Marcos 2:1 - Táurinakene máechejiriruwa’i ema Viya tikaijare

¹ Taka'e, te apanawarepa sache, tichawapa ema Jesús eta te Cafarnaúm. Eta nasamairikapa eta matiari'irapa ema, títekapanapaipa ena achaneana, kamurikeneana.

Ignaciano

¹ Tacahe, te apana­varepa sache, tichavapa ema Jesús eta te Capernaum. Eta nasamai­ri­ri­sirahi eta matiari­hi­raripa éma, títeca­pa­napaipa ena achaneana, camuri­queneana.

Marcos 2:1 ပူးပေါင်းရင်းမြစ်များ

San Mateo 4:13

Wáipasera mánasi'ini te Nazaret, tiyanapa taye'e eta awasare Cafarnaúm, eta juka awasare te tachausi eta kákiure tinapaika tejena apake'e tikaijare Zabulón étapa Neftalí.

San Mateo 9:1

Taka'e, ema Jesús tichawapa tiáwaku'awarepa te pakure tianuekapa te apachara eta kákiure. Tichawapa te máwasa'i Cafarnaúm.

Marcos 1:45

Taka'e tiyanapa ema achane, timétajirikapaipa'i namutu ena achaneana eta máichawakenewa'i. Eta taka'e'i, ema Jesús waipa máimerekawa'ini te awasareana, manasipa te tachachaku, énasera ena achaneana tiyananaichucha napaucha'i.

Marcos 2:2

Tiyututukawanapa te peti mávi'a'i ema, tájinapa távirawaina'ini te tapaja. Ema Jesús máimitukawakaipa eta nakaiju'eraya me Viya.

Marcos 3:20

Taka'e, tichawapa ema Jesús te maitekapirare. Tiápechawanawarepa tiúrujikawana ena achaneana. Taka'e waipa náitujikawa'ini tinikana taicha tétavikawa'i eta nasimutuwa'i ena achaneana.

Marcos 7:17

Taka'e, te tiyanarakanapa ena achaneana, makarinepa ema Jesús énapa ena máimitureana, nayaserekapa eta maimiturapi'i.

Marcos 7:24

Tiyanapa ema Jesús te tinapaika te Tiro ánaki tisiapapa te peti, wá'isera máwara'a'ini náecha'ini ena achaneana eta matiari'ira'i, tási'asera náechaichucha.

Marcos 9:28

Taka'e ema Jesús tisiapa te peti, tási'a ena maimitureana nakamapurapa nayaserekapa: –¿Tája'apuka takayema'i viti wa'i wárata'a'ini vikuchuka'ini ema machanewa wínaraji?

San Lucas 4:23

Ema Jesús majikapawakapa: –Ewara'ainapapuka íchanuyare: ‘Te yátupina píturuekene'a, pípuchawaka ena tikajumana'i te juka.’ Taka'e naichainapa: ‘Víma'aseji piápechawaware pikuchuka te juka piáwasaichu, takuti eta pímereru'i te awasare Cafarnaúm.’

San Lucas 5:18

Taka'e títekapanawarepa ena apamuriana, námapa'i te áchuji ema achane muraka'a. Nawara'ainipa nakasiapa te taju'e te mávi'a'i ema Jesús,

San Juan 4:47

Te masamairikapa ema nakapitara ena suntaruana eta máitekapira'i ema Jesús, másinepa'i te Judea, titekapapa te Galilea, tiyanapa maima'apana'i, tási'a makamesapa eta mayana'ini te mapena, makanaraka'ini ema machicha, taicha ema tiáne'ipa tépenayare'i.

Hechos 2:6

Te nasamapa eta takaemaira'i te anuke'e, tikurujikakanapa ena achaneana, náramine'i ichape, táichavene'i eta nasamira'i ena te naechejiriruwa, ena apánapanenejiana achaneana, apaechejiriruwana.