San Lucas 6:47 - Táurinakene máechejiriruwa’i ema Viya tikaijare

⁴⁷ Numetaka'eyare, naja'apuka mákani makutiyare ema titekayare nuye'e tísamanuyare, tási'a maichayare eta nuwaneruyare eta nuwanairipiana'i:

Ignaciano

⁴⁷ Nácani tisuapa­nuanahi náitaucha­hivare eta nuvanai­ri­pianahi, téchema­ra­hianahi táicha. Nuvaraha nímicu­ti­chinahe éna.

San Lucas 6:47 ပူးပေါင်းရင်းမြစ်များ

San Mateo 12:50

Taicha namutu nákani tikaemataneakana'i ema Tata tiávi'a'i te anuma, éna'i ena nuparapenaveana, esupa esu meme némunaruana'i.

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Lucas 11:28

Ema Jesús majikapapa: –¡Tiápajukawayaresera eta nakunachakarewayare'i namutu ena tisamanayare eta máechejiriruwana'i ema Viya, yátupiyare'i eta nasuapirayarewa!

San Lucas 14:26

-Te etiari'ipuka eti ewara'anayare é'ikanu, takamunu epamikawaya yátupina eta é'isiranuya. Nútinapa émunakapanayare, németavikainapa eta émunasirawakaini ena tikachicha'eana, énapa ena eyenana, ena echichanaveanapuka, eparapenaveanapuka. Wáipaware éñamaima'i eta ítaresira.

San Lucas 6:48

nakutiyare'i mákani achane maítuka tikatupiareka eta peti, manakayare'i eta túmeana yukuki emurukiana. Tiúpenawaka'i máicha eta masukukeruana. Jé'esare te járajapapa eta muraka tékatikawa, tiámaki'a eta tikiwa, tisiamapa eta une, wáipasera takaeyayaka'ini eta peti, taicha tiuri'i eta máepiyasira'i.

San Lucas 8:13

Natiari'iware ena apamuriana achaneana, nakuti'i eta máteji máripa'i, te nasamararaka eta echéjirirukawa, natupiruwane'i nasuapa, wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, tínajikawanawane taicha eta natajiwaira'i.

San Lucas 8:8

Étasera eta apamuri témirikapa te tiúrina máteji, tási'a tiúrinapana'i eta tajurusira'i. Eta étajawa takaye'e'i cienki eta táki.” Eta juka máechejiriruwa'i, ema Jesús, tási'a maka'epa: –“¡Nákani tikakiñana'i nasamararaka!”

San Juan 10:27

Eta nuye'eana uvesa tímatia'uchanuana'i eta. Nuti apanaware nímatiwaka'iware. Eta taka'e, té'ikanuana'i.

San Juan 13:17

Te yátupina ekarawa'uinapa eta juka nímiturapiana, tájina íchirawaima'i. Ekunachakareyarewa me Viya eta ítauchiraya.

San Juan 14:15

“Eta esuapiranu'i tímereucha'eya eta yátupira'i eta émunasiranu'i.

San Juan 5:40

Eti wa'i áwara'a'ini epauchanu'ini, níjaraka'e'ini eta ítaresiraya máitawakakaina'ini.

San Juan 6:35

Ema Jesús máichawarepa: –Nútira eta pan nukaitareka'eyare'i. Eta taka'e, nákani tisuapanuanayare, waipa tiápechawanaima'i téku'ana, wáipaware timauneanaima'i.

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

San Juan 8:52

Najikapawarepa ena tikatianakana'i: –Jé'eware puiti, vímatiakavipa eta pimáurishiwa'i. Apanasikáji ena profetana tépenana'i, émapa ema Abraham, puiti pika'echejiriruwaware: ‘Eta nákani tisuapanayare eta pimetarapiana máepenakakanayare'i.’

Hebreo 5:9

Eta tamutuirapa eta máepenira'i, téchepukawarepa, tási'a marata'apa eta makuchuku'aira'aviyare vimuti viti visuapana'i ema. Máitawakakayare'i eta vítaresiraya máicha,

Santiago 4:17

Némecha'e eta juka yátupikene'i, mákani máimati'i eta makatupara'aira'i máichaya eta táurikeneana, tási'a te wa'i máitaucha'ini máicha'ini, tikapekaturaipa'i te mamira'u ema Viya.

1 Pedro 2:4

Yátupina eta ekasiñawaira me Viákenu, taicha tétavikawa'i eta makasiñakarewa'i, makuti eta mari máepenakaka'i ema, náepurukene'i ena achaneana, manerejiru'isera ema Viya taicha tétavikawa'i eta makunachakarewa'i maye'e.

2 Pedro 1:10

Étisera, eti nuparapenaveana, nuwara'a échawa'ini eta máichuira'e'i ema Viya, manerejisira'e'i, epamikawa'ini eta ímeresira'i yátupi eta machicha'era'i, eta ímiyanirawa'i eta ekarawa'uira eta juka néchejisi'akeneana'i, jé'esare, tájinapa tímiakipaika'ema'i.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 3:7

Nuchichanaveana, wa'i ekuisapawa nawayuaka'e: Víti, te vímisiapawa'i eta te táurikeneana, vímerekaya eta viúriwa. Vikutinapa ema Jesucristo eta máetaviuchira'i eta máuriwa;

Apocalipsis 22:14

Tétavikawa eta náurikakarewayare nákani tépachinachana eta náchanewana, takuti te tikasipaji'ana eta namuiri'ana, ena tatuparaka'i nanikayare'i eta ta'i eta yukuki tikaitarekara'i, tatuparaka'iware nasiapayare eta Arairu Jerusalén.