Marcos 2:5 - Táurinakene máechejiriruwa’i ema Viya tikaijare

⁵ Te máima'apa ema Jesús eta nakasiñawaira'i eta maye'e, máichapa ema makajumakene: –Tiuri, nuchicha. Eta pipekaturana'i nukaepa'ainavipa.

Ignaciano

⁵ Te máimahapa ema Jesús eta nacasi­ña­vairahi eta mayehe, máichapa ema macaju­maquene: —Tiuri, nuchicha. Eta pipeca­tu­ranahi nucaepa­hai­navipa —máichapa.

Marcos 2:5 ပူးပေါင်းရင်းမြစ်များ

San Mateo 9:2

Títekapanawarepa ena apamuriana, námapa'i te áchuji ema achane muraka'a. Te máima'apa ema Jesús eta nakasiñawaira'i me Viya, máechejikapa ema makajumakene: –Pétumechawa, nuchicha, eta pipekaturana'i nukaepa'ainavipa.

San Mateo 9:22

Émasera ema Jesús masamaichucha eta suémamajiasira'i, makaikutiara'i eta makanararesira'i, tékerukawapa, máima'apa eta supisira'i esu esena, tási'a, máichapa: –Nuchicha pinarakapa puiti táichavene'i eta pikasiñawaira'i me Viya. Wa'i pikueñamawa, waipa tichawaima'i eta pijumaini'i.

San Mateo 9:5

Emétakanu, taja'apuka maejerarepana eta nukayemaina: ‘Nukaepa'apa eta pipekaturana’, naka'epuka: ‘Péchepuka, tási'a pipaikapa’

Marcos 2:6

Enananajiwaka'i ena escriwánuana, ena natiari'ikeneana'i ánaki ena téjakana'i, naimijacha'i:

Marcos 5:34

Máichapa ema Jesús: –Nuchicha pinarakapa puiti táichavene'i eta pikasiñawaira'i me Viya. Wa'i pikueñamawa, waipa tichawaima'i eta pijumaini'i.

San Lucas 5:20

Taka'e, te máima'apa ema Jesús eta nakasiñawaira'i eta maye'e, máichapa ema makajumakene: –Tiuri, nuchicha. Eta pipekaturana'i, nukaepa'ainavipa.

San Lucas 8:48

Máichapa ema Jesús: –Nuchicha pinarakapa puiti táichavene'i eta pikasiñawaira'i me Viya. Wa'i pikueñamawa, waipa tichawaima'i eta pijumaini'i.

San Juan 2:25

Taicha ema, tétavikawa'i eta máitupaijiasirawa'i, máimatira'i tamutu eta napanereruana ena achaneana te ama'e eta nasamureana.

San Juan 5:14

Té'esera te táekenepa, ema Jesús makapaikapa ema achane te templo, máichapa: –Píma'a, waipa pikuapechawa pikukapekatura, machu tachawauchavi eta pijuma, máchuware pávetiji.

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Hechos 14:9

maka'eipa tikasamara'i'i ema eta mametarairu'i ema Pablo, taka'e, ema Pablo máesenikapa, máimatiakapa eta makasiñawaira'i ema masari maye'e ema Viya makanarasirayare'i.

Hechos 5:31

Tási'a puiti, ema Viya máunaka'i te anuke'e anuma, makaejaka'i te mawaure taye'e eta trono, máijarakaipa eta matupara'ayare'i Akenukayare'i Tikatiura'iyarewa, taicha mawara'a'i ema Viya vimutuyare viti israelítana véñeuchawaya maye'e, apaesa ema tijapanu'aviyarewa taicha tamutu eta vipekaturana.

1 Corintios 11:30

Étara tícha'e'i eta juka táitusiawa esimutupa eti ekajumana'i, tájinapa tatumewaina'ini eta iáke'eana. Ena apamuriana tépenanapaipa táicha.

2 Corintios 2:10

Nuti apanaware nujapanu'iware ema maka achane te máijare ema Cristo. Táurikapa ejapanukaka, ekutiranuyare eta nujapanuira'e'i.

Efesios 2:8

Taicha eta viúchukuirayare eta viápechirawaya vítareka, étavene'i eta majapanuira'avi'i ema Viya. Vijakapakareipa eta maye'e, táichavene'i eta vikasiñaira'i ema Jesús. Wa'i étaparakaina takuchuku'a'avi'ini eta víchakeneana'i, ema'i ema Viya tijarakasicha'avi'i eta viuchukuira.

Colosenses 3:13

Te tatiari'inapuka eta náejekapirawaina ena echamuriana eta eye'e, wa'i ekukaticha, ekamicha. Ejapanuyare, ekutiyare ema Cristo eta majapanuira'e'i eti.

Santiago 5:15

Tási'a te eyujaraka, yátupina ekasiñawayare me Viya, ema makajumakene tinarakainapa, jé'esare, ema Viákenu makaechepukainapa. Etaipa te tikapekatura'ipuka makaepa'ayare.