa tikametarairuanayare eta mawasa ema Viya akenuka te anuma. Tikanararekanayarepa'iware nákani nakajumakeneana'i.

San Lucas 9:6

Taka'e tiuchukanapa, tiyananapa ena maimitureana. Tamutu napaika eta awasarechichana. Tikametarairuanapaipa'i eta máechejiriruwa ema Viya. Nakanarakapaipaware ena nakajumakeneana.

San Lucas 9:60

Ema Jesús majikapapa: –Naima'akakaine náekarakakaicha'a ena máecharaireana, piti piyanaya pikametarairuyare eta máechejiriruwa ema Viya.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

Hechos 10:25

Te títekapapa ema Pedro te mapena ema Cornelio, tiuchukapa mákapapa máepuyumirauchapa matsiukayarepa.

Hechos 28:31

Máechejisi'a'i eta mawasa ema Viya akenuka te anuma, máimituka'iware eta náe'isiraina ema Viákenu Jesucristo, émaira'i yátupikene'i, nájina nakamatinaka'ini, náisapa'i tikametarairu.

Hechos 4:2

Tisemanapa taicha wa'i náurika'ini eta nasamairirisira'i ena apinana apústuleana náimitusira'i ena achaneana. Wa'i náurika'ini eta nametasira'i eta yátupikenera'i eta máechepusira'i ema Jesús te máekari, mápechirawa'i títareka.