Marcos 4:17 - Táurinakene máechejiriruwa’i ema Viya tikaijare

¹⁷ wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, taicha wa'i nakamicha'ini, wá'iware túmesamureanaina'ini eta nakatichaira ena achaneana, enewane vemitisika eta vikasiñaira'i ema Viya.

Ignaciano

¹⁷ Váhisera nárata­hahini nacara­va­huhini yátupi­nahíni. Vahi nácutihíni eta evaraqui tiúparehi. Ánipirichu eta náehisirahi, taicha vahi nacami­chahini jácani nacata­ji­vai­ranahi. Váhivare túmesa­mu­rea­nai­nahini te tatiarihipa eta jácani nacatichaira ena achaneana táichavenehi eta náehisi­ranuhi.

Marcos 4:17 ပူးပေါင်းရင်းမြစ်များ

San Mateo 11:6

¡Tiurikakareya mákani achane, te wa'i makaetseraru eta mae'isiranu!”

San Mateo 12:31

“Eta taka'e nícha'e, maemetavikaya ema Viya eta napekaturana ena achaneana, tamutu jákani naka'ira'i, te'era te nakaeka'i ema Machanewa Viya, waipaine'i makaepa'aima'i eta napekaturana.

San Mateo 13:21

wá'isera nárata'a'ini yátupina'íni, wa'i nakuti'íni eta ewaraki tiúpare, ánipichu eta náe'isira'i, wá'iware túmesamureanaina'ini eta nakatichaira ena achaneana.

Marcos 4:16

Ena apamuriana nakuti'i eta ewaraki takaewakene'i te tatarukukuji eta máripa'i: te nasamararaka eta echéjirirukawa, natupiruwane'i nasuapa,

Marcos 4:18

Natiari'iware ena apamuriana achaneana nakuti eta ewaraki takaewakene'i te tatarakukuji eta itapekiji, te nasamararaka eta echéjirirukawa,

San Lucas 12:10

“Ema Viya maemetavikaya eta maviurewana'i maye'e ema Machicha ema Ajaira, te'esera mákaini kaeka'i'i ema Machanewa Viya.

San Juan 8:31

Taka'e, ema Jesús máichawakapa ena tisuapanaipa'i: –Te ímiyanawa ekaratakawa eta esuapira'i eta nímiturapiana, eti yátupikene'e nímiture'e'i;

Gálatas 6:12

Ena nujaneanana israelítana, tétavikawa'i eta nasemanewa'i viye'e viti vikametarairu'i eta viúchukuiraya táichavene'i eta máepenira'i ema Cristo te crusu. Tási'a, ena nani tikamesajirika'eana'i nawara'a enakayare eta taikutiara eta iake'eana, ena nawara'a témemunakawanayare naye'e ena nujaneanana, apaesa waipa nakupanajirikawaka, nawara'a na'apapikayare'i eta nasemanewa.

2 Timoteo 1:15

Títekapa, péchaichu'i píti eta namáimikatasiranu'i ena náiyara'ana'i ena vichamuriana tikawasana'i te Asia, émaipa ema Fijelo emapa ema Hermójenes tijunijikanuapa énawanerekaina'ini naimikatakanu'ini.

2 Timoteo 4:10

Puiti tijunijikanuipa ema Demas, taicha tétavikawa'i majamurachira'i eta mawara'a tikaima'akeneyare te juka apake'e, tiyanapa makaiju'e'i taye'e eta Tesalónica. Émasera ema Crescente, néwataka'i te tinapaika Galacia, éneichuware ema Tito, néwataka'iware te tinapaika te Dalmacia.

2 Timoteo 4:16

Étaipa, te tínapukainapa nukatiuchawa'i te mamira'u ena tuparairukana juéseana, nájina náimikatakanu'ini. Namutu'i tijunijijikanuana'i. Tiuri, takuijaseraini makuícharakaini ema Viya, majapanu'ini ena tijunijikanuana'i.

Hebreo 10:29

Tétavikawa tamurakawaya eta náikuñayare ena témepururekana'i ema Machicha ema Viya, nákaini kaeka'iana'iware ema Machanewa Viya, taicha náemepurureka'iware eta máitine máepusairu'i ema Cristo, étara viwacha'i eta majakapira'aviyare'i ema Viya.

1 Juan 2:19

Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.