San Lucas 8:54 - Táurinakene máechejiriruwa’i ema Viya tikaijare

⁵⁴ Taka'e ema Jesús makaratawauchapa esu, tási'a máichapa: –¡Amuya, péchepuka!

Ignaciano

⁵⁴ Tacahe, ema Jesús macara­tacapa eta suvahuana. Tásiha, máichapa: —Nuchicha, nuvanecavi: Péjamica, péchepuca —máichapa.

San Lucas 8:54 ပူးပေါင်းရင်းမြစ်များ

San Mateo 9:25

émasera makuchukawakapa tisiapapa tási'a makaratawauchapa esu amaperu, tási'a esu téchepukapa.

Marcos 1:31

tási'a ema mapauchapa, makaratawauchapa eta suwa'u, esu techepukapa, enewanepa táetaviaka'i eta fiebre, tási'a tepanawapa suéchapajirikawakapa.

Marcos 8:23

Taka'e, ema Jesús makaratawauchapa ema púchuki, mámapa te tachachaku eta awasare. Taka'e, mayaji'aukichapa eta mátuture eta te máuki'ana, manakapa eta mawa'uana eta te machuti, mayaserekapa te timairikapapuka apaesachicha.

Marcos 9:27

Émasera ema Jesús makaratawauchapa, makaechepukapa. Taka'e, titupi'apa ema amaperu.

San Lucas 8:51

Te títekapanapa te peti, waipa máisapa'ini nasiapa'ini. Nakarichu'i tisiapana ema Pedro, ema Santiago, ema Juan, ema suiya, ésupa esu suena esu amaperu.

San Lucas 8:53

Namutupa tékawana'i, nakaeka'ipa ema, taicha náima'a'i eta suépenira'i.

San Lucas 8:55

Tási'a esu tichawapa títareka, énewanepa téchepukapa, tási'a ema Jesús mawanekawakapa náijaraka eta sunika.

San Juan 11:43

Te títapirikapa eta mayujarasira'i, tipiaraikapa muraka: –Lázaro, péchepuka eta te jara piávi'a'i. Yare, piúchuka.

San Juan 5:21

Ema Tata marata'a makaechepuka ena náepenakeneana, máimichawayare'i makaitarekawakaya. Éneichuwa nuti Machicha, nurata'aware nukaitareka nákani nuwara'akeneanaya, níjaraka eta náitaresiraya.

Hechos 9:40

Ema Pedro makawanairipipa náuchuka namutu. Taka'e, tépuyukapa ema, tiyujarakapa. Tasi'a, máimarakaipa esu esena suépenakene, máichapa: –¡Tabitá, péchepuka! Esu téjami'aukichapa. Suíma'apa ema Pedro. Téja'apaikapa.

Romanos 4:17

Taicha ema Viya, ánipa maicha ema Abraham: “Puiti nunakaviyare píti nakaiyakeneyare ena achaneana te kamurikene awasareana.” Tási'a, ema Abraham, masuapapa muraka ema Viya, émaichu'i ema Viya tijarakawaka'i eta nachaviraya titarekana ena naepenekeneana, etapa eta makuchusirayare eta arairuana vimaima'akeneana.