San Lucas 9:39 - Táurinakene máechejiriruwa’i ema Viya tikaijare

³⁹ máwa'aru'i ema éreana. Makapiararereka'i, técharipaikawaware tikarisasajakaware. Ichapemuri eta makatajiwaira máicha. Wa'i máwara'a máinajiaka.

Ignaciano

³⁹ Mávaháruhi ema éreana. Macapia­ra­re­recahi téchari­pai­ca­vavare ticari­sa­sa­ja­cavare. Ichapemuri eta macata­jivaira máicha. Vahi mávaraha máinajiaca.

San Lucas 9:39 ပူးပေါင်းရင်းမြစ်များ

Marcos 9:18

Te mavi'a'ipuka, máija'uchayare'i mákipaika tikarisasajakapa, tivirajipa murakaki'aware maicha ema éreana. Námaipa'ineni naye'e ena pimitureana, énasera wa'i naituruka'ini nakuchuka'ini.

Marcos 9:20

Taka'e, námapa ema amaperu te mamira'u ema Jesús. Te máima'apa ema éreana ema Jesús, enurujipa makaeñamaka, taka'e tiákipaikawapa te apake'e, téchariripaikawapa tikarisasajakapa.

Marcos 9:26

Ema éreana tipiararekapa mawayuyujikapa, tiyayakarepa máicha ema amaperu. Tási'a majuni'akapa ema amaperu, taka'e ena achaneana naimijachapa tepenapa.

San Lucas 4:35

Ema Jesús makajachapa ema éreana, máichapa: –¡Pámatina pijunijiaka ema maka achane! Taka'e, tíja'uchawapa tiákipaikawa'i te apake'e ema achane. Tási'a majunijiakapa ema, tájinasera máichawa'ini ema achane.

San Lucas 8:29

Maka'epa eta juka taicha ema Jesús, mawanekaipa'i ema machanewana ema éreanana nauchuka te make'e ema achane. Ánakiapaipa eta nawa'asira'i ema, naitiaka'ineni te ichapepi cadena étapa te enure, emasera mavenarukaichucha, tási'a tijunaware te mawapa'i wama'i.

San Lucas 9:38

Matiari'i ema émana achane te natarakumuri ena kamurikeneana achaneana. Tipiaraikapa muraka máichapa: –Tata maestro, pikatajikanupaini pípuchinanuini ema maka nuchicha. Émanarakawa'i te numira'u;

San Lucas 9:40

Néchejiakawakaipa'ineni ena pimitureana, wá'isera naituruka'ini nakuchuka'ini ema éreana.

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

1 Pedro 5:8

Ekuneuchawa yátupina. Ejaneakawa'iware, taicha ema viánara'i Wínaraji, makuti eta táiñe'ikene sárare itiare tatanuka eta tanikayare'i. Ene maka'e'i ema, matanuka'i ena mákipairuanayare.

Apocalipsis 9:11

Marari'iware ema tákenu eta tsakarana, ema ángeleni taye'e'i eta taupenakene pusu, tikaijare abismo, ema maka ángeleni, eta máijare te náechejiriruwa ena griegoana Apolión te hebreo naimijarecha “Abadón.”