Marcos 8:34 - Táurinakene máechejiriruwa’i ema Viya tikaijare

³⁴ Taka'e ema Jesús máichu'awakapa ena máimitureana, tási'a énapa ena achaneana. Tási'a máichawakapa: –Nákani nawara'a náe'ikanu, takamunu náinajikawa tamutu eta ti'apapirikawaka'i, náijarakawa eta táimikapasiraina eta náe'isiranu'i.

Ignaciano

³⁴ Tacahe, máichuha­vacapa ena máimitureana énapa ena apamuriana achaneana. Máichavacapa éna: —Nácani navaraha náehicanu, tacamunu náinajica tamutu eta tihapa­pirica eta náehisi­ranuhi. Nacara­va­hu­yareva eta nímitu­rapiana.

Marcos 8:34 ပူးပေါင်းရင်းမြစ်များ

San Mateo 10:38

tási'a nákani apaesaichu eta nawaraira'i té'ikanuana'i, waipaware tátuparaka'ini nuchaneranaina'ini.

San Mateo 16:24

Taka'e ema Jesús máichawakapa ena máimitureana: –Nákani nawara'a náe'ikanu, takamunu náinajikawa tamutu eta ti'apapirikawaka'i, náijarakawa eta táimikapasiraina eta náe'isiranu'i.

San Mateo 27:32

Te tiuchukapa ema ánaki, nákapajikapa ema achane tikaijare Simón, tikawasa'i te Cirene. Napamikapa ema manaraku'a eta macrusura ema Jesús.

Marcos 10:21

Ema Jesús máimararakapa, máemunakaine'i, tási'a májikapapa: –Jukaicha'a'i eta pítauchakeneyare: piyana, píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

Marcos 7:14

Taka'e, máichu'apa ema Jesús ena achaneana, tási'a máichawakapa: –Esamanuicha'a emutu eti apaesa ákaikutiara:

San Lucas 13:24

–Ámeta esiapa, taye'e eta tapaja ánikuchichapana, taicha numetaka'e kamurianayare ena tiwara'anaya tisiapana, tási'a wá'isera títujikawanaima'i.

San Lucas 14:33

Ene eka'e'i eti eta ewaraira'i é'ikanu, epanerechanumayare'i eta ínajisirayare tamutu. Taicha te wa'i erata'ayare, wa'i ekukaemuñawa e'ikanu'ini.

San Lucas 18:22

Te masamapa eta juka ema Jesús májikapapa: –Jukari'icha'a eta pítauchakeneyare: piyana píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Lucas 20:45

Namutu ena achaneana nasamararaka'i ema Jesús eta máechejisirawaka'i ena máimitureana:

San Lucas 9:23

Tási'a máichawakapa namutu: –Nákani nawara'a náe'ikanu, takamunu náinajikawa tamutu eta ti'apapirikawaka'i, náijarakawa puiti jukana sacheana, eta táimikapasiraina eta náe'isiranu'i.

San Juan 10:27

Eta nuye'eana uvesa tímatia'uchanuana'i eta. Nuti apanaware nímatiwaka'iware. Eta taka'e, té'ikanuana'i.

San Juan 19:17

Ema Jesús tiúchukapa, mánaraku'apaipa'i eta macrusura, makaiju'epa taye'e eta tikaijare “Tavirare eta náperana ena naépenakeneana” (te hebreo tikaijare Gólgota).

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Romanos 6:6

Takutikene, eta tamauriwaini'i eta ichasini vítaresira takapekaturaraiwaini'i, tímikutijirikawa'i te vikakenureka. Puítisera táekarasipa eta ichasi vítaresira, takuti'i eta náekarairaipa ema Viákenu Jesús.

Romanos 8:17

Eta makachicha'aviraipa ema Viya, vijakapainapa eta víkuchi'i máijararu'aviya. Vikutinapa ema Cristo eta máijarasira'i eta máikuchi'i ema. Puiti, eta vikatajiwaira'i te juka vítaresira'i, vikuti'i ema Cristo eta makatajiwaira'i, tási'a, vikachanénapa ema eta mávi'a'i eta majaraiwa'i.

1 Corintios 15:31

Núti'ipa, nuparapenaveana, tamutu'i sácheana tikauyayakare'i eta népeniraina'ini. Ichape eta tapikakarewa'i. Nukurisamurechawasera eta núrisamurewa'i icha eti eta iúriwaipa'i maye'e ema Viákenu Jesucristo.

1 Corintios 8:13

Taka'e te nútina'ipukaini némejekapawacha'ini mákani nuchamuri táichavene eta nunisiraina'ini eta waka, wa'i nunikaima'i, apaesa waipa nukuemejekapawacha'ini ema. Eti apanawa, ene eka'eyare. Wá'iware ekuemejekapawacha ena echamuriana.

1 Corintios 9:19

Nájina'ineni te juka apake'e napamikanu'ini eta nukaemataneasiraina'ini. Nútisera níjarakawa'i nítauchayare'i tamutu eta nukamunukarewa'i naye'e ena achaneana, apaesa étaina'ipukaini níturusi'awaka'ini ena nasimutuwakeneana, machaneranaina'ini ema Cristo.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Gálatas 5:24

Taka'e, viti vé'ikanaipa ema Jesucristo, waipa víchaima'i eta tamaurikeneana'i tajamurachakeneana'i eta viáke'e taicha tamutuipa'i vikapaka.

Gálatas 6:14

Nútisera, eta nítaresira'i, nuwapinawa'i ichape maicha ema Jesucristo, máepeninanu'i te crusu níchavene'i nuti. Taka'e, nuti apana nínajikaipa eta né'isiraini'i eta taye'erepiana eta apake'e, waipa nútiparakaina taye'e, taicha eta máepenira'i níchavene'i nuti.

Filipenses 3:10

Nuwara'a'i nuti tajurukachucha eta nímatirayare'i ema Cristo. Nuwara'aware nukapayayaraka'iwareni eta makatajiwaira'i. Étapa eta népenira, nuwara'aware táurichawakayare ena nuchamuriana, tákuti'ini eta táurichira'avi'i eta máepenira'i ema Jesús,

Filipenses 3:7

Puítisera eta né'isira ema Cristo, waipa takunachakare'ini eta nusamirawa'i, tamutu eta juka níchakeneana'i nusiñaviraini'i.

Colosenses 1:24

Puiti, nurisamure'i eta nukatajiwaira'i ichavene'i eti eta nukatupara'aira'i nukametarairu eye'e eti. Eta juka nukatajiwaira'i, tákuti'ini eta makatajiwaira'i ema Viakenu. Nukatajiwanumapaipa'i íchavene'i eti machichanaveana, eti vichamuriana'i.

Colosenses 3:5

Tási'a puiti, ínajikainapa eta eye'erepianaini tamaurikeneana'i: nakuijapa nakuve'a esu apana esena, waipa ekupanerecha eta panererukana tamaurikeneana, waipa ti'apapirika'ema'i eta ekaima'akeneraina, taicha ena titanukana'i eta juka, nakuti'i nákani tikasiñarajiana.

2 Tesalonicenses 3:11

Puítipasera visamairika'i eta natiari'ira'i ena echamuriana tinerejikawana'i plújuana. Wa'i náesacha'ini tikaemataneana, tinikairi'iana'i. Tímiapitawairikawanapa'i te pétiana.

Tito 2:12

Puiti ema Viya mawara'a eta táuri eta vítaresiraina te juka apake'e. Mawara'a yátupina eta vítusiraina vipanerereka, étapa eta vítauraiwaina tamutu naye'e ena achaneana, étapa eta vítauraiwaina maye'e ema Viya. Waipa víchaima'i eta tájiparakana tamaurikeneana'i. Wáipaware víchaima'i eta tajamurachakeneana eta viáke'e,

Hebreo 13:13

Eta taka'e viti apanawa, takamunu wíchuka vé'ikayare ema Jesús. Tayanapane vikatajiwayarepuka, vikutiyaresera ema eta makatajiwaira'i.

1 Pedro 4:1

Ema Cristo, ichapemuri'i eta makatajiwaira'i. Makamicha'isera ema tamutu. Eti apanaware, ekutiyare ema. Nímikuticha'eyare eta mákani achane tépenapa, máinajikaipa eta pekatu,

1 Pedro 4:13

Ewapinawachucha taicha ekapayayaraka'i eta makatajiwaira'i ema Cristo apaesa ewapinawa te jena sácheyare eta enekapirayare ema eta máukupaisiraya mámirayarepa'i eta majaraiwa.

2 Pedro 1:14

Taicha waipa náyerema'icha eta nítaviraya, ema Viákenu Jesucristo tímimetakanu'i eta nunarasirawanenapa te machakaya.

1 Juan 3:16

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.