Marcos 7:9 - Táurinakene máechejiriruwa’i ema Viya tikaijare

⁹ Éneichuware máichawarepa: –Tasapi'apa ituka'i ichiraya eta eye'erepiana, eti épurupa eta mawanairipiana'i ema Viya.

Marcos 7:9 ပူးပေါင်းရင်းမြစ်များ

Marcos 7:13

Ani taka'e'i eta ekaepa'aira eta tasuapakarewa'i eta mawanairipiana ema Viya. Tasapi'apa, ímikapikáucha'i eta eye'erepianachucha. Jarari'iware eta apamuriana éjekapirawana tawasikeneana'i.

Marcos 7:3

(Taicha namutu ena juriyuana, énapa ena fariséuana, nae'ika'i eta naye'erepianaini ena nachukanaveanaini. Te wa'i tikasipawa'unumana, wá'iware náisapaima'i tinikana.

Marcos 7:5

Eta taka'e, ena fariséuana, tási'a énapa ena escriwánuana nayaserekapa: –¿Taja'a takayema ena pímitureana wa'i nae'ika'ini eta viye'erepiana nanakipairu'i ena viáchukanaveanaini? Wa'i nakasipawa'u'ini eta nanisirayare.

Romanos 3:31

Taka'e, ¿eta vikasiñawaira'i maye'e ema Viya waipapuka tiuri eta wanairipiana? ¡Wa'ineni etaparakaina eta juka! Tiapajukawapa murakapanapa eta Vitauchirayare eta wanairipiana

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

Gálatas 1:14

Nuti, eta nujurusira'i, níma'a'i eta takapika'uira'i eta viye'erepiana. Ichape'i eta némurakachirawa'i, nukachurikawaka'i ena nuparajuruana'i. Nímikapikaucha'i muraka, numawaraira'i táemitiekene'ini eta viye'erepiana'i nanakipairuana'i ena náchukanaveanaini.

Gálatas 2:21

Wa'i némepururekaima'i nuti eta máemunasiranu'i ema Viya. Narari'isera ena tímijachawana'i tijakapakareana maye'e táichavenechucha eta nawaraira'i naitaucha eta wanairipiana. Ena nani, tímikutijirikawa'i náemepurureka'i eta mapanereru étapa eta máemunasirawaka'i. Tímikutijirikawa'i náemepurureka'iware eta máepenira'i ema Jesucristo te crusu.

2 Tesalonicenses 2:4

Ema maka achane ema tikanara'i ema Viya namutu ena te'ikana'i tisuapana'i ema Viya, tási'a ema maka achane tinakawainapa te templo, timijachawainapa yatupikene emakene ema Viya.