San Lucas 9:11 - Táurinakene máechejiriruwa’i ema Viya tikaijare

¹¹ Énasera ena achaneana te náechapa eta makaiju'e'i, nakapayapanapa, tási'a ema Jesús majakapawakapa, máechejisi'apa eta mawasa ema Viya akenuka te anuma, tási'a makanarakapa ena nakajumakeneana'i.

Ignaciano

¹¹ Téhesera náechavarepa ena achaneana eta macaijuhehi ema Jesús, tiyana­na­varepa nacapa­yacahi. Émasera majaca­pa­va­caichucha, máimitu­mu­ri­ha­ri­pavare tayehe eta náitaresira ena machane­ranahi ema Viya. Macana­ra­cavare ena nacaju­ma­que­neanahi.

San Lucas 9:11 ပူးပေါင်းရင်းမြစ်များ

San Mateo 12:15

Ema Jesús te máechapa tiyanapa. Náe'ikapa ena ichapemurikeneana achaneana, ema Jesús makanarakapaipa ena nakajumakeneana,

San Mateo 14:14

Te tiúkupaikapa ema Jesús te pakure, máima'apa ena kamurikeneana achaneana; majapanuwakaine'i eta máimairawaka'i ena, makanarakawakapa ena nakajumakeneana'i námakeneanapa'i.

San Mateo 21:31

¿Nája'a ena apinakeneana, nasuapa'i ema naiya eta mawara'akene'i? –Ema mainapure –najikapapa ena. –Ema Jesús maichawakapa: –Nutupiruwa numetaka'e puiti. Nasapi'ayare tinapuikanaya tisiapana te mawasa ema Viya akenuka te anuma, ena tú'usiana énapa ena tive'ara'iana eta viyase'ana taye'e eta Roma.

San Mateo 21:43

Táichavene'i eta emasuapajiraiwa'i, eta mawanairipi ema Viya, ena tisuapajira'iana'i, ena tikawakureanayare te jena sácheyare. Énainapa téchanayare eta wanairipiana.

San Lucas 1:53

Ñíjarakawakapa ena teku'anapa'i tási'a ena rikuana ñikaerajikawakapa mawawa'uanapaipa.

San Lucas 5:31

Ema Jesús, te masamairikapa eta náechejiriruwana'i, máichawakapa: –Ena tikajumana'i nakámunu'i ema mériku, énasera ena majumara'ana wa'i nákamunuima'i ema mériku.

San Lucas 8:1

Te táekenepa eta juka, ema Jesús tiyanawarepa tipaika'i te awasareana tási'a te'epa awasarechichana, kametarairupaipa eta máechejiriruwa ema Viya akenuka te anuma. Náe'ikapa'i ena dósekeneana apútuleana,

San Lucas 8:10

Taka'e máichawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana apana eta nimitusira nimikutichinayare'i, tayanapane naimararaka wa'i nakukaikutiara tási'a tayanapane nasamararaka wá'isera nakukaikutiara.

San Lucas 9:10

Te tichawanapa ena apústuleana, nametakapa ema Jesús eta náichakeneana'i. Taka'e ema mámamuri'apa te awasare tikaijare Betsaida.

San Lucas 9:12

Te kapere'iyarepa, nakachakayapa ema Jesús ena dósekeneana máimitureana, tási'a náichapa: –Piwanekawaka ena achaneana nayanapa natanuka eta nanika te awasarechichana vichakayara'ana, taicha ani tajina viviya'ini.

San Lucas 9:2

Tási'a, mawanekawakapa tikametarairuanayare eta mawasa ema Viya akenuka te anuma. Tikanararekanayarepa'iware nákani nakajumakeneana'i.

San Juan 4:34

Ema Jesús máichawakapa: –Eta tikaitarekanu'i nuti, eta nítauchira'i eta mawanairipiana ema Nukaiyakene, taicha nuwara'a nítauchaya tamutu eta nuwana'i'i maye'e.

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

Hechos 28:31

Máechejisi'a'i eta mawasa ema Viya akenuka te anuma, máimituka'iware eta náe'isiraina ema Viákenu Jesucristo, émaira'i yátupikene'i, nájina nakamatinaka'ini, náisapa'i tikametarairu.

Romanos 10:14

Tási'a, ¿Waipaine'i napiarakaima'i taicha ena wa'i nasuapa'ini ema Viya? ¿Waipane'iware nasuapaima'i ema, taicha wa'i nasama'ini eta maechejiriruwa ema, tási'a waipaine'i nasamaima'i taicha najina nakametarairu'ini eta maechejiriruwa ema Viya?

Romanos 10:17

Té'esera te táuri'ini nasama ena achaneana eta vímiturapiana maye'e ema Cristo, titupiruwanayare'i tikasiñawana maye'e.

Romanos 15:3

Taicha ema Cristo, wa'i mákarichu'ini makurisamurechawa'ini. Ema, tikurisamurecha'i ema Maiya te tamutu. Eta taka'e, nakatianaka'i ena achaneana wínarajikeneana. Tási'a, títauchawa'i eta tametarapi eta Takapika'ukene Ajureka, ani taka'e'i: “Nuti nímiyanawa'i eta nítauchira'i eta piwanairipiana eta nuye'e, tayanapane eta náume'airanuana'i ena piánarana'i” taka'epa eta Takapika'ukene Ajureka.

2 Timoteo 4:2

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.

Hebreo 4:16

Eta taka'e, yatupina vemeña'awa eta vikasiñairaina te mawasa ema Viya témunara'ikene, apaesa ema majapanu'avi viti, taicha ema tétavikawa'i eta majapanuraiwa táichavene'i eta máemunasira'avi'i, ema, yátupi'i eta máimikatasira'avi taye'e tamutu eta vikamunuirawana.