San Lucas 24:44 - Táurinakene máechejiriruwa’i ema Viya tikaijare

⁴⁴ Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

Ignaciano

⁴⁴ Tásiha, máechaji­ri­ca­vacapa: —Eta juca níchava­que­nevahi, étara eta numeta­ruhehi cape juca nucacha­ne­ji­ri­ca­héi­chahahi. Eta tacahe­yarehi eta táitauchi­ra­va­yarehi eta májucha­que­neanahi ema víyarahaini Moisés núti táechaji­si­ha­quenehi. Étapa eta nájucha­que­nea­na­hivare ena profetanaini, étapa eta Salmo.

San Lucas 24:44 ပူးပေါင်းရင်းမြစ်များ

San Mateo 1:22

Títauchawapa tamutu eta juka máechejiriruwana'i ema Viya, maye'e ema profeta:

San Mateo 16:21

Tepanawapa, ema Jesús, máimitukawaka'i ena máimitureana, eta mayanirayarre'i te Jerusalén, eta makatajiwairayare, náepuruyar'i ena viyakarana, énapa ena tachutiri'ana naye'e ena tiyujarakara'iana, énapa escriwánuana. Mametakapa eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Mateo 26:54

Wá'isera nuwara'a nuyaseaka, tatuparaka'i títauchawayare'i eta táechejiriruwana'i eta Takapika'ukene Ajureka, eta níchawakenewayare'i.

San Mateo 26:56

Tamutu eta juka títauchawayare'i, taicha taka'e'i eta náechejiriruwa'i ena profetanaini, taye'e eta Takapika'ukene Ajureka táechejisi'airanu'i. Taka'e, ena máimitureana namutu tijunarakanapa, nanakikapa ema Jesús.

Marcos 9:31

Eta máimitusirawaka'i, ena maimitureana. Ánipa maichawaka: –Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i, tási'a tikapakanuanayare. Té'esera te mapanakenénapa sache eta népeniraya, néchepukayaresera.

San Lucas 21:22

Taicha táitekapauchainapa eta tasacherayare eta takaikuñairaya, títauchawainapa eta tametarapi eta Takapika'ukene Ajureka.

San Lucas 22:37

taicha puiti numetaka'e títauchawainapa eta táechejiriruwana'i eta Ajureka: ‘Tímikutijirikawa'i nukapa'i'ini náicha.’ Tamutu eta juka títauchawayare'i.

San Lucas 24:46

Tási'a, máichawakapa: –Étara eta juka takajukene'i, eta maepenirayare'i ema Cristo. Tási'a téchepukayare'i te maékari te mapanakenenapa sache,

San Lucas 9:22

Taka'e, máichawarepa: –Ema machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Nakapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Lucas 9:44

–Esama eta juka numetaru'eya, wa'i ekuemitisika: Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i.

San Juan 3:14

Tási'a takuti'i, ema víyara'aini Moisés máepiyaka'i eta metal eta táima'i eta kichare. Manaka'i te anuke'e te yukuki. Ene maka'eyare ema Machicha ema Ajaira tikaechepukawaya.

San Juan 5:39

Eti, tamapuruji eta ekarawa'uira'i eta Taka'ukene Ajureka. Ímijachaipapuka eta tikaitareka'eyare'i. Wá'isera ímatiekene'a'ini, wá'iware ákaikutiara'ini eta nútira'i táechejisi'a'i máichekuarakirenapa eta naitaresira.

San Juan 5:46

Te yátupina'ini esuapa'ini eta mametarapiana ema Moiséini, esuapanu'ipukaini nuti táechejisi'akene'i eta májureana'i ema Moiséini.

Hechos 13:33

títauchawaipa'isera eta máechejiriruwa'i, maikure'avi'i viti machichanaveana, taicha makaechepuka'i te máekari ema Jesús. Étara takayemakene'i eta apinakene Salmo: ‘Pítira nuchichavi; nímimatichaviyare naye'e ena achaneana eta nuchichairavi'i eta nukaechepusiravi'i te pékari.’

Hechos 13:40

Tási'a puiti, échapawayare, apaesa wa'i ekuakipaikawa eta eye'e eta naichakene'i najure'i ena profetanaini:

Hechos 2:27

Taicha wa'i pinakikanuima'i eta te nekari wa'iware pisapaima'i naima'a eta tamaurikeneana eta viake'e viti pinerejiruana piwanarana.

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Hechos 7:37

Émaichuwa ema Moisés tikaechejiriruwa'i naye'e ena majaneanana israelítana: ‘Ema Viya mákaechepukayare ema apanayare mawaneruyare ema Viya, takutiyare eta mawanesiranu'i nuti.

Hebreo 10:1

Eta mawanairipiana ema Moisés, étachucha táikutiara'i eta arairuyare'i viyani'ayare me Viya, eta tiúricha'aviyare'i. Wa'i tánasi'ini máitawakakaina'ini eta mawanairipiana, taicha wa'i táuricha'ini ena achaneana nákani tiwara'ana'i tikaiju'eana ema Viya, taicha wá'iware nasamawa'ini eta náuchukuira'i, tayanapane nápepejirikawa'ini te añuana eta nakapasira'i eta sárareana.

Hebreo 3:5

Emasera ema Moisés, ema mawanara'i, emasera matupiruwa'i eta masuapajiraiwa'i eta mawana'i'i me Viya, eta maematane'i eta'i eta titametakakayar'i tamutu eta mawara'akeneana ema Viya.

Hebreo 7:1

Ema Melquisedec, rey'i, taye'e eta awasare Salem. Ema'i mawanara'iware ema Viya, tiyujarakara'i ema. Taka'e ema Abraham énapa ena masuntarurana té'akakapana'i, makanarawaka'i ena reyeana. Máita'akakawaka'isera. Taka'e, te tichawapa te mapena ema Abraham, mákapapa ema Melquisedec, mayujaraucha'i;

Hebreo 9:8

Émasera ema Machanewa Viya mawara'a vímatiekene'aya eta juka, eta cortina, eta tiávimiraucha'i eta Lugar Santísimo, wa'i táisapa'ini tisiapana ena achaneana, puítisera vísapakare'i víti eta vítekapauchaya ema Viya.

1 Pedro 1:11

Eta Machanewa ema Viákenu Jesucristo, ema tinapuka'i mamimetaka'i ena Profetanaini eta matajiwaiyara'i ema Viakenu Jesucristo tási'a eta taitekapirayare'i eta makunachakarewayare'i te taekenepapa. Enasera tikaematanean'i eta nawaraira'i naimati eta sachewayare'i eta maitekapirayare'i, eta maimijarechakene'i ema machanewa ema tiáwa'aka'i ena.

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.