Marcos 9:7 - Táurinakene máechejiriruwa’i ema Viya tikaijare

⁷ Temuna'irikawapa tiuchuka'i eta úkaji táepakumuri'a'i ena. Tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i: ema esamayare.”

Ignaciano

⁷ Tacahe, tiárami­ca­re­varepa eta úcaji táepacú­mu­rihahi éna. Nasama­varepa eta mahu ema Viya tayehe eta úcaji. Ánipa macahe: —Ema maca, ema yátupi­quenehi nuchicha némuna­ru­quenehi. Éma esuapayare —macahepa.

Marcos 9:7 ပူးပေါင်းရင်းမြစ်များ

San Mateo 27:43

Té'eware te yátupi'ipuka tikasiñawa'i me Viya: ¡viwara'a víma'a makuchuku'a ema puítinaichu, te yátupi'ipuka máemunaka'i ema! ¿Taicha maka'e'i eta máechejiriruwa'i eta Machichaira'i ema Viya?

San Mateo 27:54

Taka'e, ena tijanearekana'i, émapa ema kapita, te náima'apa eta tayayakarewa'i eta apake'e, étapa eta apamuriana tiáramikareana'i, ichapeine'i eta napisira'i, tási'a naka'epa: –¡Yátupikeneichuyapa ema maka achane, Machicha'i ema Viya!

San Mateo 3:17

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

Marcos 1:11

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

Marcos 9:6

Namutu tíñakawana'i ena máimitureana wa'ineni máimatiekene'aini ema Pedro wa'i mapanerecha'ini eta mawara'akene'i makayemayare'i.

Marcos 9:8

Tíja'uchawapa, te náesenikapa te nachakaya, waipa naima'awaka'ini ena apamuriana, makarine'i ema Jesús.

San Lucas 3:22

Taka'e, nasamapa eta ma'u ema Viya tási'akene'i te anuma. Ani maka'e'i: –Pítira nuchicha némunarukene, núrisamurecha piye'e.

San Juan 1:34

Puiti nímatipa ema. Táitusiawa numetaka'e puiti eta émaira'i ema Machicha ema Viya.”

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 12:28

Tata, pimereka eta pitupaijiasirawa.” Tási'a, tíja'uchawapa nasama'i eta ma'u ema Viya te anuma. Ánipa maka'e: “Nímerekaipa eta nítupaijiasirawa'i. Jé'esare, nápechawayarewa nímerekayare.”

San Juan 19:7

Ena akenukara'ana juriyuana najikapawarepa: –Taicha jarari'i eta viye'erepichu viti, puiti viwara'a maepena ema, taicha tímijachawa'i Machicha'i ema Viya.

San Juan 20:31

Nuwara'asera ákaikutiara eta nájureana'i apaesa esuapa'ini ema Jesús eta émairakene'i Cristo, Machichakene'i ema Viya. Taicha te esuapapuka ema, máitawakakayare eta ítaresirayare te maijare ema.

San Juan 5:18

Eta nasamira'i ena tuparairukana eta máichirawaka'i, navetijipaicha eta nasemira'i. Nawara'apa nakapakawaneyare'i ema. Eta tiviucha'i eta makanararesira'i te sáwarumu'uana, náimijachira'i máepuru'i eta naye'erepi. Tavetijipaicha eta máimikaecherachirawa'i Machichaira'i ema Viya.

San Juan 5:37

Émaipa ema Tata tiwanekanu'i. Wa'i esama'ini eta ma'u, wá'iware íma'aima'i,

San Juan 6:69

Víti vitupiruwa'i eta visuapiravi'i. Vécha'iware eta yátupikeneravi'i Cristo, Machichakenévi'i ema yátupikene'i Viya.

San Juan 9:35

Ema Jesús masamairikapa eta nákijisira'i ema máipuchakene'i. Tási'a, te makainunawarepa, máichapa: –¿Pisuapapuka píti ema Machicha ema Viya?

Hechos 1:9

Taka'e, te títawapa eta máechejirisirawa'i, ena máimitureana naimararakaicha'a'i, tíja'uchawapa ema Jesús tiyanapa te anuma, táepakuchapa eta úkaji, waipa makaechera'ini.

Hechos 7:37

Émaichuwa ema Moisés tikaechejiriruwa'i naye'e ena majaneanana israelítana: ‘Ema Viya mákaechepukayare ema apanayare mawaneruyare ema Viya, takutiyare eta mawanesiranu'i nuti.

Hechos 8:36

Te máechapa ema achane, mapanerekene'aine'i. Taka'e, te nakapayakapa eta únekure, maka'epa: –Júka'ri'i eta une. Nuwara'a píkachasikanu, eta puiti'ichu.

Romanos 1:4

Émasera ema Machanewa Viya, maimikacherachapa eta émaira'i Machicha ema Viya eta maitupajijiasirawa'i, etapa eta maechepusirayare'e te maekari.

Hebreo 2:1

Eta taka'e, tituparaka'e yátupina eta ekarawa'uiraya eta ímitukasikeneana'i, machu émitisika, machu étaina taviucha'e eta iuchukuiraina.

2 Pedro 1:17

Taicha vima'a'i ema Tata Viya te maíjarakapa eta mapikauchararewayare'i étapa eta majaraiwayare'i, te mapiarakapa ema Viya te mametakapa eta majaraiwayare'i: “Ema maka ema yátupikene'i Nuchicha némunarukene'i. Tétavikawa'i eta núrisamurewa'i máicha”

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.