Marcos 8:2 - Táurinakene máechejiriruwa’i ema Viya tikaijare

² –Nujapanuwaka ena nani achaneana, taicha mapanapa sache eta naka'e'i ani nuye'e, tási'a tájinaware naviya'ini eta nanika.

Ignaciano

² —Nujapa­nuvaca ena nani achaneana, taicha mapana­ripahi sache puiti eta nacahehi eta viyehe. ­ Tájinai­pavare naviyahini nanica. Téchuri­ha­naripa eta nanicaquene.

Marcos 8:2 ပူးပေါင်းရင်းမြစ်များ

San Mateo 14:14

Te tiúkupaikapa ema Jesús te pakure, máima'apa ena kamurikeneana achaneana; majapanuwakaine'i eta máimairawaka'i ena, makanarakawakapa ena nakajumakeneana'i námakeneanapa'i.

San Mateo 20:34

Ema Jesús majapanuwakaine'i, máemama'aukichawakapa, enewanerine'i tímairirikana. Tási'a, náe'ika'pa ema Jesús.

San Mateo 9:36

Te maima'awakapa ena achaneana, tínanajirikawana'i. Tétavikawaine'i eta majapanuirawaka'i, taicha nakuti'i eta uvesana nájina tijaneakaina.

Marcos 1:41

Taka'e ema Jesús majapanuine'i ema; maemamakapa te mawa'u, majikapapa: –Nuwara'a nukanarakavi. ¡Puiti tajinapa pichirawaima'i!

Marcos 5:19

Émasera ema Jesús, wa'i máisapa'ini, maichapa: –Piyanachucha te pipena pichawa naye'e ena pijaneanana te piáwasa. Pimetakaya eta makanarasiravi'i ema Viya, taicha eta majapanuiravi'i.

Marcos 6:32

Taka'e ema Jesús, tási'a énapa ena maye'eana apústuleana, tiawaku'anapa te pakure tiyananapa terajikawa'i.

Marcos 6:34

Te tiúkupaikapa ema Jesús te pakure, máima'apa ena kamurikeneana achaneana, majapanuwakaine'i eta máimairawaka'i ena, taicha nakuti'i eta uvesana nájina tijaneakaina, taka'e, tepanawa eta máimitusirawaka'i.

Marcos 8:3

Tási'a te néwatakawaka, machu naviraji te achene, taicha natiari'i ena tiási'ana'i te tiyere'i.

Marcos 9:22

Máeje'aipa mákipaika ema mara éreana te yuku, té'eware une, taicha mawara'a makapaka ema nuchicha. Pítisera, te pirata'apukaini, pájapanu'avini pikatajika'avisamíni.

San Lucas 15:20

Taka'e, tiyanapa tichawa'i te mapena me maiya. “Te tiáne'ipa títekapa ema amaperu, máima'apa ema maiya. Ichapeine'i eta majapanuira'i. Enurujipa tiyana tijunapa mákapa. Majupa'akapa ema machicha. Máetserarekapa eta máurisamurewa'i.

San Lucas 7:13

Eta máimaira'i ema Viákenu, majapanuine'i esu esena. Tási'a, máichapa: –Wa'i pikuiya'a.

Hebreo 2:17

Eta taka'e, eta máukupaisira'i ema Viákenu, tatuparaka'i makake'eyare'i eta viáke'e eta máitaresira'i, tikuti'aviyare'i viti maparapenaveana tamutu eta vítaresira'i, yátupiyare'i eta máetaviuchiraya eta majapanuira'aviya, máetaviuchayarewa eta makasiñakarewaya eta viye'e, taicha makarichu'i ema tiyaseucha'aviparaka'i te mamira'u ema Viya Makaiyakene, makaepa'áina'aviyare'i eta viviurewana'i táichavene'i eta vipekaturana viti achaneana.

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.

Hebreo 5:2

Ena, tijapanura'ianayare'i naye'e ena máiturereana énapa ena téjekapawana, taicha enaichuware tikatajiwana'i taye'e eta naeche máteji;