San Lucas 24:39 - Táurinakene máechejiriruwa’i ema Viya tikaijare

³⁹ Íma'a eta juka nuwa'uana, étapa eta níwapeana. Émama'akanu apaesa echa eta nútikenera'i: Eta kunare, tájina táechena, tájinaware táperaina. Wa'i tákuti'ini eta nukake'era'i nuti.

Ignaciano

³⁹ Ímaha eta juca nuvahuana étapa eta nívapeana. Émama­hacanu apaesa écha eta nútique­nérahi. Eta cunare, tájina táechena, tájinavare táperaina. Vahi tácutihini eta nucaque­herahi núti —máichavacapa.

San Lucas 24:39 ပူးပေါင်းရင်းမြစ်များ

San Lucas 23:46

Ema Jesús tipiararekapa muraka, tási'a maka'epa: –Tata, pijakapa eta náchanewa. Te títapirikapa, tépenapa.

San Lucas 24:38

Émasera ema Jesús máichawakapa: –¿Taja'a takayema íarameka'i? ¿Taja'a takayema wa'i esuapanuwane?

San Lucas 24:40

Eta máichirawaka'i eta juka, maimechapa eta mawa'uana, étapa eta máiwapeana.

San Juan 20:20

Tási'a, maimechapa eta majarana te mawa'uana étapa te macheneji. Taka'e, ena ichapeine'i eta naúrisamurewa'i eta naimaira'i ema Viakenu.

San Juan 20:25

Tási'asera, ena apamuriana nachamuriana nametakapa ema eta naimairaipa'i ema Jesús naka'epa: –Vima'a'i ema Tata. Emasera ema Tomás majikapapa: Té'esera te níma'a eta majara te mawa'u taicha eta clavo, nímisiapaware eta nuwauki taye'e eta majara te machene, tapaenumawa nusuapayare eta máechepusiraipa'i.

San Juan 20:27

Tási'a, máichu'apa ema Tomás: –Yare, píma'a eta nujarana te nuwa'uana, pímisiapa eta piwauki eta te juka nuchene, wa'i pikukuti ena maecharaireana ¡yatupina pisuapanu!

Hechos 1:3

Tási'a te táekenepa eta máepenira'i, téchepukapa te máekari, tiápechawaware títareka'i, kuarentakene'i sache eta makáchanerawakaicha'a ena máimitureana. Máimitukawaka'i ena eta mawasa ema Viya akenuka te anuma.

1 Tesalonicenses 5:23

Tiuri puiti, máijaraka'eni ema Viya táuriwaina eta epanereruana, yátupina'ini takuija'ini ekuichirawaina eta iáwa'ásira'i ema, majaneasina'e'ini eta iáchanewana, eta iáke'eana, takuija eta etapirawaina'ini te machawapa ema Viákenu Jesucristo.

Hebreo 12:9

Takuti'i eta vijurusira'i víti te amuya'avicha'a, témechareka'avi'i ena tikachicha'aviana, visuapawakapa táicha, tási'a, tavetijipa eta visuapirayare'i ema Tata Vikaiyakene'i apaesa ema tíjaraka'aviyare'i eta táuriwayare'i eta vítaresiraya.

1 Juan 1:1

Vímiajureka'e eta eye'e. Viwara'a vimetaka'e eti, eta véchakene'i maye'e ema Jesucristo, ema tíjaraka'avi eta echéjirirukawa tikaitarekara'i. Ema, matiari'i'i akane te tépanawapa tamutu. Taka'e, tiúkupaika'i, tímerekawa'i eta viye'e. Visamapa eta máechejiriruwa. Kamuri eta sácheana eta vímararasira'i ema te viúki'a. Vémama'aka'i te viwa'u.