Marcos 6:12 - Táurinakene máechejiriruwa’i ema Viya tikaijare

¹² Taka'e tiyananapa ena máimitureana kametarairuanapaipa naye'e ena achaneana, apaesa nainajika eta napekaturana eta naichira eta tamaurikeneana, nachawa naimati ema Viya.

Ignaciano

¹² Tacahe, tiyananapa ena dóceana. Ticame­ta­rairuana eta tacamu­nui­ra­yarehi eta náeneuchi­ravaya ena achaneana, náinajica eta napeca­turana.

Marcos 6:12 ပူးပေါင်းရင်းမြစ်များ

San Mateo 11:1

Te tamutupa eta máimitusira'i ema Jesús ena dósekeneana máimitureana, tiyanawarepa te awasareana taye'e eta Galilea, taicha mawara'a'i máimitukayare ena achaneana eta máechejiriruwa ema Viya.

San Mateo 11:20

Taka'e ema Jesús tépanawapa máechejisi'a eta awasareana máichinewaka'i eta tiáramikareana, taicha wa'i nae'ika'ini ema Viya. Maka'eipa ema Jesús:

San Mateo 3:2

Ánipa maka'e “¡Ítsiwacha eta epanereruana, éñauchawa maye'e ema Viya, taicha tiane'ipa eta mawasa ema Viya akenukaya te anuma!”

San Mateo 3:8

Yátupina tátupiruwa eta epanereruana, ímerekawa eta é'isira ema Viya,

San Mateo 4:17

Taka'e ema Jesús tepanawapa kametarairu: “Eta mawasa ema Viya akenuka te anuma tiane'ipa titekapaucha'e eta eye'e.”

San Mateo 9:13

Eyana ekarawa'u eta juka taecheiriruwa: ‘Nuti, wa'i étaina tímitekanu nutanupanawakayare nákani matapirawareana'i, eta tímitekanu'i.’ Nutanupanawakayare ena tisipekaturanapana'i apaesa, náeñauchawapa me Viya.

Marcos 1:15

Ánipa taka'e'i eta mametarapi: “Eta mawasa ema Viya akenuka te anuma tiane'ipa titekapaucha'e eta eye'e. Échawa éñauchawa me Viya tási'a ejákapa eta ekasiñawairaina me Viya, esuapapa eta Arairu maechejiriruwa.”

Marcos 1:3

Matiari'i ema émana, tipiaraka te mawapa'ikene wama'i: ‘Etserereaka eta mache'u ema Viya, petupinacha eta achene.’ ”

San Lucas 11:32

Takutikene ena achaneana tikawasana'i akane te Nínive. Tisipekaturara'iana ena. Natupiruwa'isera nasuapa eta mametarairu ema Jonás. Téñauchawawaneana'i. Eti esamanu'i wa'isera esuapanu'ini, nuti'ineni nukapika'upana maye'e ema Jonás.

San Lucas 13:3

Wá'ira étaparakaina, takamunusera éñauchawawane eti, machu táija'uchawa eta épenira.

San Lucas 13:5

Nútisera numetaka'e, wa'i etaparakaina. Eti'ipa, te wa'i ekueñauchawa, éneichuware tíja'uchawaya eta épenira.”

San Lucas 15:10

Ene maka'e'i ema Viya, eta máurisamurewaya te namuri ena ángeleana, eta máeñauchirawapa mákani achane kapekaturara'ini, máinajisiraipa'i eta mapekaturanaini.”

San Lucas 15:7

Ene taka'e'i eta maúrisamurewa'i ema Viya te anuma, maye'e makaini achane manakika'i eta mapekaturana, naye'e nákani noventa y nueve achaneana tiúritaresirana'i, wa'i nakamunu'ini naeñauchava'ini.

San Lucas 24:47

tási'a etayareichu'i námapikayare eta maíjare eta naímitusirayare ena achaneana tikawasana'i te tamutu eta awasareana. Étaipa te juka Jerusalén, emétakawakayare eta náeñauchirawaina me Viya, apaesa makaepa'a eta napekaturana,

San Lucas 9:6

Taka'e tiuchukanapa, tiyananapa ena maimitureana. Tamutu napaika eta awasarechichana. Tikametarairuanapaipa'i eta máechejiriruwa ema Viya. Nakanarakapaipaware ena nakajumakeneana.

Hechos 11:18

Taka'e ena machamuriana tikawasana'i te Jerusalén te nasamapa eta juka, timátinanapa. Nakunachaine'i ema Viya, naka'eipa'i: –¡Yátupi'i eta majakapirawaka'i ema Viya ena apawasana, eta náeñauchirawa'i. Kuti'avianaipa eta, máichekuarakirenapa eta vítaresiraya!

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Hechos 26:20

nukametarairupa tatiwa'i naye'e ena tikawasana'i te Damasco, te nuchawapa, étapa te Jerusalén, nekekawapa te awasarechichana te Judea. Tási'a núchukapa taye'e eta awasareana tayere'ikeneana naye'e ena apawasana. Numetakawakapa'i eta nákaiju'eraina ema Viya, tási'a náeñauchirawaina náitsiwachiraina eta náitaresiraina.

Hechos 3:19

Tási'a puiti, éñauchawainapa ekáiju'enapa ema Viya, apaesa makaepa'a ema tamutu eta epekaturana