San Mateo 10:2 - Táurinakene máechejiriruwa’i ema Viya tikaijare

² Eta juka, eta naíjareana ena dóseana apústuleana: Ema tínapuika ema Simón Pedro, émapa ema maparapeichu Andrés, ema Santiago émapa ema maparapeichu Juan, machichanaveana ema Zebedeo,

Ignaciano

^2-4 Eta juca víjareana viti apóstoleana: Ema tínapuca ema Simón Pedro, émapa ema maparapeichu Andrés, ema Jacobo ema maparapeichu Juan, ema Felipe, ema Bartolomé, ema Tomás, nútipa Mateo, ema apana Jacobo, ema Lebeo, ema apana Simón, émapa ema Júlasi Iscariote (ema tíjara­recahi ema Jesús).

San Mateo 10:2 ပူးပေါင်းရင်းမြစ်များ

San Mateo 17:1

Sáisikenepa sache, ema Jesús mámapa ema Pedro, ema Santiago émapa ema Juan, ema maparape ema Santiago, tiyananapa te tapusi eta mari anuke'ekene.

San Mateo 20:20

Témeña'awapa esu naena ema Santiago émapa ema Juan, suámawakapaipa'i ena, tépuyukapa esu te mamira'u ema Jesús, suyaseakayare'i eta makatajika'ini.

San Mateo 26:37

Tási'a mámapa ema Pedro, énapa ena apinana machichanaveana ema Zebedeo, tási'a tépanawapa eta máeñamirawa'i, tikatisamurewapa.

San Mateo 4:18

Taka'e, eta mapaisirapa'i ema Jesús te tachausi eta Kákiure te Galilea, máima'awakapa ena apinana kaparapekakana: Ema émana tikaijare'i Simón Pedro émapa ema Andrés. Eta náematanerepi ena titukawara'iana eta jima, nákijiereka'i eta naye'e yuta'e te une.

San Mateo 4:21

Ánakipanawarepa máima'awarepa ema Jesús ena apinana tikaparapekakana, ema Santiago émapa Juan téjakana'i te napakure, emapa ema naiya Zebedeo, náititijirika'i eta nayuta'e. Ema Jesús máichu'awapa,

Marcos 1:29

Tiúchukanapa taye'e eta peti náurujisirarewa ena juriyuana, ema Jesús tiyanapa te mapena ema Simón me'epa ema Andrés. Náe'ikawarepa ema Santiago émapa ema Juan.

Marcos 13:3

Taka'e, tiyananapa te simena tikaijare Ulivukiji, tamira'u'i eta mapena ema Viya. Téjakanapa nakarichu'i, nayaserekapa eta makayemakene'i ema Jesús, natiari'imuri'i ema Pedro, ema Santiago, ema Juan, ema Andrés nayaserekapa:

Marcos 6:30

Te táekenepa eta juka, tiúrujikawana ena apústuleana maye'e ema Jesús, tási'a nametakapa tamutu eta náichakeneana'i, tási'a étapa eta náimiturapiana'i.

San Lucas 11:49

“Eta taka'e ema Viya eta maitupajijiasirawa'i, maka'e'i: ‘Nuwanekayare ena profetana, tási'a éneichuwa nuwanekayarewa ena apústuleana. Tási'a nakapakayarepa'i, napanajirikawakainapa ena apamuriana.’

San Lucas 22:14

Te urapa títekapapa ema Jesús, tási'a ena apústuleana tejakanaipa te mesa.

San Lucas 22:8

Ema Jesús mawanekawakapa, ema Pedro émapa ema Juan. Máichawakapa: –Eyanayare étupiripanaya eta viniruyare taye'e eta Pascua.

San Lucas 5:10

Taka'e natiari'i'iwa ena apamuriana machamuriana ema Santiago, emapa ema Juan, machichanaveana ema Zebedeo. Machamuriana'i ema Simón. Taka'e ema Jesús maichapa ema Simón: –Wa'i pikupika; nuti níjarakaviya eta apana pématanerepiyare. Pitanukainapa ena achaneana nuchaneranaya.

San Lucas 9:10

Te tichawanapa ena apústuleana, nametakapa ema Jesús eta náichakeneana'i. Taka'e ema mámamuri'apa te awasare tikaijare Betsaida.

San Juan 12:22

Taka'e, ema Felipe tiyanapa mametaka'i ema Andrés. Tási'a, ena apinana tiyananapa nametapana'i ema Jesús.

San Juan 13:23

Matiari'isera ema émana nachamuri máemunarupana'i ema Jesús. Makachakaya'i ema eta maejasira'i te mesa.

San Juan 20:2

Taka'e tiyanapa tijunapapaipa'i te mavi'a'i ema Simón Pedro, tási'a émapa ema apana máimiture, ema maemunarukene'i muraka ema Jesús, tási'a suichawakapa esu: –¡Námechapa eta ñáke'eni eñi Viákenu te ñekari, waipa vecha távi'a'ipuka nanasi'a'i!

San Juan 21:2

Natiari'iware ena apinana naimijareru ema Simón Pedro emapa ema tomás ema naimijarecha chame, ema Natanael, ema tikawasaini'i te tikaijare Caná te Galilea, ena machichanaveana ema Zebedeo ema Santiago emapa Juan natiari'icha'aware ena apinana maimitureana ema Jesús.

San Juan 21:20

Tási'a, téseniekene'awapa ema Pedro, maima'apa eta mae'iekene'airapa'i ema máemunaru'i ema Jesús, émaichu'i ema tiyasereka'i te mesa taicha mavi'a'i te machakaya: “Tata, ¿naja'asikara ema tíjararekaviyare?”

San Juan 21:24

Yátupikene ema'i ema maka ema máimiture yátupikene'i timecha'aviyre tamutu eta juka makajure'i eta yátupikeneana maima'akeneana'i.

San Juan 6:67

Ema Jesús mayaserekawakapa ena dósekeneana máimitureana'i: –¿Éneichuware eti ewara'awa eyana?

San Juan 6:70

Ema Jesús majikapapa: –Dóse'e'ineni eti nunerejiruana'i, marari'isera ema émana te etaraku, ema máwa'aru'i ema wínaraji.

San Juan 6:71

Ema Jesús, máechejisi'a'i ema Júlasi, machicha ema Simón Iscariote. Taicha ema Jesús máimati'i eta émairayare'i tíjararekayare'i, émaichu'ineni ema naumuriwa'i ena máimitureana.

San Juan 6:8

Tási'a, téchejikapa ema nuchamuri Andrés, maparape'i ema Simón Pedro, máichapa:

Hechos 1:13

Te títekapanapa te awasare, tisiapanapa te peti, eta náitekapi'a'i. Tiápananapa te tékene'a piso. Natiari'i'i ema Pedro, ema Juan, ema Santiago, ema Andrés, ema Felipe, ema Tomás, ema Bartolomé, ema Mateo, ema apana Santiago, machicha ema Alfeo, ema Simón naichasare Celote, tási'a émapa ema Judas machicha ema Santiago.

Hechos 1:26

Taka'e, nasorte'achapa ena apinana, táetupiakapa eta suerte ema Matías, tási'a, natuparakapa eta máwakureyare nachamurirayare'i ena apamuriana apústuleana.

Hechos 12:2

Éneichuware, makawanairipipa nakapa ema Santiago, maparape ema Juan,

Hechos 3:1

Tiuri, étana sache, te las trespa kápere'i, ema Pedro émapa ema Juan tiyananapa tisiapanayare'i te templo. Te jena ura'i, eta nayujarasira ena israelítana.

1 Corintios 15:7

Te táekenewarepa, tímerekawawarepa maye'e ema Santiago, tási'a, tiápechawawarepa tímerekawa naye'e namutu ena apústuleana.

Efesios 4:11

Maichuware tinaka'i ena apústuleana'i ena apamuriana Profetana'iware, tási'a ena apamuriana kametarairura'iana eta maechejiriruwa ema Viya, ena apamuriana Maíjarakapa eta najaneasiraya ena machanerana, ena apamuriana Maíjarakapa eta naitusirayare eta naimituresirayare.

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

1 Pedro 1:1

Nuti Pedro, maye'enu apústule ema Viákenu Jesucristo. Nukajure'e eta juka eti nuchamuriana éjanerepairuana'i ekakijikeneana'i taye'e eta apana awasareana, eti iávi'ana'i te Tinapaika te Ponto, eti iávi'ana'i te Galacia, eti iávi'ana'i te Capadocia, eti iávi'ana'i te Asia, étipa eti iávi'ana'i te Bitinia,

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

2 Juan 1:1

Nuti víyara'anupa, nukatupara'akene'i naye'e ena vichamuriana nukajurevi eta juka nechejiriruwana emutu eti nuparapenaveana, manerejiru'e ema Viya, namutu ena echamuriana. Yatupi eta nemunasira'e'i, wa'isera nakarichu'i nemunaka'e'ini eneichuware ena vichamuriana timatiana eta yatupikene temunaka'eana'iware.

3 Juan 1:1

Ema viyara'a tikatupara'a, ema némunarukene'i Gayo nukaju'i, ema temunaka'i eta yatupikeneana.

Apocalipsis 1:1

Ema Tata Vikaiyakene mawara'a'i tímimaticha'aviyare eta táichararakawayare eta apake'e, apaesa vecha viti mawanarana'i. Ema máimecha'i eta juka, ema machicha Jesucristo. Tási'a, ema Jesús mawanekapa ema ángele mametapanayare'i ema Juan mawanara'i,

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 18:20

Iúrisamurekarepa puiti eye'e eti iávi'ana'i te anuma, emutu eti machanerana'i ema Viya étipa eti apústuleana, étipa eti profetana, taicha máitsirijiekene'aipa puiti ema Viya tamutu eta táemekatajiwachira'e'i eti.

Apocalipsis 22:8

Tétavikawa eta náramira'i nuti eta nímaira'i tamutu eta júkana, nusamira'i nuti Juan. Tási'a, te tamutupa, népuyukapa te máiwapeana ema ángele ema tímechanu'i eta juka. Nuwara'apa nutsiukayare'ini.