Marcos 3:18 - Táurinakene máechejiriruwa’i ema Viya tikaijare

¹⁸ ema Andrés, Felipe, Bartolomé, Mateo, Tomás, émapa ema Santiago machicha ema Alfeo Tadeo, ema Simón ema Cananeo,

Marcos 3:18 ပူးပေါင်းရင်းမြစ်များ

San Mateo 13:55

¿Wa'i émaina ema maka machicha ema José, ema carpintero, vímatiware esu maena María? ¿Wa'i émaina ema maparape ema Santiago, ema José, ema Simón, émapa ema Judas,

San Mateo 9:9

Ema Jesús tiyanawarepa te mavine'i, taka'e maima'aine'i ema achane tikaijare Mateo téjaka'i eta te makatupara'aiya'i eta nawachachirare eta nayase'ana taye'eyare'i eta Roma. –Ema Jesús maichapa: –Yare pé'ikanu. Taka'e ema Mateo techepukapa enewanepa, máe'ika ema Jesús.

Marcos 2:14

Taka'e, eta maetavisirapa'i ema Jesús, máima'apa ema Leví, machicha ema Alfeo, téjaka'i eta te makatupara'aiya'i, eta nawachachirare eta nayase'ana taye'eyare'i eta Roma. Ema jesús máichapa: –Yare, pé'ikanu. Taka'e ema Leví techepukapa enewanepa, mae'ika'i ema Jesús.

Marcos 3:17

Ema Santiago émapa ema maparapeichu Juan, machichanaveana ema Zebedeo, ema kapija'i Boanerges (eta takayemakene'i, “tachicha eta tirureka”)

Marcos 3:19

émapa ema Júlasi Iscariote, ema tíjarareka'i ema Jesús.

Marcos 6:3

¿Wa'i émaina ema maka, ema carpintero suchicha esu María, maparape ema Santiago, ema José, ema Judas émapa ema Simón? ¿Tási'a wa'i ánina navi'a ena esenana maparapenaveana, tikawasana'i eta ani viye'e? Tási'a wa'i nasuapa'i ema.

San Juan 1:40

Andrés máijare'i ema mapinane'i, ema tisamana'i ema Juan, ema té'ikapa'i ema Jesús, maparape ema Simón Pedro.

San Juan 11:16

Taka'e, ema Tomás ema naimijareru chame, maichapa ena machamuriana maimitureana ema Jesús: –Viyana víti apanaware te nakapakapuka ema, nakapaka'avirinewa víti apanawa.

San Juan 14:22

Ema Julasi (wa'isera émaina ema tijarareka'i ema Viakenu) mayaserekapa: –Tata, ¿vikarichuirayare pímerekawa eta viye'e, tási'a, ena apamuriana achaneana, waipa tíma'avianaima'i?

San Juan 21:2

Natiari'iware ena apinana naimijareru ema Simón Pedro emapa ema tomás ema naimijarecha chame, ema Natanael, ema tikawasaini'i te tikaijare Caná te Galilea, ena machichanaveana ema Zebedeo ema Santiago emapa Juan natiari'icha'aware ena apinana maimitureana ema Jesús.

Hechos 1:13

Te títekapanapa te awasare, tisiapanapa te peti, eta náitekapi'a'i. Tiápananapa te tékene'a piso. Natiari'i'i ema Pedro, ema Juan, ema Santiago, ema Andrés, ema Felipe, ema Tomás, ema Bartolomé, ema Mateo, ema apana Santiago, machicha ema Alfeo, ema Simón naichasare Celote, tási'a émapa ema Judas machicha ema Santiago.

Hechos 15:13

Te títapirikanapa eta nametarapiana'i, émapawapa ema Santiago téchejika. Maka'epa: –Nuparapenaveana, esamanucha'a:

Hechos 21:18

Te apanapa sache ema Pablo tiama'avipa, viúrujikawayare'i te mapena ema Santiago. Vichimapapa natiari'ipa namutu ena víyara'ana Tachutiri'ana.

1 Corintios 15:7

Te táekenewarepa, tímerekawawarepa maye'e ema Santiago, tási'a, tiápechawawarepa tímerekawa naye'e namutu ena apústuleana.

1 Corintios 9:5

tási'a éneichuware tituparaka'e'i ítati'iwareni te sutiari'ina'ini esu esena nuyenaina'ini, súkani nukutikene'i tisuapajira'i, tákuti'ini eta ítatirawaka'i ena esenana nayenana'i ena apamuriana apústuleana, émaipa ema Pedro, énapa ena maparapenaveana'i ema Viákenu.

Gálatas 1:19

Émapa ema Santiago, maparape ema Viákenu, ema níma'akene'iware, énasera ena apamuriana apústuleana, nájina níma'awaka'ini.

Gálatas 2:9

Ema Santiago, ema Pedro émapa ema Juan tímiyanawanayare tímiturekana'iware ena israelítana, tépurunuanaichuchapuka eta náimairanu'i, tayanapanesera wá'ipuka nujakapakare'i naye'e eta apústulenuira'i, nútisera nécha'i eta manerejisiranu'i ema Viya eta apústulenuirayare.

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.

San Judas 1:1

Nuti Judas mawanara ema Jesucristo, maparapenuware ema Santiago, néchejika'ewaka emutu eti maichu'akene'i maemunaruana ema Tata Viya, taicha tetavikawa'i eta majaneasira'e'i ema Jesucristo.