Marcos 4:7 - Táurinakene máechejiriruwa’i ema Viya tikaijare

⁷ Tási'a eta apamuri témirikapa te tatarakukuji eta itapekiji, tiúrina'ineni eta táimarusira'i, étasera eta itapejiana takachurikapa eta tajurusira'i, táepakuchapa eta sukurekana. Tánasipa, waipa taka'i'ini.

Ignaciano

⁷ Tacahe, eta apana evaraqui témiri­capaipa te tapare eta itapequiji. Tiúrina­hinéni eta táimarusira, étasera eta itape tacachu­ricapa eta tajuru­sirahi. Táemuriachapa eta sucureca. Tanasipa, vaipa tacahihini.

Marcos 4:7 ပူးပေါင်းရင်းမြစ်များ

San Mateo 13:22

Natiari'iware ena apamuriana nakuti eta ewaraki takaewakene'i te tatarakukuji eta itapekiji, te nasamararaka eta echéjirirukawa, natupiruwane'i nasuapa, étasera eta tawayuakawaka'i eta tájiparakana, étapa eta nawaraira'i tirrikuchawana. Tamutu eta juka táemetavika'i eta nawaraira'i té'ikanuana.

San Mateo 13:7

Tási'a eta apamuri témirikapa te tatarakukuji eta itapekiji, tiúrina'ineni eta táimarusira'i, étasera eta itapejiana takachurikapa eta tajurusira'i, táepakuchapa eta sukurekana.

San Mateo 13:8

Étasera eta apamuri témirikapa te tiúrina máteji, tási'a tiúrinapana'i eta tajurusira'i. Eta étajawa takaye'e'i cienki eta táki, eta apana takaye'e sesentaki, eta apanaware takaye'eware treintaki.

Marcos 4:6

té'esera te tíjurepa eta sache, takapajikapa, taicha wá'ichu táuparewaka'ini.

Marcos 4:8

Étasera eta apamuri témirikapa te tiúrina máteji, tási'a tiúrinapana'i eta tajurusira'i. Eta étajawa takaye'e'i treintaki eta táki, eta apana takaye'e sesentaki, eta apana takaye'e cienki.”

San Lucas 12:15

Éneichu máichawakaware: –Échapawaware eti, machu émuna'irikawa, ejamurara'i taye'e eta tíma'akareana. Taicha eta tíma'akareana te juka apake'e, wa'i étaina tikaitareka'eyare, wa'i táeñamakare'ini.

San Lucas 21:34

“Échapawa, machu tachimaraka'e eta jena sache, wa'i ekukuti ena tawayuaruana eta térakare. Wa'i ekueñamawa eta ítaresira, machu ta'apapika'e eta é'isiranu'i.

San Lucas 8:14

Eta ewaraki takaewakene'i te tatarakukuji eta itapekiji, nakuti ena tisamararakana'i eta echéjirirukawa. Ta'apapirikawaka'i eta nawaraira'i tirrikuchawana. Wá'iware náinajika'ini eta náichira'i eta tamaurikeneana.

San Lucas 8:7

Tási'a eta apamuri témirikapa te tatarakukuji eta itapekiji, tiúrinaini'i eta táimarusira'i, étasera eta itape takachurikapa eta tajurusira'i táemuriachapa.