Marcos 10:23 - Táurinakene máechejiriruwa’i ema Viya tikaijare

²³ Ema Jesús máesenikapa ena tichayakana'i, tási'a máichawakapa ena máimitureana: –¡Máitujianaya eta nasiapiraina'ini ena ríkuana, eta te mawasa ema Viya akenuka te anuma!

Ignaciano

²³ Tacahe, máesenicapa ema Jesús ena máimitureana natiari­hi­que­neanahi te machacaya. Tacahe, máichavacapa: —Yátupi­quenehi máitujiana eta náijara­si­ra­vai­nahini eta náehisi­ra­nui­nahini ena rícoana eta nasiapi­rai­nahini te anuma —máichapa.

Marcos 10:23 ပူးပေါင်းရင်းမြစ်များ

San Mateo 18:3

tási'a máichapa: –Nutupiruwa numetaka'e, étisera te wa'ikenena ekuinajika eta tamáurikeneana wáipaine'i esiapaima'i te mawasa ema Viya akenuka te anuma, takamunu'i ákuti ena amuyana eta epanereru.

Marcos 10:15

Nutupiruwa numetaka'e, mákani wa'i makukuti ema amuya eta masuapajiraiwa, wa'i tisiapaima'i te mawasa ema Viya akenuka te anuma.

Marcos 10:22

Ema achane teñamawaine'i eta masamira'i eta juka, tiyanapa katisamurewaine'i, taicha ema mawayucha'i eta marrikuwa'i.

Marcos 3:5

Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane. –Pikánukecha eta piwa'u. Ema achane énewanepa makanukecha'i eta mawa'u, tási'a tinarakapa.

Marcos 5:32

Émasera ema Jesús máesenimuri'apa, matanukapa nája'apuka ena témamajiakana'i.

San Lucas 18:24

Eta máimaira'i ema Jesús máichawakapa: –¡Máitujianaya ena ríkuana eta nasiapiraina'ini te mawasa ema Viya akenuka te anuma!

San Juan 3:5

Majikapaware ema Jesús: –Puiti nutupiruwa numetakavi mákani achane wa'i tepanawa eta maitaresira, wa'iware tikaikachasi te une, maye'e emapa Machanewa Viya, wa'i títujikawama'i tisiapa te mawasa ema Viya akenuka te anuma.

1 Corintios 1:26

Ímatiwaichu'i, eti nuparapenaveana, te tíchu'a'epa ema Viya, wa'i ámutu'ini ímati'ini eta táichararakawa'i eta ítaresira'i te juka apake'e. Wá'iware ámutu'ini tuparairuka'ewakaina'ini, wá'iware ámutu'ini ekaima'akenewaka'ini.

Santiago 2:5

Némunarukeneana nuparapeneveana, esamanucha'a. Ena páureana'i te juka apake'e, majakapawaka'i ema Viya, táichavene'i eta nakasiñaira'i. Ena, tiápajupanawana'i eta náuriwaya taicha ena tikaikuchiana'i eta máwasa ema Viya, taicha machanerana'i. Nakachaneyare'i ena apamuriana témunakana'i ema;

Santiago 4:4

¡Tétavikawapa eta emaetupisirawa'i eti achaneana! ¿Wa'i echa eti, eta vikajiriarera eta tamauirikeneana te juka apake'e, timikutijiriwa'i vikatianaka'ini ema Viya? Namutu nákani naicha eta tamaurikeneana nakatianakayare ema Viya.

2 Pedro 1:11

Tási'a, tétavikawaya eta iúrikakarewaya eta machimapira'eya ema Viákenu Jesucristo te makuchuku'a'epa eta te juka apake'e, mámira'eya eta te máwakureya. Máitawakakaya eta makachanera'aviya vimutu.