San Lucas 24:27 - Táurinakene máechejiriruwa’i ema Viya tikaijare

²⁷ Tási'a, mametakawakapa tamutu eta táechejiriruwana'i eta Takapika'ukene Ajureka, eta táechejisi'aira'i ema. Tépanawapa te májureana'i ema víyara'aini Moisés, étapa eta nájureana'i ena apamuriana profetanaini.

Ignaciano

²⁷ Tásiha, mameta­ca­va­ca­pasera tamutu eta táechaji­ri­ru­vanahi eta Sagrada Escritura, eta táechaji­si­hairahi éma. Tépanavapa tayehe eta májureanahi ema víyarahaini Moisés; étapa eta apamuriana nájureanahi ena profetanaini.

San Lucas 24:27 ပူးပေါင်းရင်းမြစ်များ

Marcos 4:34

Tájina éta'ena te tímitureka, wa'i makunaka'ini eta máimikutichira. Té'esera te makarichupa énapa ena máimitureana, máimikaecherachapa tamutu eta máimikutiarachakeneana'i.

San Lucas 24:25

Taka'e ema Jesús máichawakapa: –¡Tétavikawapa tájinaira ekaikutiarakenena eti. Wá'iware ákaikutiara'ini eta náechejiriruwana'i ena profetanaini!

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

San Juan 1:45

Ema Felipe tiyanapa matanupana'i ema Natanael, tási'a te máetupiakapa, máichapa: –Víma'aipa ema májuekeneru'i ema Moisés, émaichuware ema táechejisi'akene'i eta libro nájureana'i ena profetanaini. Ema tikaijare'i Jesús, machicha ema José, tikawasa'i te Nazaret.

San Juan 12:41

Ema Isaías maka'e'i eta juka, taicha maima'aipa'i eta majaraiwa ema Jesús, tási'a maechejisi'aware.

San Juan 5:37

Émaipa ema Tata tiwanekanu'i. Wa'i esama'ini eta ma'u, wá'iware íma'aima'i,

San Juan 5:39

Eti, tamapuruji eta ekarawa'uira'i eta Taka'ukene Ajureka. Ímijachaipapuka eta tikaitareka'eyare'i. Wá'isera ímatiekene'a'ini, wá'iware ákaikutiara'ini eta nútira'i táechejisi'a'i máichekuarakirenapa eta naitaresira.

Hechos 10:43

Étaipa eta akane namutu ena profetanaini náechejisi'a'i ema Jesús, ánipa naka'e'i, namutu ena tisuapanaya tikasiñanaya ema Cristo, majapanuyare ema Viya taichavene tamutu eta napekaturana.

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Hechos 3:22

Ema víyara'aini profeta Moisés, mametaka'i ena viáchukanaveanaini: ‘Ema Viya tiwanekanu'i nuti numetaka'eyare eta máechejiriruwa. Títekayare ema apanayare profeta. Ema, tatuparaka nasuapayare tamutu eta mawanairipianayare.

Hechos 3:24

“Namutu ena apamuriana profetana, émaipa ema Samuel énapa ena náekenereruana profetana, náechejisi'a'i eta juka víma'akeneana'i puiti juka sácheana.

Hechos 7:37

Émaichuwa ema Moisés tikaechejiriruwa'i naye'e ena majaneanana israelítana: ‘Ema Viya mákaechepukayare ema apanayare mawaneruyare ema Viya, takutiyare eta mawanesiranu'i nuti.

Hechos 8:35

Taka'e, ema Felipe tépanawapa mametaka'i ema táechejisi'a ema Jesús, ema nakuchapakene'i.

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.