San Lucas 9:20 - Táurinakene máechejiriruwa’i ema Viya tikaijare

²⁰ Tasi'a eti, ¿nája'a ímijachanu'i nuti? –Mayaserekawakapa. Tási'a ema Pedro majikapapa: –Pítira yátupikenevi'i Cristo.

Ignaciano

²⁰ Ema Jesús mápechavare mayase­re­cavaca éna: —Étiyapa, ¿nájaha ímija­chanuhi núti? Ema Pedro majicapapa: —Pítira yátupi­quenevi Cristo, piásiha­quenehi me Viya —macahepa.

San Lucas 9:20 ပူးပေါင်းရင်းမြစ်များ

San Mateo 22:42

Ema Jesús mayaserekawakapa: –¿Tajapuka takayema eta epanereruana eti maye'e ema Cristo? ¿Naja'apuka tíkachicha, távi'apuka másine? Ena najikapapa: –Mámariekene ema rey David.

San Mateo 26:63

Émasera ema Jesús timatinaichucha. Ema tachutiri'a ema tiyujarakara'i máichapa: –Pátupiruwa pimetaka'avi te yátupi'ipuka pítikene'i ema Cristo, Machichakenevi'i ema Viya.

San Mateo 5:47

Takutikene, te nakárichu échejika'i ena eparapeana, ¿tája'apuka nakunachakarewaya? Apanasika ena máimatira'ana ema Viya náicha'i eta juka.

Marcos 14:61

Émasera ema Jesús timatinaichucha, wa'i majikapa'ini. Ema tachutiri'a ema tiyujarakara'i mapechaware mayasereka'i: –¿Píti ema Cristo, ema Machicha ema Viya?

Marcos 8:29

–Tasi'a eti, ¿nája'a ímijachanu'i nuti? –Mayaserekawakapa. Ema Pedro majikapapa: –Pítira yátupikenevi'i Cristo.

San Lucas 22:67

Picha'avi, ¿Pítisareji ema Cristo? Ema májikapapa: –Te numetaka'e eta nútira'i, eti wa'i esuapanuima'i.

San Lucas 9:19

Ena najikapapa: –Ena apamuriana náimijachavi'i ema Juan Tíkachasirikara'i. Ena apamuriana tímijachaviana'i ema Elías. Ena apamuriana tímijachaviana'iware ema mákani antivuini profetaini, téchepuka'i.

San Juan 1:41

Te tichawapa matiwa'i matanuka'i ema maparape Simón, taka'e máichapa: –Víma'aipa'i ema Mesías (eta taechejiriruwa eta juka taka'e'i ema Cristo).

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 11:27

Esu sujikapapa: –Yatupi nusuapavi, Tata, pítira yátupikenevi'i Cristo, ñichichavi eñi Viya, pítiripa piti vikuchapakenévi'i píteruyare'i te juka apake'e.

San Juan 20:31

Nuwara'asera ákaikutiara eta nájureana'i apaesa esuapa'ini ema Jesús eta émairakene'i Cristo, Machichakene'i ema Viya. Taicha te esuapapuka ema, máitawakakayare eta ítaresirayare te maijare ema.

San Juan 4:29

–Yare, íma'aya eñi achane ñímati'i tamutu eta níchakeneana'i néjekapirawana'i. Tamutu'i ñikuchuchujisinánu'i. ¿Wa'ipuka éñina ñiwaneru'i eñi Viya, vikuchapakene'i tikaijare Cristo?

San Juan 4:42

Tási'a, náichawarepa esu esena: –Puiti émakenepa visama'i. Waipa tákarichu'ini visuapa'ini eta pimetarapi'i. Véchapa viti apanawa eta émakenera'i ema Cristo, ema vikuchapakene'i, ema tikuchuku'a'aviyare vimutu viti achaneana.

San Juan 7:41

Ena apamuriana, ániware naka'e: –Émaipa ema maka ema Cristo. Énasera ena apamuriana, ánipa naka'e: –Galileo ema maka Jesús. Wáipaine'isera étaina'i máuchusi'a ema Cristo taye'e eta awasare Galilea.

Hechos 17:3

Manetakawaka'i ema Cristo, eta maepenirayare'i, tási'a te taekenepa eta maepeniraya, techepukayarepa te maekari. Ánipa máichawaka'i: –Émaichu ema maka Jesús numetaru'e'i eti, émara ema Cristo.

Hechos 8:36

Te máechapa ema achane, mapanerekene'aine'i. Taka'e, te nakapayakapa eta únekure, maka'epa: –Júka'ri'i eta une. Nuwara'a píkachasikanu, eta puiti'ichu.

Hechos 9:22

Émasera ema Saulo tiápajukawapanapa eta máitusira tikametarairu, máimereka'i naye'e ena tikawasana'i taye'e eta awasare Damasco eta yátupikenera'i ema Jesús émaira'i ema Cristo, ema nakuchapakene'i.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.