San Lucas 23:33 - Táurinakene máechejiriruwa’i ema Viya tikaijare

³³ Te titekapanapa taye'e eta tikaijare tavirare eta Náperana ena Naépenakeneana, tikáetatapa ema Jesús, énapa ena apinana tiámera'iana, ema émana te mawaure, ema apana te sapane.

Ignaciano

³³ Tacahe, nacaite­capapa tayehe eta masihi nacaeta­tairare ticaijarehi Calavera. Náetatacapa te crusu ema Jesús, énapa ena apinana tiámerahiana. Ema émana nanacapa te mavaure, ema apana te sapa.

San Lucas 23:33 ပူးပေါင်းရင်းမြစ်များ

San Mateo 20:19

tási'a naíjararekayare naye'e ena suntaruana rumanuana, nakaeka'inapa ema, ena naéstakainapa, nae'ainapa, tási'a naemetatarekainapa te crusu, tási'asera te mapanakenenapa sache, téchepukainapa te maékari.

San Mateo 26:2

–Échaichu'i eti, eta apinaine sache eta piesta tikaijare Pascua, tási'a, ema Machicha ema Ajaira, nakaratakainapa naémetatakainapa te crusu.

San Lucas 24:7

ema Machicha ema Ajaira naijararekayare'i, naye'e ena tisipekaturara'iana, naemetatarekayare te crusu. Tási'a te mapanakenénapa sache téchepukayare te maekari.

San Juan 18:32

Taka'e'i eta táitauchirawapaipa tamutu eta máechejiriruwanapa'i ema Jesús eta máepenirayare'i te crusu.

San Juan 3:14

Tási'a takuti'i, ema víyara'aini Moisés máepiyaka'i eta metal eta táima'i eta kichare. Manaka'i te anuke'e te yukuki. Ene maka'eyare ema Machicha ema Ajaira tikaechepukawaya.

Hechos 13:29

Tási'a, te títauchawapa tamutu eta taechejiriruwa eta Ajureka eta nakapasirayare'i, ena máimitureana nakukupaikapa te makurusura, náekarapa.

Hechos 2:23

Emara ema maka achane, eta taitauchirawaya eta mapanereruana mawara'akene maicha ema Viya, eta taka'e, máisapa'i eta íjararesira'i ema Machicha naye'e ena wínarajikeneana achaneana, ema, émetataru'i te crusu, ema, ímikaparu'i.

Hechos 5:30

Víti, vé'ika'i ema Viya, émaichu'i nakasiñakene'i ena viáchukanaveanaini, éma'i ema tikaechepuka'i ema Jesús, ema ímikaparu'i eta émetatasira'i te crusu.

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.

1 Pedro 2:24

Ema Cristo tikaikuña'i víchavene'i víti eta vipekaturana. Tétavikawa'i eta mátajiwana te máke'e eta vemetatasira'i te crusu. Makamicha'i tamutu, mawara'a'i waipa takuwayuaka'avi, tatupiruwayare'i eta vítaresiraina. Eta majarana, eta tikanaraka'eyare.