Marcos 11:32 - Táurinakene máechejiriruwa’i ema Viya tikaijare

³² Taicha, wa'i taurika'ini vémuna'akawa vícha émajiwaichucha eta máitesira'i...” Ena napika'i ena achaneana, taicha namutu'i nasuapa'i ema Juan eta émaira'i profeta.

Ignaciano

³² Váhivare táurica víchahini: “Émaji­vaichucha eta máitesirahi”. ¿Tájahapuca vicaye­mayare eta vijica­pi­rayare? —náechaji­ri­cacapa. Nacahehi éna, taicha napica­racahi eta jácani náichara­si­ra­hipuca ena apamuriana achaneana, taicha namutuhi náimijachahi ema Juan profeta­quenehi yátupiquene mavaneruhi ema Viya.

Marcos 11:32 ပူးပေါင်းရင်းမြစ်များ

San Mateo 11:9

Taka'e ¿Nája'asika ema íma'apanakene'i? ¿Íma'apana'i ema émana profeta? Ene taka'e'i, ema íma'apanakene'i ema'i profeta.

San Mateo 14:5

Taka'e ema Aluresi, mawara'a'i makapaka ema Juan, tipika'isera ema nasema'ini ena achaneana, taicha ema Juan, tétavikawa'i eta nasuapira'i, náimati'i ema eta émaira'i profeta.

San Mateo 21:46

Nawara'ainipa nakaratakayare'íni. Tási'a tipikakarakawana'isera, taicha ena achaneana nasuapa'i ema Jesús eta émaira'i profeta.

Marcos 11:31

Enajikakanapa tiákapaemajirikakanapa: “Te vémuna'akawa vicha mawaneru'i ema Viya, ema maka'énapapuka: ‘Tási'a ¿wá'iyapa esuapa'ini ema?’

Marcos 11:33

Tási'a, najikapapa ema Jesús: –Wa'i vecha. Taka'e, ema Jesús majikapawakapa: –Nuti apanaware wá'iware numetaka'ema'i nája'apuka ema tijarakanu'i eta juka nutupara'a'i.

Marcos 12:12

Nawara'ainipa nakaratakayare'íni ema Jesús, taicha tímatiakawanapa eta énaira'i tayunakawaka'i eta máimikutichirawaka'i. Énasera tipikakarakawana'isera naye'e ena achaneana, taka'e, najunijiakapa tási'a tiyananapa.

Marcos 6:20

taicha ema Aluresi tipika'i, taicha máecha'i eta masantuwa'i ema. Eta taka'e'i, makatiucha'i ema, apaesa takuija sukuícharaka esu. Ema Aluresi máurika'i masamararaka eta máimiturapiana.

San Lucas 20:19

Ena tachutiri'ana naye'e ena tiyujarakara'iana, tási'a énapa ena escriwánuana nawara'ainipa náija'uchayare'ini nakarataka ema Jesús, taicha tímatiakawanapa ena eta énaira'i tayunakawaka eta máimikutichirawaka'i. Énasera tipikakarakawana'isera naye'e ena achaneana.

San Lucas 22:2

Ena tachutiri'ana naye'eana ena tiyujarakara'iana, tási'a énapa ena escriwánuana, napika'isera ena achaneana, natanuka'i eta náimikapasirayare'i ema Jesús.

San Juan 10:41

Kamuriana ena achaneana tiyanarakana'i eta maye'e, tási'a, naka'epa ena: –Ema víyara'aini Juan, tayanapane'i tájina máimereka'ini eta tiáramikareana, yátupi'isera eta profetaira'i ema, taicha tamutupa eta mametarapiana maye'e ema maka Jesús, víma'aipa puiti eta yátupikeneana'i.

Hechos 5:26

Taka'e, ema nákenuru'a ena suntaruana, émajakaruwapa tiyana, mámamuri'apaipa'i ena suntaruana, náepanayare'i ena apústuleana, jé'esare, námamuri'apa, tájinasera náicharakapa'ini eta námirapa'i taicha napika'i ena apamuriana achaneana natupisikawaka'ini te márija'iana.