San Lucas 22:69 - Táurinakene máechejiriruwa’i ema Viya tikaijare

⁶⁹ Étainapasera makaiju'eyare te anuma ema Machicha ema Ajaira, eta maéjasi'ayare te mawaure ema Viya, máitupajijiaruwakene'i.

Ignaciano

⁶⁹ Étaina­pasera nucaiju­heyare te anuma nuti Manere­ji­ru­nuhi ema Viya eta néjasi­rainapa te mavaure ema Tata, máitupa­ji­ji­ha­quenehi éma —máichapa éma Jesús.

San Lucas 22:69 ပူးပေါင်းရင်းမြစ်များ

San Mateo 22:44

‘Ema Tata Viákenu máichapa ema Tata Nákenu: Yare péjaka te nuwaure, eta pikuchapi'ayare, eta nukaepuyusiraya te pimira'u ena tikatianakaviana'i nunakayare te tapeku te piwape.’

San Mateo 26:64

Ema Jesús majikapapa: –Petupika'i eta píchira'i, tási'a nuti eneichuware, numetaka'eyare eti, eta íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

Marcos 14:62

Ema Jesús máichapa: –Nuti'ichu'i. Tási'a eti íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

Marcos 16:19

Taka'e, te títawapa tamutu eta mametarapiana'i ema Viákenu Jesús, tiyanapa tiyapa te anuma. Ema Viya makaejakapa te mawaure.

San Lucas 22:68

Te nuyasereka'epuka, eti wa'iware ejikapanuima'i.

Romanos 8:34

Tájinakenepa tímikuñaka'avima'i taicha ema Cristo máepenina'avipa, tichawaipaware títareka. Puíticha téjaka'i te mawaure ema Viya, téchejiuruka'avipa ema.

Colosenses 3:1

Puítisera arairupa eta ítaresira maicha ema Cristo, étainapa ti'apasamurereka'eyare eta máuriwa'i ema étapa eta ítekapauchira ema taye'e eta anuma máejasi'a'i te mawaure ema Maiya.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 12:2

Vikutiyarewa ema Viákenu Jesús, taicha eta tási'a maye'e eta vikasiñawaira'i me Viya émaichuware timitupirucha'avi. Ema, Jesús marata'a'i eta matajiwa te crusu wa'i masuapa'ini eta tatsiri'akarewa eta maepenira'i te crusu, taicha maecha'i te taekenepa matajiwa titekapayarepa eta maurisamurewayare'i. Tejakayarepa te mawaure ema Viya.

Hebreo 8:1

Tiuri puiti, nuwara'a yátupi ákaikutiara eta juka, tikunachakarepana'i ema téchejiura'i eta viye'e víti, taicha matiari'i te anuma, téjaka'i ema te maye'e trono te mawaure ema Viya,

1 Pedro 3:22

Puiti ema, tiyanaipa'i te anuma; téjakaipa te mawaure ema Maiya. Tétavikawa'i eta masuapakarewa'i naye'e namutu ena maye'eana ángeleana. Énapa ena wínarajiana, nasuapa'iware.

Apocalipsis 22:1

Ema ángele tímechanuwarepa eta tapachinakene kajakure, tétavikawa'i eta takaitarekaraiwa'i eta ta'unera. Takutiyaréni eta cristale eta tajararaesira. Eta táuchusi'a'i eta maye'e trono ema Viya, émapa ema Cordero.

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.