Marcos 7:34 - Táurinakene máechejiriruwa’i ema Viya tikaijare

³⁴ Taka'e, máesenikapa te anuma, tiamichapa taka'e, máichapa ema achane eta taka'e: “¡Efatá!” (Echéjirirukawa arameo, eta juka taka'e'i eta “¡Téchuji'a!”)

Ignaciano

³⁴ Tacahe, máesenicapa te anuma. Tiúmitipa. Tacahe, máichapa: —¡Téchujihapa eta piquiñana!

Marcos 7:34 ပူးပေါင်းရင်းမြစ်များ

Marcos 1:41

Taka'e ema Jesús majapanuine'i ema; maemamakapa te mawa'u, majikapapa: –Nuwara'a nukanarakavi. ¡Puiti tajinapa pichirawaima'i!

Marcos 15:34

Etaichu'i eta jena ura, tipiarakapa muraka ema Jesús: –“Eloí, Eloí, ¿lemá sabactani?” Te véchejiriruwa, (ani taka'e: “Tata Nukaiyakene, Tata Nukaiyakene, ¿taja'a takayema pijunijikanu'i?”)

Marcos 5:41

makaratawauchapa esu tási'a máichapa: –Talita cum (tevechejiriruwa ani taka'e: ‘Nuchicha, néchejikavi, péjamika, péchepuka.”)

Marcos 6:41

Taka'e, ema Jesús mave'apa eta sinkukeneana pan, étapa eta apiki jima, máesenikapa eta te anuma, ma'asulupayachapa ema Viya, mayuvetukawakapa eta pan, tási'a máijarakapa ena máimitureana. Ena, náijarakapaipa ena achaneana, éneichuware mayuvetu'epa eta apiki jima, náijarakawakapaipa.

Marcos 7:35

Enurujipa tisamara'ipa ema achane, tijimuyapa eta manene, tiúripa téchejika.

Marcos 8:12

Tási'a ema, tichuruamichawaine muraka. Taka'e, máichawakapa: –¿Tája'a takayema eti achaneana eyaseakanu, nímereka eta tiáramikareana? Mavine'ipukani ásapi'ani nimecha'e'ini eta tiáramikareana.

San Lucas 18:42

Máichapa ema Jesús: –Tiuri, nuchicha. Táichavene'i eta pikasiñawaira'i me Viya, pinarakapa puiti.

San Lucas 19:41

Te, títekapanapa te tachakaya eta Jerusalén. Eta máimaira'i ema Jesús eta awasare, tíya'apa táicha.

San Lucas 7:14

Tási'a, mapauchapa ena tiámanapa'i ema máepenakene. Titupi'anapa ena, máemamakapa eta makajone. Tási'a, maka'epa: –Nuchicha, nuti nuwanekavi, ¡péchepuka!

San Juan 11:33

Taka'e ema Jesús eta maimaira'i esu María eta suiyaira'i enapa ena juriyuana te'ikanapa'i esu, tikatisamurewapa ema apanaware,

San Juan 11:35

Ema Jesús tiya'apa.

San Juan 11:38

Taka'e, ichape eta makatisamurewaira'i ema Jesús. Mapauchapa eta ekari nasekajueru'i te mari. Tatiari'iware eta márime taji'ajaka'i eta tapajakura eta ekari.

San Juan 11:41

Nakaerajikapa eta márime. Tási'a, ema Jesús máesenikapa te anuma, tiyujarakanumapa: –Tata, nu'asulupayachavi eta pisamiranu'i.

San Juan 11:43

Te títapirikapa eta mayujarasira'i, tipiaraikapa muraka: –Lázaro, péchepuka eta te jara piávi'a'i. Yare, piúchuka.

San Juan 17:1

Te títapirikapa ema Jesús eta máechejisira'i, máesenikapa te anuma, ánipa maka'e: “Tata Nukaiyakene, títekapauchanupa puiti eta táitauchirawayare eta pipanereruana. Nuwara'asera nukunachakareni eta piye'e, tákutini eta nukunachiravi'i píti.

Hechos 9:34

Ema Pedro máichapa: –Eneas, ema Jesucristo tikanarakaviya. Péchepukapa pive'apa eta piyereruwa. Ema Eneas enewanepa téchepuka.

Hechos 9:40

Ema Pedro makawanairipipa náuchuka namutu. Taka'e, tépuyukapa ema, tiyujarakapa. Tasi'a, máimarakaipa esu esena suépenakene, máichapa: –¡Tabitá, péchepuka! Esu téjami'aukichapa. Suíma'apa ema Pedro. Téja'apaikapa.

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.