Marcos 5:7 - Táurinakene máechejiriruwa’i ema Viya tikaijare

⁷ maka'epa eta mapiararesira'i: –¡Wa'i pikuimisiapawa nuye'e, Jesús, Machichavi'i ema Viya! ¡Pájapanunu, wícha'a pikuwanekanu te nukaikuñaiyayare!

Ignaciano

^7-8 Ema Jesús, eta máimairahi ema achane, máichapa: —¡Pijunijica ema maca achane, piti éreana! —máichapa. Tipiara­recapa muraca eta majica­pirahi ema achane. Ánipa macahe: —¿Tájaha picha píteca pipauchanu, piti Jesús, Machicha­que­nevihi ema Viya? ¡Pájapanunu, vuíchaha picuva­necanu ánaqui te nucaicu­ñai­yayare! —macahepa.

Marcos 5:7 ပူးပေါင်းရင်းမြစ်များ

San Mateo 16:16

Ema Simón Pedro majikapapa: –Pítira ema Cristo, Machichakenevi'i ema Viya, ema tijaraka'avi eta vitaresira.

San Mateo 26:63

Émasera ema Jesús timatinaichucha. Ema tachutiri'a ema tiyujarakara'i máichapa: –Pátupiruwa pimetaka'avi te yátupi'ipuka pítikene'i ema Cristo, Machichakenevi'i ema Viya.

San Mateo 4:3

Emasera, ema wínaraji témeña'awapa maye'e ema Jesús, mawara'apa makaetemayare'i, ánipa máicha: –Te yatupinapuka machichavi ema Viya, piwaneka eta juka máriana táepiyakawa eta pan.

San Mateo 8:29

tási'a tipiararekanapa: –¡Wa'i pikuimisiapawa eta viye'e, piti Machichavi'i ema Viya! ¿Pitekapa ani piwara'apa pikuñaka'aviyare? Viti wícha'a viwara'a vikaikuña.

Marcos 1:24

–¿Taja'a takayema pimisiaparakawa'i eta viye'e, piti Jesús Nazareno? Piti piteka'i pijarareka'aviya, nuti nimativi, piti Machichavi ema Viya Sántukenevi'i.

Marcos 14:61

Émasera ema Jesús timatinaichucha, wa'i majikapa'ini. Ema tachutiri'a ema tiyujarakara'i mapechaware mayasereka'i: –¿Píti ema Cristo, ema Machicha ema Viya?

Marcos 3:11

Taka'e ena éreanana tiáwa'akana'i ena achaneana, te náima'apa ema Jesús, tíakipaikawanapa te mamira'u ema. Tipiararekanapa: –¡Pítira Machicha ema Viya!

Marcos 5:6

Te'esera tiyere'ipaicha'a, máima'apa ema Jesús, tijunapapa mapauchapana'i, máepuyumirauchapa te mamira'u ema

Marcos 5:8

Taka'e'i eta máechejisira'i, taicha ema Jesús mawanekaipa'i: –¡Iuchuka eti machanewa éreanana, enakika ema achane!

San Lucas 1:32

Tétavikawaya eta napikauchirayare ena achaneana taicha Machichayare'i ema Viya. Ichapekeneyare eta akenukairayare ema taicha ema Viya manakayarewa eta máwakureyare akenukayare. Makutiyare'i eta akenukaira'i ema máchukaini David,

San Lucas 4:34

–¡Pésamirika'avi! ¿Taja'a takayema pimisiaparakawa eta viye'e piti Jesús Nazareno? Piti piteka'i pijarareka'aviya, nuti nimativi, piti Machichavi ema Viya Sántukenevi'i.

San Lucas 6:35

Étisera émunakayare ena tikatianaka'eana'i, tási'a íchayarewa eta táurikeneana, tási'a íjarakaware eta nakamukeneana nákani tikapuka'eana. Wa'i ekukuchapa eta náitsirijirapiyare. Eta taka'e'i eta ímereuchirawa eta machicha'eira ema Tata Vikaiyakene. Taicha ema, tétavikawa'i eta máuriwa naye'e namutu, énaipa ena wínarajikeneana máechawara'ana'i.

San Lucas 8:28

Te máima'apa ema Jesús, máepuyumirauchapa te mamira'u ema tipiararekapa: –¡Wa'i pikuimisiapawa nuye'e, Jesús, Machichavi'i ema Viya! ¡Pájapanunu wícha'a pikuwanekanu ánaki te nukaikuñaiyayare!

San Juan 20:31

Nuwara'asera ákaikutiara eta nájureana'i apaesa esuapa'ini ema Jesús eta émairakene'i Cristo, Machichakene'i ema Viya. Taicha te esuapapuka ema, máitawakakayare eta ítaresirayare te maijare ema.

Hechos 16:17

Esu suka amaperu tépanawapa te'ika'avipa'i, tipiarakapa'i te vékene: –¡Ena nani ajairana ñiwanarana eñi Viya Viákenu ichapekene, tási'a náechejisi'aware eta achene tikaiju'e ñe Viya ena nauchukureanayare!

Hechos 19:13

Tasi'asera natiari'i ena israelítana tipaikanapa'i te calleana tikanararerekana tive'ana eta itiriji nachanewa ena ereanana, nawara'a'i titsamarekawana'i kanararekana ena nawa'aruana ena ereanana te maijare ema Tata Jesús; taka'e, te napauchapa ema makajumakene'i, náichapa: “¡Piti éreana, viwanekavi te máijare ema Jesús máechejisi'akenepa'i ema Pablo, piúchuka te máke'e ema maka makajumakene!”

Hechos 8:36

Te máechapa ema achane, mapanerekene'aine'i. Taka'e, te nakapayakapa eta únekure, maka'epa: –Júka'ri'i eta une. Nuwara'a píkachasikanu, eta puiti'ichu.

Romanos 16:20

Nuti nukasiñawa'i me Viya, máimikatasira'eya íputsikawaneya ena machanerana ema Wínaraji. Tási'a, tiúriyare eta íchararakawa'i máicha ema Viya. Nuyaseakaparakaware ema Viákenu Jesucristo táetaviucha'ini eta iúrikakarewaya máicha.

Hebreo 2:14

Viti achaneana, étanaichu'i eta vikaechera étapa eta vítine, ene maka'e'i ema Jesucristo, makaeche'i, makaitine'iware étaichu'i takuti'i eta vítine víti achaneana, eta taka'e, eta máepenina'avi'i, makapakechi'ayare'i ema wínaraji.

Hebreo 7:1

Ema Melquisedec, rey'i, taye'e eta awasare Salem. Ema'i mawanara'iware ema Viya, tiyujarakara'i ema. Taka'e ema Abraham énapa ena masuntarurana té'akakapana'i, makanarawaka'i ena reyeana. Máita'akakawaka'isera. Taka'e, te tichawapa te mapena ema Abraham, mákapapa ema Melquisedec, mayujaraucha'i;

Santiago 2:19

Piti pisuapa'i eta émanairaichu'i ema Viya, tiuri'i eta picha, apanasika ena éreanana nasuapa'iware eta matiari'ira'i ema Viya, tiyayakareana'i eta napisira.

2 Pedro 2:4

Nakutiyare ena ángeleana téjekapawana'i, tájina wa'i majapanuwakaima'i ema Viya, makijikawakapa taye'e eta táiñe'ikene yuku távi'a'i eta tamapikukene, tikaiti'ana'i puiti te cadena, te táitekapapa eta ekuñaraki, tiápajukawanainapa eta náikuñayare ena.

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

San Judas 1:6

Éneichuware naka'e'i ena ángeleana enasera wa'i naunakawa'ini taye'e eta nawakureni'i, enasera nanakikapa eta navineni'i, ema Viya maeratakawakaipa taye'e te nakaikuñairare, pajara'inapa eta nauchukuiraina'ini tiamainukawa te taitekapapa eta sache nakayesere'irayare tamutu eta naichakeneana'i tamaurikeneana.

Apocalipsis 12:12

¡Tétavikawaya eta íurisamurewaya, eti iávi'ana'i taye'e eta juka anuma! ¡Páureanasamisera ena tikawasana'i te apake'e énapa ena tiávi'ana'i te ichapeama une, taicha ema wínaraji máecha'i eta ánipine'i, máukupauchawakaipa, tétavikawa eta masemanewapa'i!”