San Lucas 6:42 - Táurinakene máechejiriruwa’i ema Viya tikaijare

⁴² Tasi'a piti wa'i pipanerecha eta táichapewa eta péjekapirawana, waipaine'i taurikaima'i paka'e nuvinavi eta pisureru te piuki'a, ¿taja'a takayema pipatsikawa'i picha ema pipareipiya? ¡Apimira!, tatiwanuma pive'a eta pisureru te piuki'a, tási'a pimairikainapa tiuri, tási'a pive'asarenapa eta masureru te mauki'a ema pipareapiya.

Ignaciano

⁴² Vahi titupa­ra­ca­hemahi étupirica eta jácani ánichi­cha­quenehi máejeca­pi­ravahi ema eparaepiya. Tájina eviyahini eta econse­ja­ra­pi­nahini. Ichapesera eta tatupa­ra­si­rahehi étupirica eta éjeca­pi­ra­vanahi éti. Tapaenumava eta étupi­ri­sirapa eta íchava­que­né­vanahi, táuricapaini econsejacha ema eparaepiya tayehe eta máichava­que­névahi.

San Lucas 6:42 ပူးပေါင်းရင်းမြစ်များ

San Mateo 26:75

tási'a ema Pedro máechapa eta máichira'i ema Jesús: “Te tamira'uinapaicha'a eta táechejisirayare eta warayu, píti mapa'eyare eta péñauchiranuya.” Taka'e tiuchukapa ema Pedro tíya'apa eta makatisamurewa'i.

San Mateo 7:3

¿Taja'a takayema pikune eta ánichichakeneana máejekapirawana'i ema piparape, tási'a piti wa'i pipanerecha'ini eta táichapewa eta péjekapirawana?

San Mateo 7:4

Tási'a piti te tatiari'ipuka eta pejekapirawa'i, ¿waipaine'i taurikaima'i picha'ini ema piparaepiya: ‘Nuvinavi eta pisureru te piuki'a’?

San Lucas 13:15

Tási'a, ema Viákenu Jesús, majikapapa: –Eti apimirana, ¿tétavikawa'i eta tamurakawa eta esamureana, te tikaitiki'i eta epera te jákani sache sáwaru, evejapuakayare'i eta ésichirayare eta une, tayanapane takapika'ukene'inéni eta sache?

San Lucas 22:32

nútisera nuyaseuchavi'i me Tata, apaesa wa'i takuemitiaka eta pé'isiranu'i. Piákipaikawayasera, tichawayaresera eta pikasiñairanuya, tási'a pétumechawakainawarepa ena apamuriana pichamuriana.

San Lucas 6:41

“¿Taja'a takayema pikune eta ánichichakeneana máejekapirawan'i ema piparape, tási'a piti wa'i pipanerecha eta táichapewa eta péjekapirawana?

San Lucas 6:43

Takutikene tímatikare'iware eta tá'iana eta yukukiana, jarari'i eta tinikakareana. Jarari'iware eta wa'i tánikakare.

Hechos 13:10

Taka'e, máichapa: –¡Tiwayuara'i matsiriaraira'a, piti machicha ema Wínaraji. Piti pikatianaka tamutu eta táurikeneana! Píti píchejimirauchawaka'i ena tiwara'ana té'ikana ema Viákenu.

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 8:21

Wa'i pítiparakaina, taicha eta pipanereruana wa'i tátupiruwa'ini maye'e ema Viya.

Romanos 2:1

Étiari'isera eti ímijacha'i tájina eviurewaima'i eta wa'i ákutima'i ena apamuriana. Ímijachawa'i tájina epekaturaina. Eti ekaeka'iwaka'i ena tíchana'i eta tamaurikeneana'i. Wá'isera étupikawa'ini eta ekaeka'ira'i, taicha éti'ichu'i nakutikeneana'i eta íchakeneana.

2 Corintios 5:18

Ema Viya, tétavikawa'i eta máuriwa'i eta viye'e. Ema, mawara'a'i vipauchayare'i ema. Mawara'a'iware makaepa'ayare'ini eta vipikakarasirawa'i eta víkuñayare táichavene'i eta vipekaturana.

2 Timoteo 2:21

Eta taka'e víti, ichape eta vijaneasirawayare taye'e eta tamaurikeneana. Yátupiyare'i eta vikamunukarewaina maye'e ema Viya, vítauchirayare'i eta vikaemataneasira ema. Jé'esare, ichapenapa eta vimunawayare'i maye'e.

2 Pedro 1:9

Nákanisera wa'i náwara'a'ini nakarawa'u, tímikutijirikawa'i ena púchukiana énainapa tikatajiwanayare, taicha náemitisikaipa'i eta máepachinachirawaka'i ema Viya taye'e eta táinapureni'i napekaturana náichakeneni'i kape eta náitaresira'i.