Marcos 3:7 - Táurinakene máechejiriruwa’i ema Viya tikaijare

⁷ Ema Jesús tiyanapa te tachausi eta kákiure, mámapa ena máimitureana. Náe'ikaware ena ichapemurikeneana achaneana tikawasana'i te Galilea.

Ignaciano

⁷ Émasera ema Jesús tiyanapa téraji­cavapa eta te mávapahi apaquehe eta te tachausi eta cáquiure. Mámapa ena máimitureana. Náehicavare ena ichape­mu­ri­queneana achaneana ticava­sanahi eta te provincia Galilea.

Marcos 3:7 ပူးပေါင်းရင်းမြစ်များ

San Mateo 10:23

Te napanajika'epuka te jákani awasare iávi'a'i, ejunayare te apana awasare. Jé'esare ema Machicha ema Ajaira, mátiajapainapa. Wícha'a ekuita'i eti epaika eta awasareana taye'e eta Israel.

San Mateo 12:15

Ema Jesús te máechapa tiyanapa. Náe'ikapa ena ichapemurikeneana achaneana, ema Jesús makanarakapaipa ena nakajumakeneana,

San Mateo 12:16

Tási'a mawanekapa'i wa'i nakumetajirika, eta émaira'i tikanarakawaka'i.

San Mateo 4:25

Kamuriana'i ena achaneana tiási'ana'i te Galilea, te Judea, te Jerusalén, te'epa awasareana tinapaika tauchusine eta sache te Decápolis, étapa te apachara eta Jordán.

Marcos 1:39

Taka'e, ema Jesús tipaikapa tamutu eta te Galilea, tikametarairupaipa eta te petiana náurujisirarewa ena juriyuana, tási'a makuchukawakapaipa'i ena éreanana náwa'aruana'i ena achaneana.

Marcos 1:45

Taka'e tiyanapa ema achane, timétajirikapaipa'i namutu ena achaneana eta máichawakenewa'i. Eta taka'e'i, ema Jesús waipa máimerekawa'ini te awasareana, manasipa te tachachaku, énasera ena achaneana tiyananaichucha napaucha'i.

Marcos 3:20

Taka'e, tichawapa ema Jesús te maitekapirare. Tiápechawanawarepa tiúrujikawana ena achaneana. Taka'e waipa náitujikawa'ini tinikana taicha tétavikawa'i eta nasimutuwa'i ena achaneana.

Marcos 4:1

Taka'e, tepanawawarepa tímitureka'i ema Jesús te tachausi eta kákiure. Kamuriana'iware ena achaneana títekapauchana'i ema Jesús, tási'a tíawaku'apa te pakure téjakapa eta máimituresira'i. Ena achaneana nanasipa eta te tachausi eta te tiájipa'i.

San Lucas 23:5

Énasera nayurukapa muraka: –Ema maka ichape eta ma'apapisira'i eta napanereruana ena achaneana tikawasana'i te Galilea, étapa ani te Judea.

San Lucas 6:12

Jena sácheana'i, tiyanapa ema Jesús te tápusi eta mari tiyujarakayare'i, tamutu eta yati tiyujaraka'i me Viya.

San Lucas 6:17

Ema Jesús tiukupaikapa te tapusi eta mari, te táinunapa'inepa, makachanepa'i ena máimitureana. Tiurujikawanaipa ena ichapemurikeneana achaneana, tiási'ana'i te tinapaika te Jerusalén, te Judea, te'epa tachakayara'ana'i eta Tiro étapa eta Sidón.

San Juan 7:41

Ena apamuriana, ániware naka'e: –Émaipa ema maka ema Cristo. Énasera ena apamuriana, ánipa naka'e: –Galileo ema maka Jesús. Wáipaine'isera étaina'i máuchusi'a ema Cristo taye'e eta awasare Galilea.

San Juan 7:52

Ena najikapapa: –¿Vémeteaka píti apanaware pijaneana'ipuka ema, píti'ichupuka galileuvi'i? Viwanekavi péchejiku'a eta Takapika'ukene Ajureka apaesa pecha wa'i étaima'i te Galilea máuchusi'ayare ema profeta Cristo vikuchapakene -naka'epa.

Hechos 17:10

Te jena yátikene'i, ena nachamuriana nakuchukapa ema Pablo émapa ema Silas taye'e eta awasare. Tiyananapa nakaiju'e eta awasare Berea. Te títekapanapa ánaki, tiyananaware taye'e eta peti náurujisirarewa ena juriyuana.

Hechos 17:14

Énasera ena machamuriana ema Pablo enewanepa náewataka ema te tachausi eta ichapeama une. Nanasipasera te Berea ema Silas, ema Timoteo.