San Lucas 4:35 - Táurinakene máechejiriruwa’i ema Viya tikaijare

³⁵ Ema Jesús makajachapa ema éreana, máichapa: –¡Pámatina pijunijiaka ema maka achane! Taka'e, tíja'uchawapa tiákipaikawa'i te apake'e ema achane. Tási'a majunijiakapa ema, tájinasera máichawa'ini ema achane.

Ignaciano

³⁵ Tacahe ema Jesús macajachapa ema éreana. Ánipa maicha: —¡Pámatina! ¡Piyana pijunijica ema maca achane! —máichapa. Tásiha, tíjahúchava tiáquipai­cavapa te apaquehe ema achane. Tásiha majuni­jiacapa ema éreana. Tájinasera máichavahini ema achane.

San Lucas 4:35 ပူးပေါင်းရင်းမြစ်များ

San Mateo 17:18

Taka'e ema Jesús, makajachapa ema éreana, máinajiakapa ema amaperu. Enewanepa tinarakawane'i.

San Mateo 8:26

Ema majikapawakapa: –¿Tája'a takayema eta episira? ¡Wa'i ákasiñawapa'ini eta nutiari'irapa'i eta eye'e! Eta juka maka'era'i, téchepukapa mawanekapa taemajakawa eta tékatikawa étapa eta kákiure, enewanepa tésamiriekawapa eta táepakusira'i, tájinapa táichirawaina'ini.

Marcos 1:26

Ema achane tíja'uchawapa tiákipaikawa'i, tipiararekapa muraka maicha ema machanewa ema éreana. Tási'a majunijiakapa ema achane.

Marcos 4:39

Ema Jesús téchepukapa mawanekapa taemajakawa eta tékatikawa, tási'a máichapa eta ichapeama une: –¡Pamatina! ¡Pésamirikawa! Taka'e eta tékatikawa temajakawapa, tájinapa táichirawaina'ini.

Marcos 9:26

Ema éreana tipiararekapa mawayuyujikapa, tiyayakarepa máicha ema amaperu. Tási'a majuni'akapa ema amaperu, taka'e ena achaneana naimijachapa tepenapa.

San Lucas 11:22

Té'esera maka'epaipa mákani achane túmepana'i maye'e, maverejikayare eta matakirikini makasiñakene'i, mamechinayarepa tamutu eta maeñamakeneana. Tási'a, maijarakasichapa ena maemunakasareana.

San Lucas 4:23

Ema Jesús majikapawakapa: –Ewara'ainapapuka íchanuyare: ‘Te yátupina píturuekene'a, pípuchawaka ena tikajumana'i te juka.’ Taka'e naichainapa: ‘Víma'aseji piápechawaware pikuchuka te juka piáwasaichu, takuti eta pímereru'i te awasare Cafarnaúm.’

San Lucas 4:39

Ema Jesús maetipauchapa eta suye'e esu, tási'a makijikapa eta muraka fiebre, enewanepa táetaviaka'i eta fiebre, tási'a tepanawapa suéchapajirikawakapa.

San Lucas 4:41

Maverana'i ena éreanana mákijiruanapa'i te náke'eana ena nakajumakeneana, tipiararekanapaipa eta náuchusirapa'i: –¡Pítira Machichavi ema Viya! Émasera ema Jesús waipa máisapa'ini náimiyanawa'ini naechejika'ini ena, taicha náimati'i ena, eta émaira'i ema Cristo.

San Lucas 8:24

Taka'e nakajamikapa ema Jesús, náichapa: –¡Tata Maestro! ¡Tata Maestro! ¡Píma'a vécharikawainapa! Enewanepa téchepukapa ema Jesús. Makamatinakapa eta tékatikawa étapa eta táepakusira'i eta une, tésamiriekawapa tamutu.

San Lucas 9:39

máwa'aru'i ema éreana. Makapiararereka'i, técharipaikawaware tikarisasajakaware. Ichapemuri eta makatajiwaira máicha. Wa'i máwara'a máinajiaka.

San Lucas 9:42

Te témeña'awainipa ema amaperu, ema éreana mákipaikapa te apake'e. Émasera ema Jesús, makajachapa ema éreana, taka'e tinarakapa ema amaperu, tási'a máijarakapa ema maiya.

Apocalipsis 12:12

¡Tétavikawaya eta íurisamurewaya, eti iávi'ana'i taye'e eta juka anuma! ¡Páureanasamisera ena tikawasana'i te apake'e énapa ena tiávi'ana'i te ichapeama une, taicha ema wínaraji máecha'i eta ánipine'i, máukupauchawakaipa, tétavikawa eta masemanewapa'i!”