Marcos 8:11 - Táurinakene máechejiriruwa’i ema Viya tikaijare

¹¹ Títekapanapa ena fariséuana. Tépanawanapa nakanarajirika'i ema Jesús. Tási'a nawara'apa naimiakipaikaya'i, nayaseakapa máimereka'ni eta tiáramikareana, te yátupi'ipuka wanairuka'i me Viya.

Ignaciano

¹¹ Tacahe, títeca­panapa ena apamuriana fariséoana. Tépana­vanapa nacana­ra­jirica ema Jesús. Eta navarairahi náimiaqui­pai­ca­yarehi, nayaseacapa máimere­cahini eta tiárami­careana, máimere­ca­vahini te yátupi­hipuca vanairucahi me Viya.

Marcos 8:11 ပူးပေါင်းရင်းမြစ်များ

San Mateo 12:38

Enananajiwaka ena fariséuana énapa, ena escriwánuana naichapa ema Jesús: –Tata maestro, viwara'a vima'avi picha'ini eta tiáramikareana.

San Mateo 19:3

Natiari'isera ena fariséuana, napauchapa ema Jesús, tási'a natanuka'i eta tiviuchayare'i ema, nayaserekapa: –¿Táurikapuka máinajika ema achane esu mayena taicha jákani tájiparakana?

San Mateo 21:23

Te taekenepa eta juka, ema Jesús tisiapapa eta te mapena ema Viya. Taka'e tímiturekawarepa ánaki, tási'a napauchapa ena tachutiri'ana ena tuparairukana, ena escriwánuana, énapa ena viyakara'ana naye'e ena juriyuana, tási'a nayaserekapa: –¿Nája'asika tiwanekavi'i picha eta juka? ¿Nája'a tituparakavi'i picha eta juka píchakeneana'i?

San Mateo 22:15

Taka'e, eta nasamira'i ena fariséuana, tisemanaine'i. Tiyananapa tikurujikakanapa, nawara'aipa náemejekapawachayare'i apaesa étaina'ipukaini taviucha'ini ema Jesús.

San Mateo 22:18

Ema Jesús máimatiakawakapa eta tamauriwapa'i eta napanereruana, máichawakapa: –Apimirana, ¿tája'a takayema ewara'a ímiakipaikanu?

San Mateo 22:23

Étaichu te jena sache, naka'epaipa'i ena saduceoana, ena, apana'iware eta náimiturapiana'i. Wa'i nasuapa eta náechepusirayare eta nachanewa ena náepenakeneana, tiyananapa náima'apana'i ema Jesús. Natanuka'i eta táetseraruwayare'i náicha. Ánipa naka'e:

Marcos 12:15

Émasera ema Jesús máimatiwane'i eta apimirairawaka'i ena, tási'a máichawakapa: –¿Tája'a takayema ewara'a ímiakipaikanu? Níma'aseji, iáminanu étapena eta reale, apaesa íma'a.

Marcos 2:16

Enananajiwaka'i ena escriwánuana, fariséuana'isera ena, te naima'apa ema Jesús eta makachanewaka'i namutu ena eta manisira'i, nayaserekapa ena máimitureana: –¿Tája'a takayema, ema eye'e maestro makachanewaka'i eta manisira'i naye'e ena tive'ara'iana eta viyase'ana, énapa ena tisipekaturana'i?

Marcos 9:16

Ema mayaseremuri'apa: –¿Tája'a ekayema eti, ekanarajirikawakapa ena nani?

San Lucas 10:25

Matiari'i'i ema émana escriwánuana, mawara'a'i téchejirikawayare'i maye'e ema Jesús, eta mawaraira'i makaikutiarayare'i, mayaserekapa: –Tata maestro, ¿tája'apukaini nícharakawaini, eta nítujisiraini eta maichekuarakirena te apana vitaresira?

San Lucas 11:16

Ena apamuriana nawara'apa naimiakipaikaya'i, nayaseakapa máimereka'ni eta tiáramikareana, tiasi'a te anuma.

San Juan 4:48

Ema Jesús májikapapa: –Eti wa'i esuapanuima'i, te wa'i nímecha'e'i eta tiáramikareana.

San Juan 6:30

Taka'e, ena nayaserekawarepa: –¿Tája'asika eta tiáramikare pímecha'aviyare apaesa visuapavipa? ¿Taja'apuka eta pemataneana?

San Juan 7:48

¿Nájina émanaina ema tuparairuka viye'e viti nasuapa'ini ema máenatataji, enaipa ena vichamuriana fariseoana, wa'i masuapa'ini?

San Juan 8:6

Ena nayasesereka'i ema Jesús, taicha natanuka'i eta tiviuchayare'i ema. Émasera ema Jesús tétipaikapa tiájupairikapa te apake'e te mawauki.

Hechos 5:9

Ema Pedro máichapa: –¿Tája'a takayema ekutikaka'i eta juka épiya'iraiwa'i, ewayuarasira'i ema Machanewa ema Viya? Áwane tichawana ena tékarapanana'i ema pímaini. Tási'a, puiti pítipawayare tiámavianayare.

1 Corintios 10:9

Wá'ira vikuyururujika taye'e eta mapanereruana'i ema Viákenu, ena nani tiyuruchawana'i, waipa nasuapa'ini ema Viya, tási'a, maikuñakawakapa ema, táechukawakapa eta kichare, tépenarakanapa.