Marcos 4:11 - Táurinakene máechejiriruwa’i ema Viya tikaijare

¹¹ Taka'e, májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena tiavi'ana te aneka, apana eta nimitusira énasera nimikutichinayare'i apaesa nákaikutiaranu,

Ignaciano

¹¹ Tacahe, majicapapa éma: —Ema Tata titupa­ra­canuhi nítame­ta­ca­heyare éti eta juca mapane­reruana táequene­reruana tayehe eta macuchu­cui­ra­heyare eti achaneana. Mavarahahi ímatie­que­nehaya éti.

Marcos 4:11 ပူးပေါင်းရင်းမြစ်များ

San Mateo 11:25

Te akaneni taepaninewaini, ema Jesús ánipa maka'e: “Tata Nukaiyakene, tétavikawa eta nukunachiravi, jé'eware píti tákenuvi'i eta anuma étapa te juka apake'e. Títauchawaipa eta pipanereru'i, wa'i písapa'ini náituka'ini eta júkana ena achaneana tímijachawana'i téchemara'iana.

San Mateo 13:16

“Étisera eti nímitureana, tétavikawa'i eta iúrikakarewa'i, taicha esuapa'i eta juka íma'akeneana'i étapa eta esamakeneana'i.

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

Marcos 3:23

Ema Jesús máichu'awakapa, máimikutichinapa ánipa maka'e: “¿Ímijachapuka ema Wínaraji maimijunaya ema apana Wínaraji?

Marcos 4:10

Taka'e, te najunijikapa ena achaneana, témeña'awanapa eta maye'e ema Jesús ena dósekeneana máimitureana, nayaserekapa tája'apuka takayema'i eta máimikutichakene'i maye'e ema téwakara'i.

Marcos 4:2

Taka'e, tepanawapa timitureka'i, kamuri eta máimikutichakeneana'i eta máimitusirawaka'i. Eta máimituresira'i máichawakapa:

San Lucas 8:10

Taka'e máichawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana apana eta nimitusira nimikutichinayare'i, tayanapane naimararaka wa'i nakukaikutiara tási'a tayanapane nasamararaka wá'isera nakukaikutiara.

1 Corintios 4:7

Taka'e, ¿najina apanaina naijaraka'e'ini eta ekunachakarewa'i naye'e ena apamuriana achaneana? ¿Tamutu eta ekaye'ekene ejakapa'i maye'e ema Viya? Eta taka'e eta émaira'i tijaraka'e tamutu ¿Tája'a takayema ímijachawa'i etijiwa'i ijarakawa eta ekaye'ekeneana?

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Efesios 1:9

Taka'e timimaticha'avipa eta mapanereru'i maunaru'i te vuicha'a maitaucha'ini, taka'e mawanekapa ema machicha Jesucristo mawaraira'i maitauchayare'i eta mawara'akene maicha.

Colosenses 4:5

Táuri eta ítaresiraina naye'e ena máe'ikara'anaicha'a ema Jesús. Ekamapurawacha'a puiti juka sácheana eta ímitusirawaka'i.

1 Tesalonicenses 4:12

apaesa takuija ekukamunu te epenana. Te ítaucha eta juka, tipikaucha'eanayare ena apamuriana achaneana.

1 Timoteo 3:7

Éneichuware takamunu'i mákani pastuleruyare'i tikapika'u naye'e ena apamuriana achaneana, apaesa wa'i nakuechejika eta maye'e, machu máituruka ema wínaraji.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.