Marcos 2:2 - Táurinakene máechejiriruwa’i ema Viya tikaijare

² Tiyututukawanapa te peti mávi'a'i ema, tájinapa távirawaina'ini te tapaja. Ema Jesús máimitukawakaipa eta nakaiju'eraya me Viya.

Ignaciano

² Tiyutu­tu­ca­vanapa eta te peti mávihahi éma. Tájinapa távira­vai­nahini eta te tapaja­chacaya. Ema Jesús máimitu­ca­vacaipa eta nacaiju­heraya me Viya.

Marcos 2:2 ပူးပေါင်းရင်းမြစ်များ

San Mateo 5:2

tási'a ema tepanawapa timitureka, máichawakapa:

Marcos 1:14

Taka'e, ema Jesús, eta masamairisirapa eta makaerataira'i ema Juan, tiyanapa tichawa te máwasa Nazaret te Galilea. Tepanawapa tikametarairu eta Arairu maechejiriruwa ema Viya.

Marcos 1:33

Namutu ena achaneana tikawasana'i taye'e eta awasare tiúrujikawanapa te tapaja eta peti te mapena ema Simón.

Marcos 1:37

tási'a te náichimawapa, náichapa: –Namutupa titanukaviana'i.

Marcos 1:45

Taka'e tiyanapa ema achane, timétajirikapaipa'i namutu ena achaneana eta máichawakenewa'i. Eta taka'e'i, ema Jesús waipa máimerekawa'ini te awasareana, manasipa te tachachaku, énasera ena achaneana tiyananaichucha napaucha'i.

Marcos 2:1

Taka'e, te apanawarepa sache, tichawapa ema Jesús eta te Cafarnaúm. Eta nasamairikapa eta matiari'irapa ema, títekapanapaipa ena achaneana, kamurikeneana.

Marcos 2:13

Te apanapa sache, tiyanawarepa ema Jesús te tachausi eta Kákiure te Galilea. Naurujiakapa ena maverakeneana achaneana, tási'a ema maimitumuri'apa.

Marcos 6:34

Te tiúkupaikapa ema Jesús te pakure, máima'apa ena kamurikeneana achaneana, majapanuwakaine'i eta máimairawaka'i ena, taicha nakuti'i eta uvesana nájina tijaneakaina, taka'e, tepanawa eta máimitusirawaka'i.

San Lucas 12:1

Taka'e, te jena sácheana'i, títekaparakanapaichucha ena kamurikeneana achaneana. Tiyututukawanapa, tupiajirikakanapa. Ema Jesús natiwapa maechejika ena maimitureana maichawaka: “Échapawa taye'e eta lewadura eta tasisijisira'i eta masa. Takuti'ichu eta tapareasira'i eta apimirairana'i ena fariséuana.

San Lucas 5:17

Etana sache ema Jesús tímitureka'i te taju'e eta peti, kamuriana ena achaneana. Natiari'i'iware ena fariséuana tépiyakawana religiósoana, énapa ena escriwánuana, tímatiana eta naye'erepiana ena israelítana. Ena, tiási'ana'i te Jerusalén, ena apamuriana tiási'ana'iware te awasarechichana taye'e eta Galilea, étapa te Judea. Ema Viya máimikataka'i ema Jesús eta makanarasirawakayarepa'i ena nakajumakeneana.

San Lucas 8:1

Te táekenepa eta juka, ema Jesús tiyanawarepa tipaika'i te awasareana tási'a te'epa awasarechichana, kametarairupaipa eta máechejiriruwa ema Viya akenuka te anuma. Náe'ikapa'i ena dósekeneana apútuleana,

San Lucas 8:11

“Étara eta juka takayemakene'i eta nímikutiarachakene'i: Ema tewakara'i takuti'i ema techeisi'a'i eta echéjirirukawa maye'e ema Viya,

Hechos 11:19

Te nakapakapa ema Esteban, tépanawanapa napanajika'i ena apamuriana té'ikana'i ema Jesús, eta taka'e, tijunanapa, te Fenicia, ena apamuriana tiyananapa te Chipre, tási'a étapa te Antioquía. Ánaki, tikametarairuanapa naye'e ena juriyuana, énachuchasera, wa'i nametaka'ini ena apawasana.

Hechos 14:25

Tikametarairuanapa eta máechejiriruwa ema Viya naye'e ena achaneana tikawasana taye'e eta awasare Perge, te tamutupa eta nakametarairuira'i, tiyananawarepa nakaiju'epa eta Atalía;

Hechos 16:6

Tiuri, ema Machanewa ema Viya mametaka'i wa'i nakuyana eta te tinapaika'i eta awasareana te Asia. Tási'a, náetavikapa eta awasarechichana táunawana'i eta Frigia etapa eta Galacia,

Hechos 8:25

Te taekenepa, ema Pedro ema Juan nametaka tamutu eta naima'akeneana'i te nakachanecha'a'i ema Jesús, te tímiturekanapa eta máimiturapiana'i ema Viákenu, te tamutupa, tiyananapa tichawana'i te Jerusalén, tikametarairuanapaipa naye'e ena achaneana taye'e eta Samaria.

Romanos 10:8

¿Taja'asika eta juka takayemakeneana?: “Eta Takapika'ukene Ajureka tatiari'i'ite pichakaya, etaipa te pijaka etapa te pisamure” Etajuka Maechejiriruwa'i eta juka vikasiñawaira'i me Viya eta vikametarairuira'i.

2 Timoteo 4:2

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.