San Lucas 6:19 - Táurinakene máechejiriruwa’i ema Viya tikaijare

¹⁹ Taka'e namutu ena achaneana nawara'a'i náemama'aka ema Jesús, taicha náecha'i eta títupajijiakawa'i ema.

Ignaciano

¹⁹ Namutu ena achaneana navarahahi náemamahaca ema Jesús taicha náechahi tinara­ca­na­yarehi eta najumana eta náemama­ha­si­rayare taicha títupa­ji­jia­cavahi éma.

San Lucas 6:19 ပူးပေါင်းရင်းမြစ်များ

San Mateo 14:36

nayaseakawarepa ema eta máisapiraina'ini náemamajiaka eta tacheyarapi eta mamuiri'a, taka'e, nákani témamajiakanapa'i, enewanepaipa tinarakanapa'i.

Marcos 3:10

Taicha kamurianaipa'i ena makanararuana'i ena nakajumakeneana, namutu ena nakajumakeneana nawara'a'i náemama'aka.

Marcos 5:30

Ema Jesús makaikutiarawanepa eta tauchusira'i eta máitupaijiasirawa. Enurujipa téviurukawa'i te namurikene ena achaneana mayaserekawakapa: –¿Nája'a témamajiakanu'i?

Marcos 6:56

Éneichuware, te jákani mayani'apa'i te acheneana té'epuka calleana, nanakipaikapa'i ena nakajumakeneana, nayaseakawarepa ema eta máisapiraina'ini náemamajiaka eta tacheyarapi eta mamuiri'a, taka'e, nákani témamajiakanapa'i, enewanepaipa tinarakanapa'i.

Marcos 8:22

Taka'e, títekapanapa eta te awasare Betsaida. Ánaki, námapa ema achane púchuki. Náechejiuchapa ema eta makanarasiraya ema Jesús.

San Lucas 5:17

Etana sache ema Jesús tímitureka'i te taju'e eta peti, kamuriana ena achaneana. Natiari'i'iware ena fariséuana tépiyakawana religiósoana, énapa ena escriwánuana, tímatiana eta naye'erepiana ena israelítana. Ena, tiási'ana'i te Jerusalén, ena apamuriana tiási'ana'iware te awasarechichana taye'e eta Galilea, étapa te Judea. Ema Viya máimikataka'i ema Jesús eta makanarasirawakayarepa'i ena nakajumakeneana.

San Lucas 6:18

Eta tímitekana'i ena, nawarai'ra'i nasama ema Jesús, nawara'a'iware makanarakawaka'ini eta najumana, tikatajiwana'i eta máwa'asira'i ema éreana, makanarakawakapasera.

Hechos 19:12

Ichapemuriana ena achaneana makanararuanapa'i taye'e eta páñuana, kamisapuka makaratajiruanapa'i. Máijarakaware nakaitekapaya naye'e ena nakajumakeneana, tási'a takanarakapaipa. Éneichuware tákijikapa'i ena éreanana.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.