San Lucas 8:31 - Táurinakene máechejiriruwa’i ema Viya tikaijare

³¹ Énasera yaseuchawanapa maye'e ema Jesús, wa'i makuakijika te taupenakene pusu.

Ignaciano

³¹ Tacahe, ena éreanana nayaseacapa ema Jesús vahi macuaqui­ji­cavaca te táupenaquene pusu náicuchihi návihayare éna.

San Lucas 8:31 ပူးပေါင်းရင်းမြစ်များ

San Mateo 25:41

Tási'a ema Rey máichainapa ena tiávi'ana'i te sapane: ‘Évuisi'a te numira'u eti masuapajiraira'ana ekaviurewana'i. Eyana taye'e te yuku, akanewaka'éna eta emuruiraya, máikuchi'i ema wínaraji, tási'a énapa ena majupa'ana maye'eana ángeleana.

San Lucas 8:28

Te máima'apa ema Jesús, máepuyumirauchapa te mamira'u ema tipiararekapa: –¡Wa'i pikuimisiapawa nuye'e, Jesús, Machichavi'i ema Viya! ¡Pájapanunu wícha'a pikuwanekanu ánaki te nukaikuñaiyayare!

San Lucas 8:32

Te tamiraike'e eta mari tatiari'iwaka'i, eta kamurikeneana kúchiana tini'ikana'i. Ena éreanana nayaseakapa ema Jesús máisapa'ini nasiapa'akawaka eta kúchiana.

Romanos 10:7

‘Wá'iware tákamesa'ini vitanupana'ini te máekari’ ” –taicha téchepukaipa'i ema, takamunu'isera eta vikasiñawairaina maye'e ema Cristo te visamureana.

Apocalipsis 11:7

Té'esera te táitauchawapa eta nakametarairuirayare, makanarawakainapa ema tíñe'i achane wínarajikene tikaijare Útsutsure, tási'a masapi'ainapa tikaparekayare makapakawakainapa ena apinana mawanarana ema Viya.

Apocalipsis 17:8

Eta juka sárare píma'akene'i, tanasikeneipa'ineni akane, tájinaipa'isera puiti, tiúchujikayarewaresera tási'aya taye'e eta táupenakene pusu, te tane'ipa eta takaikuñairayare pajarainapa. Ena achaneana tikawasana'i te juka apake'e, namutu ena tájina'i eta nakaju'ini taye'e eta Ajureka te tepanawainapa eta apake'e, ichape eta náramesirayare, te naima'apa eta Útsutsure, tanasikeneni'i akane, puitisera tajinaipa'i, tichawayaresera titareka.

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 9:11

Marari'iware ema tákenu eta tsakarana, ema ángeleni taye'e'i eta taupenakene pusu, tikaijare abismo, ema maka ángeleni, eta máijare te náechejiriruwa ena griegoana Apolión te hebreo naimijarecha “Abadón.”