Marcos 16:9 - Táurinakene máechejiriruwa’i ema Viya tikaijare

⁹ Eta máechepusira'i ema Jesús te máekari te jena lumínkukene'i, te yátikara'i sutiwapa máimeresiawa'i suye'e esu María Magdalena. (Esu suka María esu máepachiaru'i ena siétekeneana éreanana te suáke'e.)

Ignaciano

⁹ Tiuri, eta máechepu­sirahi ema Jesús te máecari te jena lumíncu­quenehi te yática­ra­hichicha, sutivapa máimere­siavahi suyehe esu María Magdalena. (Esu suca María, esu máepachiaruhi ena siétequeneana éreanana te suáquehe.)

Marcos 16:9 ပူးပေါင်းရင်းမြစ်များ

San Mateo 27:56

Sutiari'i esu María Magdalena, esu apana María maena ema Santiago émapa José, sutiari'iware esu mayena ema Zebedeo.

Marcos 15:40

Natiari'iware ena esenana, nayerere'i'i eta naimararasira'i, Sutiari'i esu María Magdalena, esu apana María maena ema Santiago émapa José, tási'a ésupa esu Salomé.

Marcos 15:47

Esu María Magdalena, ésupa esu María maena ema José, téjakana'i ena, náimararaka'i eta ekari.

Marcos 16:8

Taka'e ena esenana, tiúchukanapa te máekari, tiyananapa. Eta nayanira'i, nájinasera nametaruina'ini, taicha eta napisira'i.

San Lucas 24:10

Ena tiamana'i eta techakareana, naye'e ena apústuleana éna'i, esu María Magdalena, esu Juana, ésupa esu apanaware María, máena'i ema Santiago, tási'a énapa ena apamuriana esenana.

San Lucas 8:2

énerichuware náe'ikapa'i ena esenana máepachiaruana'i naye'e ena éreanana tiáwa'akanaini'i. Sutiari'ipa'i esu María Magdalena, máepachiaru'i naye'e ena siétekeneana éreanana tiáwa'akanaini'i esu. Natiari'i'iware ena apamuriana esenana makanararuana'i taye'e eta apánapanenejikeneana'i najumanaini'i;

San Juan 20:12

tási'a suíma'apa ena apinana ángeleana, tijapumuiri'awaka'i. Téjakana'i ena te taju'e eta máekarini. Ema émana te tanapaini'i eta machuti, ema apana te máiwape.

Hechos 20:7

Te jena tínapuka sache taye'e eta semana, tiúrujikawanapa ena vichamuriana. Viyuvetukayare, vinikayare eta pan táikutiara'i eta máepenira'i ema Viákenu Jesucristo. Taka'e, ema Pablo maechejirikawakapa jena yati, taicha tiúchukayare'i te jena yátikara'i. Tiúna'i eta máechejisiráwaka'i, te enumu'upa yati mapaenumawapa títapirika'i.

1 Corintios 16:2

Puiti, nuwara'a nutuparaka'eyare: Te luminkumu'uana, íputsisinawayarepa'i, émanapachu eta manakiruwanayare. Étisera échinawa'i áyana'ipuka jákani ewachasana'i. Iúnasinawapaipa, apaesa takuijapa étaparakaima'i te nítekapaucha'epa.

Apocalipsis 1:10

Te jena sachekene'i lumínkukene'i, ema Machanewa Viya tímechanu'i eta mawara'akeneana tímechanu ema Jesucristo, taka'e'i eta táepanirawa'i eta máimemechiranu'i, tatiwapa nusama'i eta ma'u ema émana te nukeku, muraka eta máechejisiranu'i, tirure'ucha eta nusamira'i takutia'u eta nachuja.