San Lucas 8:15 - Táurinakene máechejiriruwa’i ema Viya tikaijare

¹⁵ Natiari'isera ena apamuriana achaneana nakuti'i eta tiúrina máteji. Ena, nasamararaka'i eta nímiturapiana, náunaka'i yátupi te nasamureana. Tájinaware náichirawaina'ini eta náe'isiranu'i. Wa'i nayakujima'i.

Ignaciano

¹⁵ Natiari­hisera ena apamuriana achaneana nacutihi eta tiúrina máteji. Éna, nasama­ra­racahi eta nímitu­rapiana, náunacahi yátupi te nasamureana. Tájinavare náichira­vai­nahíni eta náehisi­ranuhi. Ichape eta nacaema­ta­nea­sirahi ema Viya. Vahi nayacu­jimahi.

San Lucas 8:15 ပူးပေါင်းရင်းမြစ်များ

San Mateo 24:13

Énasera mákani tikamichaya te táitawapa tamutu, tiuchuku'ayare.

San Lucas 11:28

Ema Jesús majikapapa: –¡Tiápajukawayaresera eta nakunachakarewayare'i namutu ena tisamanayare eta máechejiriruwana'i ema Viya, yátupiyare'i eta nasuapirayarewa!

San Lucas 6:45

Ema achane tiuri, tatupiruwa'i eta máechejisira, taicha tiúri'i eta masamure, tási'a mákanisera achane wínaraji, wa'i tiúrima'i eta máechejisira. Tíñema'ipiwaka'i eta máechejisira, taicha eta tawayucha'i eta tawínarajiwa eta masamure.

San Lucas 8:14

Eta ewaraki takaewakene'i te tatarakukuji eta itapekiji, nakuti ena tisamararakana'i eta echéjirirukawa. Ta'apapirikawaka'i eta nawaraira'i tirrikuchawana. Wá'iware náinajika'ini eta náichira'i eta tamaurikeneana.

San Lucas 8:16

“Najinaware tiyustakaina eta namika'u, tási'asera, naji'apaikapapukaini, nanakawarepukaini te tápeku eta náetsatsame náimasirare, takamunu'i nanakayare'i te anuke'e, jé'esare tikaecherayarepa tamutu apaesa nákani tisiapanapa'i, tímairikanainapa.

San Juan 14:15

“Eta esuapiranu'i tímereucha'eya eta yátupira'i eta émunasiranu'i.

San Juan 15:10

Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

Romanos 6:22

Puíti iuchurepa taye'e eta tapamisira'e'i eta pekatu, iáwaku'aipa eta ekaemataneasiraya ema Viya. Jé'eware eta iúritaresirayare me Viya, máichekuarakirenapa eta ítaresiraya.

Romanos 7:18

Necha'iware nuti eta tamauriwa'i eta taitaresira'i eta nake'e, tétavikawa'i eta tamasuapajiraiwaini'i, taicha wa'i nimiuchurena'ini eta tauriwaina'ini eta nitaresira; tayanapane nuwara'a nicha eta taurikeneana, wa'i sera narata'a nicha.

Romanos 7:4

Ene eka'e'i eti nuparapenaveana. Ema Cristo, máepenina'e'i te crusu, makaepa'aipa eta tapamisira'éni'i eta wanairipiana, puiti émapa técha'e'i ema Cristo. Puiti mawanara'eipa ema Cristo, ema máechepurekene'i te máekari. Mawara'a'i ichapeyare'i eta ekaemataneasiraina eta maye'e ema Viya.

Romanos 8:25

Wákamicha tamutu, vímiyanawa eta vikasiñawaira'i eta maye'e támutu sácheana. Tapaenumawainapa víma'ainapa, tájinapa vikuchapaima'i.

1 Corintios 7:19

Tájina wa'i étaparakaina eta vimikutiarachawa, te wa'ipuka vimikutiarachawa étasera tiwara'akare'i vikaemataneakayare eta mawara'akeneana'i ema Viya.

Efesios 2:8

Taicha eta viúchukuirayare eta viápechirawaya vítareka, étavene'i eta majapanuira'avi'i ema Viya. Vijakapakareipa eta maye'e, táichavene'i eta vikasiñaira'i ema Jesús. Wa'i étaparakaina takuchuku'a'avi'ini eta víchakeneana'i, ema'i ema Viya tijarakasicha'avi'i eta viuchukuira.

Filipenses 1:11

nuwara'aware iápajusirawaina'ini eta íchakeneana táurikeneana eta ekaemataneasira'i ema Viákenu Jesucristo. Tási'a, tétavikawayare'i eta nakunachirayare'i ema Viya ena achaneana eta náimaira'e'i eti.

Colosenses 1:10

Víti viyaseaka'i ema Viya takuija'ini etapirawaina te mamira'u taicha eti machanera'e'i ema, ítaucha'ini tamutu eta ekaurisamurechirayare ema, táuri'ini eta ekaemataneasira'i, támutu'ini ítapara'a eta táurikeneana, iápajukawapáipa'iwaréni eta ímatirayare ema.

Colosenses 1:6

etupiruwa'i esuapa eta ímitukasiwa'i, te esamainapa eta máemunasira'e'i eti apanawa ema Viya. Étaichu'i eta juka naímiturapi'i naye'e ena apamuriana achaneana tikawasana'i te apanana awasareana.

Hebreo 10:36

Akamichawa'isera eti. Ímiyanawa ítaucha eta mawara'akene'i ema Viya, tási'a yátupinapa ejákapainapa eta íkuchi eta maye'e.

Hebreo 2:1

Eta taka'e, tituparaka'e yátupina eta ekarawa'uiraya eta ímitukasikeneana'i, machu émitisika, machu étaina taviucha'e eta iuchukuiraina.

Santiago 1:4

Taka'e ekamesawayare étumechawachucha apaesa tatupiru eta itaresira, etainapa timikataka'eyare, apaesa wa'i ekuechuriaka eta esuapajiraiwaina.

1 Juan 2:3

Tiúri puiti, vikasiñawa'i eta vímatira'i ema Viya, taicha visuapa'i eta mawanairipiana.