San Lucas 9:22 - Táurinakene máechejiriruwa’i ema Viya tikaijare

²² Taka'e, máichawarepa: –Ema machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Nakapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

Ignaciano

²² Tásiha, máichavarepa: —Tacamu­nuichaha eta ichape­mu­riyare eta nucata­ji­vairaya, nuti Manere­ji­ru­nuhi ema Viya. Tépuru­nua­nayare ena tuparai­ru­cana énapa ena aquenu­ca­ra­hana énapa ena escribá­noana. Éna, tímica­pa­ca­nua­na­yareva. Mapana­ya­rei­chu­hisera sache eta nucaheyare eta népeni­rayare. Tásiha, nuchava­yarehi néchepuca —máichavacapa.

San Lucas 9:22 ပူးပေါင်းရင်းမြစ်များ

San Mateo 17:12

Nútisera nutupiruwa numétaka'e, títekaipa'i ema Elías, ena achaneana wá'isera najachapa'ini. Enasera nakaticha'i naicha'i tamutu eta nawara'akene naicha maye'e ema. Ene maka'eyare ema Machicha ema achane, nakatianakayare, éneyareichuware nakapakayare.

San Mateo 17:22

Taka'e, eta napaisirapa'i te awasareana táunawa'i eta kakiure, ema Jesús maichawakapa ena te'ikanapa'i: –Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i,

San Mateo 27:63

Ánipa naka'e: –Tata, vechapa eta máechejiriruwa'i ema maena tepiya'ira'i Jesús, te achaneicha'a maka'e'i eta máechepusirayare'i te máekari te mapanakenénapa sache.

Marcos 8:31

Ema Jesús, tépanawapa máimitukawaka'i eta táichararakawayare eta máepenirayare. Ema Machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Mametakapa ena eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

Marcos 9:31

Eta máimitusirawaka'i, ena maimitureana. Ánipa maichawaka: –Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i, tási'a tikapakanuanayare. Té'esera te mapanakenénapa sache eta népeniraya, néchepukayaresera.

San Lucas 17:25

Tatiwayaresera katajiwanumayare. Naépuruyare ena achaneana natiari'ikeneana'i puiti.

San Lucas 24:26

Taka'eyare'i eta makatajiwairayare'i ema Cristo. ¿Wá'iwarepuka ákaikutiara'ini eta taka'eyare'i eta mápanirayare'i ema te máwasa anuma?

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

San Lucas 24:7

ema Machicha ema Ajaira naijararekayare'i, naye'e ena tisipekaturara'iana, naemetatarekayare te crusu. Tási'a te mapanakenénapa sache téchepukayare te maekari.

San Lucas 9:44

–Esama eta juka numetaru'eya, wa'i ekuemitisika: Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i.

1 Corintios 15:4

eta náimaira'i tépenapa ema, náekarapa, téchepuka'isera ema te mapanakenepa sache, taicha taka'e'i eta tametarapi'i eta Takapika'ukene Ajureka, timetaka'avi'i tamutu eta máichararakawayare'i ema;

1 Pedro 1:11

Eta Machanewa ema Viákenu Jesucristo, ema tinapuka'i mamimetaka'i ena Profetanaini eta matajiwaiyara'i ema Viakenu Jesucristo tási'a eta taitekapirayare'i eta makunachakarewayare'i te taekenepapa. Enasera tikaematanean'i eta nawaraira'i naimati eta sachewayare'i eta maitekapirayare'i, eta maimijarechakene'i ema machanewa ema tiáwa'aka'i ena.